Actor Vardan Petrosyan in major car crash

[MosJan]

[MosJan]

Was Vardan Petrosyan’s detention justified? The opinions of intellectuals are unambiguous

Read more at: http://en.aravot.am/2013/11/11/162487/

© 1998 - 2013 Aravot – News from Armenia

“After all, I can not say anything, Vardan is a very dear person to me, but, on the other hand, there is a crime, two people died”,- so replied sculptor Levon Tokmajyan to the question of Aravot.am whether actor Vardan Petrosyan’s detention was justified. To recall that an accident took place on October 20, which resulted in the death of two teenagers. Actor Vardan Petrosyan is accused for the car accident. Days ago, he was taken into custody. Continuing to evaluate the incident happened to Vardan Petrosyan, Levon Tokmajyan said, “God forbid, something happened to me like that. I do not know, it’s very difficult for me to express an opinion, but that he was taken to court, then the state of his health was good, before that he was brought home from the hospital.” Publicist Karine Hakobyan, who was at court on the day of arresting Vardan Petrosyan, considered the incident happened to Vardan Petrosyan “unreasonable, incomprehensible and unjust,” and continued, “The very idea of Vardan Petrosyan’s detainment is absurd, because there was no trial, it is not yet known whether he is guilty or not in this fatal accident. He has lost his health due to the accident. In fact, we have mixed the victim and perpetrator together. Instead of treating him from this prospective and carrying out just investigation, on the very first days we see disinformation in the media, when it is still unclear how the accident occurred, our law enforcement agencies already consider him to be guilty, and then arrest him.” Regarding this matter, Mrs. Hakobyan sees objective and subjective reasons and is detailing, “We need to draw conclusion from accidents are continuously growing. We are sorry for the victims, but after doing proper research, we can prevent further accidents. It is the condition of our roads; they are almost invisible from out of the city, very dark and with no light in many places. The sign boards and street signs are missing. For example, in that section, especially at night, it is very possible that it was dark, Vardan Petrosyan mixed up the road, then he wanted to correct, perhaps something had happened…” Tatev HARUTYUNYAN

Read more at: http://en.aravot.am/2013/11/11/162487/

© 1998 - 2013 Aravot – News from Armenia

[MosJan]

Դո՞ւք պետք է որոշեք՝ հնարավոր էր հայտարարություն տարածել Վարդան Պետրոսյանի վերաբերյալ, թե՞ ոչ. Հ․Խուրշուդյան

12.11.2013 17:15

http://shamshyan.com/images/icons/message.png0 http://shamshyan.com/images/icons/achk.png192 դիտում

http://shamshyan.com/cms_images/rbqkEUO8aYgzR2j65CL7_tn.jpg

Newsbook.am-ը կապ է հաստատել «Ժառանգության» մամլո խոսնակ Հովսեփ Խուրշուդյանի հետ՝ պարզելու համար, թե ինչու՞ Րաֆֆի Հովհաննիսյանը մինչև այժմ իր դիրքորոշումը չի հայտնել՝ կապված դերասան Վարդան Պետրոսյանի կալանավորման հետ: Հովսեփ Խուրշուդյանն ասաց, որ Րաֆֆի Հովհաննիսյանը բուժման նպատակով գտնվում է արտերկրում, խոսնակը չցանկացավ մանրամասնել, թե ինչ առողջական խնդիր ունի «Ժառանգության» ղեկավարը:

 

Պատասխանելով Newsbook.am-ի հարցին, թե ամեն դեպքում արդյոք հնարավոր չէր որևէ հայտարությամբ աջակցություն հայտնել դերասանին, Հովսեփ Խուրդուշյանը վրդոհվեց` պատասխանելով.

 

«Դո՞ւք պետք է որոշեք՝ հնարավոր էր, թե՞ չէ: Ասում եմ՝ նա գտնվում է դրսում բուժման նպատակով»:

Երբ մենք արձագանքեցին, թե արդյո՞ք «Ժառանգությունը» պատրաստվում է որևիցե հայտարարությամբ կամ սեփական դիրքորոշմամբ հանդես գալ, Խուրդուշյանը հարցով պատասխանեց, թե արդյո՞ք դա քաղաքական խնդիր է:

 

Newsbook.am-ը տեղեկացրել է, որ ՀՅԴ-ն ավելի վաղ հանդես էր եկել անձնական երաշխավորությամբ կալանքն որպես խափանման միջոց փոխելու միջնորդությամբ:

 

Newsbook.am-ը ավելացրել է նաև, որ նախագահական ընտրություններից հետո Վարդան Պետրոսյանն եկել էր Ֆրանսիայից ու իր աջակցությունը հայտնել Րաֆֆի Հովհաննիսյանին, իսկ այժմ էլ տրամաբանական կլիներ, որ «Ժառանգության» կողմից որևէ արձագանք լիներ:

 

Փաստերը լսելուց հետո «Ժառանգության» խոսնակն ասաց, որ վաղն ունենալու են վարչության նիստ, և, հավանաբար, այդ հարցը կդրվի քննարկման:

 

Հոդվածն ամբողջությամբ կարդացեք այստեղ:

[MosJan]

Վարդան Պետրոսյանը արագ ու անկանոն է քշել. Տաթեւը պատմել է վթարի մանրամասները

02.11.2013 20:45

http://shamshyan.com/images/icons/message.png0 http://shamshyan.com/images/icons/achk.png7136 դիտում

http://shamshyan.com/cms_images/8hMq98DZetRyLird2KFi_tn.jpg

Դերասան Վարդան Պետրոսյանի «BMW» մակնիշի եւ «ՎԱԶ 2121» մակնիշի մեքենաների՝ հոկտեմբերի 20-ին տեղի ունեցած ողբերգական բախման հետեւանքով 10 օր հիվանդանոցում գտնվող Տաթեւ Հակոբյանին նոյեմբերի 1-ին առաջին անգամ վիրահատել են։

 

«Բժիշկները սպասում էին, որպեսզի հեմոգլոբինի մակարդակը բարձրանա, որ կարողանան վիրահատել»,-NEWS.am-ին ասել է Տաթեւ Հակոբյանի համադասարանցին, որը նախընտրել է անունը չհրապարակել։

Տաթեւի ոտքը վիրահատել են, երկաթ տեղադրել։ «Բժիշկներն ասել են, որ կքայլի, բայց ժամանակի հարց է»,- ասել է նա։

 

Տաթեւը մանրամասներ է պատմել դեպքի մասին. «Ասաց, որ գիտակցությունը չի կորցրել ու ամեն ինչ հիշում է։ Հայրը տեսել է, որ հետևից եկող Վարդան Պետրոսյանի մեքենան արագ է քշում ու անկանոն, ասել է՝ կանգնենք, թող գա անցնի։ Կանգնել են ու մեքենան եկել, խփել է»։

 

Տաթեւը նաեւ հիշել է, որ սկզբում իրեն ու եղբորը շտապօգնության նույն մեքենայում են տեղավորել, բայց հետո եղբորը դուրս են բերել։ Նաեւ դրանից է աղջիկը կռահել, որ եղբայրն արդեն այդ պահին մահացած է եղել։

 

 

Հիշեցնենք, որ ինչպես ավելի վաղ հայտնել էր ֆոտոլրագրող Գագիկ Շամշյանը, քրեական գործ էր հարուցվել հոկտեմբերի 20-ին, Երևան–Եղվարդ ավտոճանապարհին տեղի ունեցած խոշոր ավտովթարի փաստով:

 

Նաիրիի ոստիկանները պարզել էին, որ վթարի հետևանքով հիվանդանոց էր տեղափոխվել Երևան քաղաքի Արամ Խաչատրյան փողոցի բնակիչ 48-ամյա Արթուր Հակոբյանը, ով վարել է ВАЗ 2121 մակնիշի 870 ՕԼ 64 համարանիշի ավտոմեքենան: Հիվանդանոց էին տեղափոխվել նաև Երևան քաղաքի Ա. Խաչատրյան փողոցի բնակիչ Էդուարդ Հակոբյանը, նույն փողոցի բնակիչ Տաթևիկ Հակոբյանը, Աշտարակ քաղաքի բնակիչներ, 43-ամյա Հայկ Հակոբյանը, 21-ամյա Էմմա Հակոբյանը և Էդգար Հակոբյանը:

 

Հիվանդանոց էր տեղափոխվել նաև Երևան քաղաքի Երվանդ Քոչար փողոցի բնակիչ 54-ամյա Վարդան Պետրոսյանը:

 

Ստացած մարմնական վնասվածքներից Էդգար Հակոբյանը Արմենիա բժշկական կենտրոնում մահացել էր:

 

Հոդվածն ամբողջությամբ կարդացեք սկզբնաղբյուրի կայքում

 

Լուսանկարները և տեսանյութը՝ Գագիկ Շամշյանի

[MosJan]

Երբ Րաֆֆին հանրահավաքներ էր անում, Վարդան Պետրոսյանը Ֆրանսիայից եկավ Հայաստան՝ ժողովրդի և նրա կողքը կանգնելու համար, իսկ Րաֆֆի՞ն...

12.Նոյեմբեր.2013 - 15:18

 

Երբ Րաֆֆին հանրահավաքներ էր անում, Վարդան Պետրոսյանը Ֆրանսիայից եկավ Հայաստան հատուկ ժողովրդի և Րաֆֆու կողքը կանգնելու համար:

Հիմա, երբ Վարդանը դժբախտության մեջ է, ես անընդհատ սպասում էի, որ Րաֆֆին ինչ-որ ձև կարձագանքի, կփորձի բարոյապես սատարել:

Այսօր մի տեսակ հույսս կոսրցրեցի և որոշեցի կիսվել:

 

Պետրոս Ղազարյան

[MosJan]

Եթե չպատժեն քննիչին, մեր` այստեղ մնալն անիմաստ կլինի. Միքայել Պողոսյան

12-11-2013

 

 

Մենք կանգնած ենք Վարդան Պետրոսյանի թիկունքին. այսօր լրագրողների հետ զրույցում ասաց դերասան Միքայել Պողոսյանը:

Նա մեկն է այն մտավորականներից, որոնք այսօր հանդես են եկել բաց նամակ-երաշխավորագրով` Վարդան Պետրոսյանի հանդեպ կիրառված խափանման միջոցը փոխելու պահանջով:

Պողոսյանը նշեց, որ այն, ինչ կատարվել է Վարդանի հետ, կարող էր պատահել յուրաքանչյուրիս հետ, եւ նման անմարդային վերաբերմունք դրսեւորել ու այսքան անհանդուրժող լինել պետք չէ:

«Վարդանն այս քաղաքի գույներից մեկն է: Կարծում եմ` օրենքը, որքան էլ խստորեն պատժի նրան, միեւնույն է, ինքն իր հանդեպ, ինքն իր խղճի հանդեպ ավելի խիստ է լինելու»,- ասաց Պողոսյանը:

Ըստ դերասանի` դատական գործը վարող քննիչը պետք է պատասխանատվության ենթարկվի եւ փոխվի, քանի որ քննիչի վերաբերմունքը Վարդանի հանդեպ ուղղակի արհավիրք է. «Եթե մեր պետական այրերը չպատժեն այդ քննիչին, ապա մեր` այստեղ մնալն ու արարելն անիմաստ կլինի»:

Մենք կանգնած ենք Վարդան Պետրոսյանի թիկունքին. այսօր լրագրողների հետ զրույցում ասաց դերասան Միքայել Պողոսյանը: Նա մեկն է այն մտավորականներից, որոնք այսօր հանդես են եկել բաց նամակ-երաշխավորագրով` Վարդան Պետրոսյանի հանդեպ կիրառված խափանման միջոցը փոխելու պահանջով: Պողոսյանը նշեց, որ այն, ինչ կատարվել է Վարդանի հետ, կարող էր պատահել յուրաքանչյուրիս հետ, եւ նման անմարդային վերաբերմունք դրսեւորել ու այսքան անհանդուրժող լինել պետք չէ: «Վարդանն այս քաղաքի գույներից մեկն է: Կարծում եմ` օրենքը, որքան էլ խստորեն պատժի նրան, միեւնույն է, ինքն իր հանդեպ, ինքն իր խղճի հանդեպ ավելի խիստ է լինելու»,- ասաց Պողոսյանը: Ըստ դերասանի` դատական գործը վարող քննիչը պետք է պատասխանատվության ենթարկվի եւ փոխվի, քանի որ քննիչի վերաբերմունքը Վարդանի հանդեպ ուղղակի արհավիրք է. «Եթե մեր պետական այրերը չպատժեն այդ քննիչին, ապա մեր` այստեղ մնալն ու արարելն անիմաստ կլինի»:

[MosJan]

http://armenianow.com/news/50011/vardan_petrosyan_car_accident_arrest Fatal Accident in Question: Supporters say popular actor should not be detained

http://armenianow.com/sites/default/files/img/imagecache/600x400/vardan-petrosyan_1.jpg

 

A group of intellectuals have addressed an open letter to Prosecutor General of Armenia Gevorg Kostanyan and Kotayk regional prosecutor Vazgen Rshtuni on behalf of popular actor Vardan Petrosyan, currently detained on charges resulting from two deaths in an automobile accident. The letter seeks to have Petrosyan released from detention on the personal surety of the letter’s co-signers.

 

On October 20, a BMW driven by Petrosyan collided with a Niva carrying six passengers on the Yeghvard-Yerevan highway. Two teenagers – Eduard and Edgar Hakobyan, age 16 – were killed and three others injured. Petrosyan himself was hospitalized and underwent surgery at Erebuni Medical Center. On November 9, Petrosyan was arrested on charges of negligent manslaughter, a charge that carries up to 10 years imprisonment. His attorney is seeking to have him released while trial is pending.

 

Before his arrest Petrosyan told media that it was a tragic accident and offered his condolences to the family of the victims. The actor expressed his distrust in the investigators’ actions, assuring that he had no intention of hiding and would serve his term should the court rule so.

 

“If I deserve to serve 4 to 10 ten years or 14 to 20 years in prison, I will. But let no one dare to think that I might make the slightest attempt to evade responsibility,” he said.

 

The family of the victims is demanding a fair investigation into the accident to identify the causes of their tragedy.

 

Hovhannes Tumanyan Puppet Theatre director Ruben Babayan extended his condolences to the family, and says Petrosyan’s supporters are not asking that charges be dropped against the actor, but that he be released on his own recognizance while awaiting trial.

 

“What do we expect from justice – fairness or cruelty? The way they are treating the actor today is far from justice,” says Babayan.

 

Professor of Arts Henrik Hovhannisyan believes it was a tragic accident the consequences of which have affected both sides, and supporters of Petrosyan are appealing on moral-legal grounds.

 

“In our country people commit deliberate murders and get away with it,” he says.

 

Petrosyan is a popular actor, whose performances are most often based in political satire and freedom of speech. During last winter’s presidential election campaign Petrosyan spoke at rallies in support of opposition candidate Raffi Hovannisian.

 

His attorney has turned to a number of international organizations for help in preparing a 3D re-inactment of the accident.

 

“Investigative bodies have harmed this case. I know by 99 percent how the accident happened and can prove it,” says defense attorney Nikolay Baghdasaryan. “Vardan and the aggrieved party know it as well. It is most regrettable that two young boys died. For now I can only assure you that it has been established that Vardan Petrosyan was not speeding, neither had he used alcohol prior to driving, nor was he napping at the wheel. Nonetheless, the investigative body has illegally arrested him. They first detained him then started collecting evidence, but when they saw the facts were actually proving something else, they refused to make those available to us,” says the defense attorney.

 

Heritage party representative Stepan Safaryan told ArmeniaNow that the actions of the authorities against Petrosyan that look like revenge lead one to assume that it might well be connected with the actor’s support for the opposition movement last spring.

 

Meanwhile, presidential spokesman Arman Saghatelyan offered clarification regarding the case in a Monday interview to Panorama.am, saying that the RA President is not authorized to intervene in legal processes. Nonetheless, he said, “considering the general concerns in Armenia over the application of imprisonment under guard, the president of the Republic of Armenia believes there is a need to once again reconsider the legislative and practical issues of this restraining measure.”

[MosJan]

 

Ուրվագիծ 14.11.2013

[MosJan]

Վարդան Պետրոսյանի հանդեպ կա բարձր մակարդակում կայացված քաղաքական դատավճիռ

Այսօր - 00:01

 

ԿՈՉ ԵՎ ԱՌԱՋԱՐԿՆԵՐԻ ՆԱԽԱԳԻԾ. Պաշտպանենք Վարդան Պետրոսյանին հաշվեհարդարից
Այսօր Վարդան Պետրոսյանի խափանման միջոցը փոխելու վերաբերյալ նրա շահերի պաշտպան Նիկոլայ Բաղդասարյանի վերաքննիչ բողոքի դատական լսման արդյունքում Վերաքննիչ դատարանի դատավոր Արշակ Խաչատրյանի կայացրած վճիռը Վարդան Պետրոսյանի կալանքն անփոփոխ թողնելու մասին վկայեց մի քանի կարեւոր բաների մասին.
1. Վարդան Պետրոսյանի հանդեպ կա բարձր մակարդակում կայացված քաղաքական դատավճիռ, իսկ դատարանների վրա հրահանգ է իջեցված նրա խափանման միջոցը չփոխելու համար: Այսինքն՝ Վարադան Պետորսյանի նկատմամբ իրականացվում է հետապնդում:

2. Կոտայքի մարզի առաջին ատյանի կատարածու դատավորի կողմից Վարդան Պետրոսյանի խափանման միջոցը կալանքն ընտրելուց հետո նախագահականի մամուլի խոսնակի շուրթերով Սերժ Սարգսյանի «մտքերի» վերծանման հարցոմ թերեւս ամենաճշմարիտը ես եւ մի քանիսը դուրս եկանք. Սերժ Սարգսյանն ասել էր, որ ընդհանրապես երկրում է առկա կալանքի՝ իբրեւ խափանման միջոց վերանայման անհրաժեշտությունը, սակայն դա չի վերաբերվում Վարդան Պետրոսյանին, ում հարցով ինքը չի պատրաստվում միջնորդել: Դա նշանակում էր՝ քննիչ ու դատավորներ ջան, ինչ անում եք՝ ճիշտ եք անում, եւ ես չեմ պատրաստվում միջամտել, շարունակեք նույն ոգով: Եւ վերքաննիչ դատարան ուղերձը կատարեց...

3. Այսօր ցավալի էր տեսնել, որ հասարակությունն անտարբեր է իր երեւելիների ճակատագրի հանդեպ եւ հլու հնազանդ հանձնում է այն մարդկանց, ովքեր տարբերվել են հետուքաբնակ մտավորակններից եւ իրենց արվեստով արտահայտել իրենց ընդվզումը իշխանությաւնների կողմից տարիներ շարունակ հասարակությանը հարստահարելու, խոշտանգելու ու նսեմացնելու դեմ: Մինչդեռ հասարակությունը, որ միշտ տրտնջացել է, թե ինչու իր մտավոականներն իր կողքը չեն կանգնում, պատրաստ չէ անգամ պաշտպանել նույն այդ եզակի անուններին...
4. Դատական երկու ատյաններում համանման վճիռների ընդունումը նշանակում է, որ այդ երկու վճիռների «օրինականությունն» ապացուցելու համար Վարդան Պետրոսյանի համար հետագայում արձակվելու է մեղադրող դատավճիռ եւ հիմիկվանից թող ոչ մեկ հույս չունենա, որ ավտովթարի գործով դատաքննությունը անաչառ է լինելու: Այլապես իշխանությունները չեն կարողանալու հանրությանը «ապացուցել», թե այս օրերին Վարդան Պետրոսյնաիի նկատմամբ խափանման միջոցը ճիշտ են ընտրել: Իշխանությունը որոշում է ընդունել նստեցնել Վարդան Պետրոսյանին ու պատժել Հայաստանում «մտավորական այլախոհությունը»՝ ի դեմս Վարդան Պետրոսյանի:

Ստեղծված իրավիճակը հարկադրում է, որ մենք անցնենք էֆֆեկտիվ ու նախահարձակ քայլերի, որի նախագիծ եմ ներկայացնում բոլոր ծահագրգիռ անձանց քննարկմանը՝ լրամշակումների ու առաջարկների հավաքագրման նպատակով.
1. Փչացնել Սերժ Սարգսյանի, Տիգրան Սարգսյանի, Արդարադատության նախարարի բոլոր այցերը արտերկիր եւ երկրի ներսում. այս առումով արտերկրում ու տարբեր քաղաքաներում ապրող մեր հայրենակիցները պետք է նրանց մշտապես դիմավորեն հավուր պատշաճի: Թող ոչ մեկ հայրենասիրությունից այլեւս վայրահաչ չտա. մենք պետք է փրկենք ՀՀ քաղաքացուն ու մտավորականին հաշվեհարդարից:

2. Հենց հիմիկվանից պետք է Վարդան Պետրոսյնաի իրավունքների խախտման ահազանգեր հնչեցվեն միջազգային իրավապաշտպան կազմակերպությունների ու հաստատությունների առջեւ. ԵԽ Մարդու իրավունքների հանձնակատար, ԵԱՀԿ, Human Rights Watch, Article 19, Amnesty International եւ այլք,

3. Բողոքի ցույցեր Հանրապետության քաղաքային բնակավայրերում՝ Գյումրի, Երեւան, Վանաձոր եւ այլուր՝ ի պաշտպանություն Վարդան Պետրոսյանի:

4.Հայտնի դեմքերի ներգրավում պայքարում՝ թե օտարեկրացի /որ ճանաչում են Վարդան Պետրոսյանին, ինչպես օրինակ Շառլ Ազնավուրը/, թե տեղացի անվանիներ, մարդաշատ ֆորումների կազմակերպում ու հայտարարությունների ընդունում:

5. Ինֆորմացիոն դաշտում ավտովթարի եղելության ներկայացում վերլուծությունների, օպերատիվ տեղեկատվության միջոցով եւ քննիչի, դատավորների ստորագույն արարքների մերկացում:Հասարակական ակցիաներ այդ մարդկանց գործունեության մասին հանրությանն իրազեկելու մասին:

6. Ամենակարեւորը՝ հոգատար վերաբերմունք զոհ տված ընտանիքի հանդեպ՝ նրանց շահագրգռելով ճշմարտությունը բացահայտելու հարցում, թույլ չտալ, որպեսզի այդ ընտանիքին իշխանություններն ուղղորդեն Վարդան Պետորսյանի ու նրա ընտանիքի դեմ, ինչը արեցին ավտովթարի սկզբից.
Այս բոլոր նպատակները իրականացնելու համար անհրաժեշտ է ստեղխել համակարգող մարմին՝ արտերկրում ու Հայաստանի մարզերում իր բջիջներով:
Ստյոպա Սաֆարյան Ֆեյսբուք

[MosJan]

Դատարանն ուժի մեջ է թողել դերասան Վարդան Պետրոսյանի նկատմամբ որպես խափանման միջոց կալանավորումը. նա «Դատապարտյալների հիվանդանոց» ՔԿՀ-ում է

21.Նոյեմբեր.2013 - 19:13

 

Հայաստանի Հանրապետության Վերաքննիչ դատարանը մերժել է փաստաբան Նիկոլայ Բաղդասարյանի բողոքը՝ Վարդան Պետրոսյանի խափանման միջոցի վերաբերյալ: Դատարանն ուժի մեջ է թողել դերասան Վարդան Պետրոսյանի նկատմամբ որպես խափանման միջոց կալանավորումը կիրառելու մասին Կոտայքի մարզի առաջին ատյանի դատարանի որոշումը։

Դատարանը որոշումը դեռևս չի հիմնավորել. այն կհրապարակվի երեք օրվա ընթացքում:

[MosJan]

 

Տհաճ բացահայտում. ո՞վ և ինչո՞ւ է ապակողմնորոշել Վարդան Պետրոսյանին աջակցողներին

 

Երեկ զարմացած է, որ Վերաքննիչ դատարանի դեմ Վարդան Պետրոսյանին աջակցող հավաքը սպասվածի չափ բազմամամարդ չէ: Պարզվում է, ՖԲ-ում կարողացել են հմտորեն ապակողմնորոշել հետարքրված մարդկանց: Մինչ բոլոր ազդագրերում գրված է եղել «հավաքվում ենք 15:30-ին Վերաննքիչ դատարանի մոտ» այս մեկը, որը եւս տարածվել է, մարդկանց ուրիշ տեղ է տարել.

«Ժողովուրդ վաղը ժամը 15:00-ին Կառավարութան շենքի մոտ հավաքվում ենք մեր բողոքի ձայնը հնչեցնելու: Կոչ ենք անում բոլորին, եթե հարմար է միանալ մեզ...Եկեք այս անգամ ուղղակի ակտիվ չլինենք սոց ցանցերում, այլ դուրս գանք իրականություն...»

Հարց է ծագում, թե ո՞վ եւ ինչո՞ւ է ապակողմնորոշել շատերին, այդ թվում Կարինե Չոբանյանին, Գագիկ Սուխուդյանին, լրագրողներին, ովքեր գնացել են Հանրապետության հրապարակ, այլ ոչ թե Վերաքննիչ դատարան: Եթե սրան էլ հավելենք մի շարք ԶԼՄ-ներում տարածվածը, թե «Վարդան Պետորսյանը ազատ է արձակվելու», այսինքն, իզուր մի գնացեք դատարանի դեմը սառեք, պարզ է դառնում, որ ինչ-որ մեկը սարսափում է մեր հավաքներից:

Կոչս բոլորին: Այսուհետ տեղեկատվությունը վերցրեք պաշտոնական խմբից:

Ստյոպա Սաֆարյան Ֆեյսբուք

http://operativ.am/?p=50761/%D5%8F%D5%B0%D5%A1%D5%B3-%D5%A2%D5%A1%D6%81%D5%A1%D5%B0%D5%A1%D5%B5%D5%BF%D5%B8%D6%82%D5%B4.-%D5%B8%D5%9E%D5%BE-%D6%87-%D5%AB%D5%B6%D5%B9%D5%B8%D5%9E%D6%82-%D5%A7-%D5%A1%D5%BA%D5%A1%D5%AF%D5%B8%D5%B2%D5%B4%D5%B6%D5%B8%D6%80%D5%B8%D5%B7%D5%A5%D5%AC-%D5%8E%D5%A1%D6%80%D5%A4%D5%A1%D5%B6-%D5%8A%D5%A5%D5%BF%D6%80%D5%B8%D5%BD%D5%B5%D5%A1%D5%B6%D5%AB%D5%B6-%D5%A1%D5%BB%D5%A1%D5%AF%D6%81%D5%B8%D5%B2%D5%B6%D5%A5%D6%80%D5%AB%D5%B6

[MosJan]

[MosJan]

Վարդան Պետրոսյանի կալանքն ուզում են երկարացնել 2 ամսով, որպեսզի նա այդ ընթացքում նոր հանցագործություններ չկատարի. փաստաբան

19:46 • 26.12.13

Դերասան Վարդան Պետրոսյանի մասնակցությամբ ավտովթարի գործով դերասանի շահերի պաշտպան Նիկոլայ Բաղդասարյանն այսօրվա դրությամբ դեռ դատարանից ծանուցում չի ստացել դատական նիստին ներկայանալու համար, ինչը նշանակում է, որ նրա պաշտպանյալի կալանքը ևս երկու ամսով երկարացնելու հարցով դատական նիստ տեղի չի ունենա:

Այս մասին Tert.am-ին հայտնեց Նիկոլայ Բաղդասարյանը՝ասելով, որ վաղվա համար արդեն ուրիշ գործողություններ է պլանավորել:

«Ներկայացված միջնորդությունում որպես «հիմք» են բերում այն, որ Վարդան Պետրոսյանը, մնալով ազատության մեջ, կարող է խոչընդոտել գործի քննությանը, կատարել Քրեական օրենսգրքով արգելված նոր գործողություններ, ինչպես նաև՝ ազդել գործով անցնող մասնակիցների՝ տուժողների վրա, այսինքն՝ նոր հանցագործություններ կատարել, ուստի անհրաժեշտ է կալանավորել իրեն»,-ասաց փաստաբանը և նշեց, որ պետք չէ լինել իրավաբան՝ հասկանալու, որ այդ պատճառաբանությունն անհիմն է:

Հիշեցնենք, որ Վարդան Պետրոսյանին մեղադրանք է առաջադրված ՀՀ քրեական օրենսգրքի 242-րդ հոդվածի 3-րդ մասի հատկանիշներով՝ «Ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է երկու կամ ավելի մարդու մահ»:

Նիկոլայ Բաղդասարյանն աբսուրդ է համարում, որ նախաքննությունը հաշվի չի առնում 8000 մտավորականների երաշխավորող ստորագրությունները:

«Փաստորեն՝ այդ մտավորականները, որոնք երաշխավորել են նրա համար, արհմարհված են»,-ասաց Նիկոլայ Բաղդասարյանը։
Հիշեցնենք, որ Վարդան Պետրոսյանին իր աջակցությունն էր հայտնել նաև աշխարհահռչակ շանսոնյե Շառլ Ազնավուրը:

[MosJan]

http://youtu.be/3X9cR_9hTIQ

[MosJan]

Երկարացվեց Վարդան Պետրոսյանի կալանքի ժամկետը
Զարուհի Մեջլումյան

22:50, 30 դեկտեմբերի, 2013

Մոտ 10 ժամ տևած դատավարությամբ Կոտայքի մարզի ընդհանուր իրավասության դատարանը որոշում կայացրեց ևս երկու ամսով երկարացնել Վարդան Պետրոսյանի կալանքի ժամկետը: Քիչ առաջ դերասանը տեղափոխվեց «Դատապարտյալների հիվանդանոց»:

Փաստաբան Նիկոլայ Բաղդասարյանը «Հետքի» հետ զրույցում հայտնեց, որ տպավորությունն այնպիսին էր, որ ամեն ինչ վաղուց կանխորոշված էր. «Որևէ հիմք չկար Վարդան Պետրոսյանին կալանքի տակ պահելու: Պատկերացնո՞ւմ եք՝ քննիչ Մարտիրոսյանի դիտարկումներից մեկն այն էր, որ նա կարող է ազատության մեջ դարձյալ վթարի մեջ ընկնել: Դեռ դատավորի որոշումը չեմ տեսել, որ հասկանամ, թե ինչ հիմքեր են նշված կալանքի ժամկետը երկարացնելու համար»:

Նիկոլայ Բաղդասարյանը միջնորդություն է ներկայացրել իր պաշտպանյալի խափանման միջոց կալանքը գրավով փոխարինելու մասին: Սակայն դատարանը մերժել է: Փոխարենը դատարանը բավարարել է Երևանի քննչական վարչության ճանապարհատրանսպորտային հանցագործությունների քննության բաժնի ավագ քննիչ, ոստիկանության մայոր Դավիթ Մարտիրոսյանի միջնորդությունը՝ Վարդան Պետրոսյանի խափանման միջոց կալանքը ևս 2 ամսով երկարացնելու մասին:

[MosJan]

Վարդան Պետրոսյան. «Ի՞նչ է 4-10 տարին, եթե ես իմ ներսում դատապարտել եմ ինքս ինձ ցմահ»
Զարուհի Մեջլումյան

00:12, 29 դեկտեմբերի, 2013

Հեռախոսազրույց դերասան, 2 ամիս կալանավայրում գտնվող Վարդան Պետրոսյանի հետ:

-Վարդա՛ն, ինչպե՞ս եք, առողջությունն ինչպե՞ս է Ձեր:

-Առողջական վիճակս բավարար է, համեմատաբար լավ եմ, կրիզիսային վիճակն անցավ: Գիտե՞ք, դատարանից կալանավայր ինձ բերեցեին կիսագիտակից վիճակում պատգարակի վրա: Երբ անկողին մտա, տեսա շուրջս հավաքված սև հագած տղաներ՝ կալանավոր, կալանակից եղբայրներ: Սկսեցին հետս խոսել, զրուցել, ծիծաղել, կատակ անել, մխիթարել: Շատ զարմանալի էր, հետո թեյ բերեցին, զարմանալի մի թեյ՝ մեղրամոմով: Տվեցին գաթա: Կհավատա՞ք՝ 10-15 րոպեում կարողացան ինձ ոտքի կանգնեցնել: Նույնիսկ բժիշկները զարմացան: Երբ չափեցին ճնշումս, արդեն կարգավորվել էր: Դատական պրոցեսը շատ երկար էր տևել՝ 10 ժամից ավելի: Այդ ողջ ընթացքում ինձ մոտ էր շտապօգնության բժիշկը, ով հետևում էր, որ չվատանամ, չէ՞ որ ինձ բերել էին հիվանդանոցից: Հաց չէի կերել 10-12 ժամ, մեկ-մեկ միայն շոկոլադ էին տալիս, որ կարողանամ դիմանալ: Այստեղ մշտական բժշկական հսկողության տակ եմ:

-Մարդու կյանքում բեկումային թվեր կան: 2013-ի հոկտեմբերի 20-ից առաջն ու հետոն ինչպե՞ս եք բնորոշում:

- Վթարից ճիշտ կլիներ ես մահանայի, ոչ թե այն երկու պատանիները, բայց եթե Աստված պահպանեց իմ կյանքը, պարտավոր եմ ապրել այլ կերպ՝ ավելի՛ հոգևոր կյանքով: Այս դեպքը իմ հոգևոր կյանքում բեկում կառաջացնի, ինչը կանդրադառնա և՛ իմ մասնագիտական, և՛ հասարակական կյանքում: Այդ բեկումն արդեն եղել է:

-Վթարից հետո մեծ աղմուկ բարձրացավ, քննարկումներ՝ սոցիալական ցանցերում, մամուլում: Շատերը դարձան դատավոր, շատերը՝ փաստաբան: Ձեր հայտնի լինելը, ի՞նչ եք կարծում, խանգարե՞ց:

-Հասկանալի էր, որ իմ հայտնի լինելու պատճառով մեծ աղմուկ բարձրացավ: Հետո առաջին գնահատականները, կանխակալ կարծիքները և դրանց դեմ հակազդեցությունները շատ վնասեցին, նախաքննության ժամանակ տեղի ունեցած ինչ-ինչ հանգամանքները մարդկանց շատ վիրավորեցին: Իմ կալանավորումը չափից դուրս արագ էր, չափից դուրս եռանդ կար այդ ամենի մեջ, հիվանդ վիճակում կալանավորելը, ինձ դատարան քարշ տալը: Այս ամենը մարդկանց վիրավորեց, գրգռեց, սկսեց շարժում ի պաշտպանություն ինձ: Բնականաբար դա չէր կարող հոգեբանորեն չանդրադառնալ զոհված երեխաների ընտանիքների վրա:

Այն, ինչ տեղի է ունենում մակերեսում, ի վերջո ծածկում է այն, ինչ կա խորքում: Եվ ես ավելի շատ մտածում եմ խորքի մասին: Իմ մտքերն այլ տեղ են՝ դատավոր, դատապաշտպանից շատ հեռու: Եվ մինչև իրար մեղադրելը, մինչև իրար վրա քար նետելը մարդ իրապես պիտի հասկանա այն ողբերգությունը, ինչն իրականում տեղի է ունեցել: Ինձ 5-րդ կամ 6-րդ օրն ասացին, որ երկու պատանի զոհվել է և մեկն էլ ողջ է մնացել, փառք Աստծո, բայց ծանր վիրահատություններ է տարել: Եվ իմ առաջին միտքը և խնդրանքը եղել է սա. երբ ի վիճակի կլինեմ քայլելու, թեկուզ ուրիշի օգնությամբ, ինձ տարեք այդ մարդկանց տուն, որովհետև ես այդպես եմ պատկերացնում առաջին քայլը՝ կիսել այդ մարդկանց վիշտը, սուգը, ցավը, որովհետև ես մասնակից եմ դրան թեկուզ իմ ճակատագրի բերումով, որովհետև դա, այնուամենայնիվ, նաև իմ մասնակցությամբ է տեղի ունեցել: Ես պատրաստ եմ եղել մտնել տուն, խոնարհվել այդ մայրերի առաջ, փարվել նրանց ոտքերին, սգալ տղամարդկանց հետ, թաքուն արտասվել, կիսել ամբողջությամբ նրանց վիշտը: Բայց, ավաղ, հիվանդանոցից դուրս գրվելուց անմիջապես հետո ինձ ձերբակալեցին: Իմ ընկերները գնացել են Հակոբյանների մոտ, ցավակցել, այցելել գերեզմանները, միասին մատուցել պատարագ: Ցավոք, իմ մասին խոսքի վրա արգելք է դրվել, կալանք է դրվել: Իրենք չեն ուզեցել իմ անունը լսել: Ես դա նույնպես հասկանում եմ: Եվ ես մտածել եմ, որ ժամանակ է պետք: Ցավալին այն է, որ այսօր այդ ժամանակը փոխարենը գնալով հանգստացնի կրքերը, բերի առողջ բանականության, հակառակը՝ ավելի է գրգռում: Եվ մենք սկսում ենք իրար վրա մեղքեր ման գալ: Ինչի դա կբերի, որևէ լավ բանի՞: Արդյո՞ք զոհված երեխաներին մի օգուտ կտա կամ այն աղջկան, ով ծանր վիրահատություններ է տարել և հիմա էլ ունի բժշկական օգնության կարիք: Ես սրտանց ցանկացել եմ մասնակցություն ունենալ այդ ամենի մեջ՝ Նահանգներից իմ ընկեր-բժիշկների միջոցով առաջարկել օգնություն: Վկա է Աստված՝ քանի-քանի ընտանիք եմ ես մտել, քանի-քանի սգավոր մարդկանց եմ օգնել, ինչքան մարդկանց եմ մխիթարել, բայց զարմանալի է, որ այս պարագայում դռները փակ են իմ առաջ: Ի՞նչ կարող եմ ես անել: Այդ վիշտը հասկանում եմ, որքան հնարավոր է դա հասկանալ: Չգիտեմ, արդյոք կարո՞ղ են այդ չափով էլ ինձ հասկանալ: Չէ՞ որ իմ մեջ էլ կա մի մեծ տառապանք, վիշտ: Չէ՞ որ ես ինձ նաև մեղավոր եմ զգում այդ ընտանիքի առաջ: Սարսափելի բան է մեղքի զգացումը: Չէ՞ որ զոհված երեխաները, որ մինչ այդ իրենցն էին, այսօր ինչ-որ տեղ, ինչ-որ չափով նաև իմն են: Արդյո՞ք այդ ընտանիքները կհասկանան իմ այս միտքը, արդյո՞ք չեն չարանա: Իմ համար այդ երեխաները կենդանի են, և ես նրանց հետ գնալու եմ դեպի ապագա… մինչև վերջին ժամանակները: Մենք իրար հետ պիտի կանգնենք Աստծո առաջ, և ես իմ բաժին պատասխանը տամ:

Չէ՞ որ ինձ էլ ինչ-որ չափով այս առումով պետք էր օգնություն: Իսկ երբ մարդուն հալածում են, «քարշ են տալիս» պատասխանատվության, այն էլ կիսագիտակից վիճակում, նա սկսում է պաշտպանվել: Արդյո՞ք բնական չէ իմ պաշտպանվելը, որ զարմացնում է որոշ մարդկանց: Եվ այս փոխադարձ ինքնապաշտպանությունը բերեց նրան, որ մենք սկսեցինք քար նետել իրար վրա:

Այս ամբողջ նախաքննությունը տանում է ինչ-որ մի դատավարության, որը նախատեսում է 4-10 տարվա ազատազրկում: Իսկ ի՞նչ է ինձ համար լրացուցիչ 2 ամիս կալանքը: Ի՞նչ է 4-10 տարին, եթե ես իմ ներսում դատապարտել եմ ինքս ինձ ցմահ: Ծիծաղելի չէ՞ այս ամենը: Մենք իրարից 2 ամիս ենք գողանում, հրճվում ենք դրանով, միգուցե կա՞ն մարդիկ, որ իսկապես հրճվում են: Ոչինչ է դա ինձ համար:

Իմ կեցվածքը երեխաներ կորցրած ընտանիքների առջև բոլորովին այլ է, դատարանի առջև՝ բոլորովին այլ: Ես դատարանում ունեմ բոլոր հարցերի պատասխանները: Բայց մինչև դատարանին հասնելը, շատ կուզեի լիներ ուրիշ հանդիպում, ուրիշ հարց ու պատասխան, ավելի շատ վշտի կիսում ընտանիքների հետ: Աստվածաշնչյան խոսքերը հիշեցի. «Ողորմություն եմ ուզում, ոչ թե զոհ»: Իսկ մենք գնում ենք դեպի նոր զոհեր:

Տեղի է ունեցել ողբերգություն, և այդ ճակատագրական պահին ես եմ եղել այդ տեղում: Իմ փոխարեն կարող էր լինել ցանկացած մեկը: Բայց հանգամանքների բերումով եղել եմ ես: Ինձ բաժին է ընկել ցավ, մի տառապանք, որ կրելու եմ մինչև կյանքիս վերջ: Եվ ես դա ընդունել եմ: Զրկանքները մարդու համար են: Աստված զրկանքներ է տալիս մարդուն այն չափով, որ չափով նա կարող է տանել դրանք, ո՛չ ավելի: Ես չեմ հրաժարվում զրկանքի ինձ հասանելիք չափից:

-Խոսեցիք հապճեպությունից: Ձեր կարծիքով, ինչո՞ւ այդպիսի հապճեպություն դրսևորվեց: Օրենքի առջև բոլորի հավասարության սկզբունքը ցույց տալու խնդիր կա՞ր, թե՞…

-Երևի ինչ-որ մեկին ինչ-որ մի բան ապացուցելու միտում կար, որը ես չեմ հասկանում: Կատարողներն էլ մի տեսակ անհարմար զգալով են անում, մի տեսակ, կարծես, ամաչելով: Դատաիրավական համակարգն իսկապես կարիք ունի բարեփոխումների: Եթե ամեն ինչ օրենքով պիտի արվի, թող ինձնից սկսվի, ինչո՞ւ ոչ:

Կալանքի երկարացման համար կուզեի, որ մարդիկ շատ չանհանգստանան: Ես այստեղ լավ եմ զգում. շրջապատված եմ բախտակից եղբայրներով, որոնցից ամեն մեկն ունի իր պատմությունը, իր ողբերգությունը, ինչպես նաև բժշկական հսկողության տակ եմ:

-Ստեղծագործում եք՞ դատապարտյալների հիվանդանոցում:

-Դեռևս ապրում եմ կալանավորի կյանքով: Շփվում եմ մարդկանց հետ: Ինձ համար շատ կարևոր բաներ եմ պարզում: Կան բաներ, որոնց մասին երբեք կարդալով կամ լսելով չես իմանա, կիմանաս միայն ապրելով: Ինչքան խեղված ճակատագրեր կան իմ շուրջը այստեղ, ինչքան տխուր պատմություններ: Իմ կալանավոր եղբայրներն ասում են. «Սա քո տեղը չէ»: Ասում եմ՝ ինչու եք այդպես մտածում, փորձանքը կարող է բոլորի գլխին գալ: Ոչ մեկը թող իրեն ապահովագրված չզգա: Մենք մտածում ենք, որ մեզ պահապանում են հրեշտակները, և մեզ ոչինչ չի պատահի: Փորձանքը ուրիշի համար է: Բայց նա ամեն տեղ կարող է դարան մտած սպասում է մեզ և կարող է մի վայրկյանում ցատկել քո գիրկը: Հանրաճանաչ մարդու համար երևի սա անհրաժեշտ փորձություն է, նրան նվաստացումներն էլ անհրաժեշտ են, որ միշտ խոնարհ մնա հոգին: Սա էլ անհրաժեշտ է ստեղծագործելու համար, որովհետև երբ հոգիդ խոնարհ է, դա կարող է մեծ ներշնչումների պատճառ դառնալ:

Դեռևս չեմ գրում, հավաքում եմ մտքերս: Ասելիքս շատ է: Եվ հենց այս պահին, երբ կան մեծ բախումներ, մեծ ապրումներ, ինչ խոսք, նաև կան շատ մեծ ներշնչումներ: Մարդիկ մտավախություն էին ապրում, որ կորցրեցին Վարդան Պետրոսյանին, բեմի Վարդանին: Բայց, մ՛ի վախեցեք, ես հետ պիտի վերադառնամ ու պիտի բարձրանամ բեմ: Անպայմա՛ն: Ես խոսք ունեմ ասելու: Եվ իմ խոսքը կլինի շատ ավելի իմաստուն, շատ ավելի կտրուկ, կյանք տեսած, խոհեմ, խելոք, խորը:

-Վարդան, Ամանորը դիմավորելու եք դատապարտյալների հիվանդանոցում…

-Ես իմ կալանավոր եղբայրների հետ միասին պիտի անցկացնեմ Նոր տարին: Այստեղ էլ մարդիկ ունեն իրենց երազանքները: Գիտե՞ք, որն է իրենց առաջին նվիրական երազանքը: Կմտածեք՝ ազատությունը: Ո՛չ, առաջին հերթին, դրսում գտնվող իրենց ծնողների ու երեխաների առողջությունն է ու երջանկությունը: Նոր հետո՝ իրենց ազատությունը: Այդպիսին են կալանավորները:

Հետո գալու է Սուրբ ծնունդը, նույնչափ սիրելի տոն ինձ համար: Շատ կուզեմ, որ Քրիստոսի ծննդյան հետ ամեն մարդ վերածնվի որպես հոգևոր մարդ: Ժամանակակից աշխարհում, կարծես, ամեն ինչ անում են հոգևորը սպանելու համար: Բայց այդ հոգևորը կենդանի է, քանի կա հոգու լույսը, ինչ պայմաններում էլ լինի մարդը, թեկուզ կալանավայրում: Զրկանքները տրված են մարդ մնալու համար: Զրկանքներն են մարդուն մարդ պահում: Երբ կա այդ գիտակցումը, ոչ մի ցավ նրան չի տապալի, ընդհակառակը կդարձնի ավելի ուժեղ, ավելի դիմացկուն, ավելի լուսավոր:

Ավանդույթի համաձայն, հունվարի 1-ին մենք գնում ենք այն մարդկանց տուն, ովքեր հարազատ են կորցրել: Այդ առումով ծանր տարի էր, ես շատ մտերիմներ, հարազատներ, գործընկերներ եմ կորցրել: Բայց ինձ համար ամենածանր կորուստը երկու պատանիներն են, որ մահացան: Եվ ես շատ կուզեի հունվարի 1-ին լինել առաջին մարդը, ով կթակեր այդ մարդկանց տան դուռը ցավակցելու համար: Բայց այդ դռները փակ են իմ առաջ, ես էլ կալանատանն եմ: Սակայն մտովի կգնամ այդ մարդկանց մոտ: Կցավակցեմ երկու ընտանիքներին, անտեսանելի մի պահ կնստեմ անկյունում, հետո կայցելեմ իմ ազգականներին ու կվերադառնամ կալանավայր:

Նոր տարին թող բերի, առաջին հերթին, խաղաղություն հատկապես Հակոբյանների ընտանիքներին, 2 պատանիների հոգիներին՝ խաղաղություն, առողջություն՝ փոքր աղջկան, մխիթարություն՝ մայրերին, համբերություն՝ հայրերին: Կալանավոր եղբայրներիս էլ համբերություն: Նրանց հարազատներին, որ սրտատրոփ սպասում են իրենց սիրելիների ազատությանը: Իմ հարազատներին, որ այդքան իմ պատճառով տառապում են, նորից համբերություն: Իսկ իմ սիրելի հանդիսատեսին, որին այդքան սիրում եմ ու առանց որի գոյություն չունեմ, ես խոստանում եմ նորից բեմ բարձրանալ:

Ամսի 30-ին նորից դատ է լինելու, երկարացնելու են իմ կալանքի ժամկետը՝ նորից ամաչելով: Կուզեի լինել դատարանում, որովհետև այնտեղ էլ ահագին նյութ կա ներկայացմանս համար: Հրաշալի դերակատարներ և այլն: Ես իրենց արդեն ասել եմ՝ մի՛ նեղացեք ինձնից, դուք ձեր ձեռքով գրում եք իմ հաջորդ ներկայացման սցենարը:

[MosJan]

Վարդան Պետրոսյանը ևս երկու ամիս կմնա կալանքի տակ

 

Կոտայքի մարզի ընդհանուր իրավասության դատարանը մի քանի տևած դատական նիստի արդյունքում բավարարեց Երեւան քաղաքի քննչական ՃՏՀ քննությունների բաժնի ավագ քննիչ, քննչական խմբի ղեկավար Դավիթ Մարտիրոսյանի միջնորդությունը. Վարդան Պետրոսյանը ևս երկու ամիս կմնա կալանքի տակ։ Այս մասին NEWS.am-ին ասաց դերասանի փաստաբան Նիկոլայ Բաղդասարյանը։

«Մերժեցին նաև գրավով Վարդան Պետրոսյանին ազատ արձակելու իմ միջնորդությունը»,- նշեց փաստաբանը։

Հարցին, թե դատարանն ինչու նման որոշում կայացրեց, Բաղդասարյանն ասաց. «Դատարանում կարծիք է հնչել, որ ազատ արձակվելով Վարդան Պետրոսյանը կարող է նորից մեքենա վարել, անզգույշ լինել և վթարային իրավիճակ ստեղծել»։

Փաստաբանը պատմեց, որ Վարդան Պետրոսյանն արձագանքել է դատարանի այս դիտարկմանը՝ ասելով, որ «ծիծաղելի է, քննիչն էլ, դատավորն էլ վստահ են, որ նման բան չի լինի»։

Հայտնի դերասանը նորից կտեղափոխվի «Դատապարտյալների հիվանդանոց», չնայած առողջական վիճակը բավարար է։

Նշենք, որ առավոտյան ժամը 11։30-ից դերասանին սատարող մարդիկ, ընկերներն ու հարազատները սպասում են դատարանի բակում, քանի որ նրանց թույլ չէին տալիս մտնել շենք՝ պատճառաբանելով, որ աշխատանքային օր չէ։

Հիշեցնենք, որ հոկտեմբերի 20-ին ժամը 21:20-ի սահմաններում Եղվարդ-Երեւան ավտոճանապարհի 32-րդ կմ հատվածում բախվել էին BMW մակնիշի 04 ՍԼ 920 համարանիշի եւ «ՎԱԶ 2121» մակնիշի 870 ՕԼ 64 համարանիշի ավտոմեքենաները: Վթարի հետեւանքով 7 հոգի մարմնական վնասվածքներով տեղափոխվել էին հիվանդանոցներ, նրանց մեջ էր նաեւ հայտնի դերասան Վարդան Պետրոսյանը: Ավելի ուշ 16-ամյա Էդգար եւ Էդուարդ Հակոբյանները մահացել էին: Դեպքի առթիվ հարուցվել էր քրեական գործ ՔՕ-ի 242-րդ հոդվածի 3-րդ մասի հատկանիշներով: Վարդան Պետրոսյանը կալանավորվել էր, Վերաքննիչ դատարանը մերժել էր փոխել նրա խափանման միջոցը:

 

[MosJan]

Վարդան Պետրոսյանի գործով վերահսկող դատախազը դիմում է գրել եւ հեռացել աշխատանքից

 

Հունվար 10, 2014 | 17:30

Կոտայքի մարզի առաջին ատյանի ընդհանուր իրավասության դատարանում դերասան Վարդան Պետրոսյանի ձերբակալման որոշումը բողոքարկելու հարցով դատական նիստին հայտնի դարձավ, որ գործով վերահսկող դատախազը աշխատանքից ազատման դիմում է գրել եւ հեռացել: Այս մասին NEWS.am-ի թղթակցի հետ զրույցում ասաց դերասանի փաստաբանը՝ Նիկոլայ Բաղդասարյանը:

Նա նշեց, որ վերահսկող դատախազ Առաքելյանը չէր ներկայացել նիստին, ներկայացել էր մյուս դատախազը, ով հայտնել էր, որ վերջինս աշխատանքից ազատվելու դիմում է գրել: Դա հենց այն նույն դատախազն էր, որը ՀՔԾ-ում տված բացատրության ժամանակ նշել էր, թե «թյուրիմացաբար է նման բան գրել, թե քննիչը այցելել է բնակարան, տեսնելով որ Վարդան Պետրոսյանը տեղում չէ, դրա համար էլ ձերբակալել է,»:

Նիկոլայ Բաղդասարյանին գործով դատավոր Յու. Բաղդասարյանին ինքնաբացարկ հայտնելու միջնորդություն ներկայացրեց, եւ դատավորը որոշեց դատական նիստը հետաձգել, այն նշանակվել է երկուշաբթի օրը՝ ժամը 10.50-ին: «Փոխարեն գնար խորհրդակցական սենյակ, մենք տեսանք, որ նստեց մեքենան եւ հեռացավ դատարանից, հետաքրքիր է՝ ուր գնաց»,-ասաց փաստաբանը:

Հիշեցնենք, որ հոկտեմբերի 20-ին ժամը 21:20-ի սահմաններում Եղվարդ-Երեւան ավտոճանապարհի 32-րդ կմ հատվածում բախվել էին BMW մակնիշի 04 ՍԼ 920 համարանիշի եւ «ՎԱԶ 2121» մակնիշի 870 ՕԼ 64 համարանիշի ավտոմեքենաները:

Վթարի հետեւանքով 7 հոգի մարմնական վնասվածքներով տեղափոխվել էին հիվանդանոցներ, նրանց մեջ էր նաեւ հայտնի դերասան Վարդան Պետրոսյանը: Ավելի ուշ Էդգար եւ Էդուարդ Հակոբյան եղբայրները մահացել էին: Դեպքի առթիվ հարուցվել է քրեական գործ ՔՕ-ի 242-րդ հոդվածի 3-րդ մասի հատկանիշներով: Վարդան Պետրոսյանը կալանավորված է, Վերաքննիչ դատարանը մերժել էր փոխել նրա խափանման միջոցը: Դրանից հետո նշանակված նոր քննիչը՝ Դավիթ Մարտիրոսյանը, դիմել էր Կոտայքի մարզի առաջին ատյանի ընդհանուր իրավասության դատարան՝ դերասանի նկատմամբ ընտրված խափանման միջոցը երկու ամսով երկարացնելու համար, ինչը բավարարվել է:

Լուրեր Հայաստանից - NEWS.am

[MosJan]

Վարդան Պետրոսյան
Դատապարտյալների հիվանդանոց

 

 

 

Շատ կուզեմ, որ Քրիստոսի ծննդյան հետ ամեն մարդ վերածնվի որպես հոգևոր մարդ: Ժամանակակից աշխարհում, կարծես, ամեն ինչ անում են հոգևորը սպանելու համար: Բայց այդ հոգևորը կենդանի է, քանի կա հոգու լույսը, ինչ պայմաններում էլ լինի մարդը, թեկուզ կալանավայրում: Զրկանքները տրված են մարդ մնալու համար: Զրկանքներն են մարդուն մարդ պահում: Երբ կա այդ գիտակցումը, ոչ մի ցավ նրան չի տապալի, ընդհակառակը կդարձնի ավելի ուժեղ, ավելի դիմացկուն, ավելի լուսավոր:

 

Վարդան Պետրոսյան
Դատապարտյալների հիվանդանոց

[MosJan]

Ավելի լավ ա՝ էդ ուռոդը չգա, տեսնենք, թե դու ի՞նչ ես ասում. Վարդան Պետրոսյանի գործով դատական նիստը հետաձգվեց

 

Կոտայքի մարզի ընդհանուր իրավասության դատարանում այսօր՝ մարտի 12-ին, հետաձգվեց դերասան Վարդան Պետրոսյանի գործով առաջին դատական նիստը։ Դերասանի փաստաբան Նիկոլայ Բաղդասարյանը համապատասխան միջնորդություն էր ներկայացրել՝ պատճառաբանելով, որ այսօր, ժամը 12։30-ին, մեկ այլ դատարանում նիստի է, իսկ հետո գնալու է փաստաբանական դասընթացի։

Տուժող կողմի փաստաբան Ռուբեն Բալոյանը հայտարարեց, որ սա միտումնավոր հետաձգում է. «Եթե Նիկոլայ Բաղդասարյանը չի ներկայացել, Վարդան Պետրոսյանն ունի եւս չորս պաշտպան, նրանցից մեկը կարող էր ներկայանալ»,- ասաց փաստաբանը՝ նշելով, որ այս հյետաձգումը եւ բարոյական եւ ֆիզիկական ցավ է պատճառում տուժող կողմին`հաշվի առնելով այն, որ տուժող Տաթեւիկ Հակոբյանն ի վիճակի չէ լիարժեք քայլել։

Իր հիմնավորման մեջ Նիկոլայ Բազդասարյանը նաեւ նշել էր, որ Ֆրանսիայից մարտի 25-ին ժամանելու է եւս երկու փաստաբան, ուստի նա ժամանակ էր խնդրել դատարանից, որպեսզի փաստաբանները հասցնեն հավատարմագրվել Փաստաբանների պալատում եւ ծանոթանան գործի նյութերին։ Դատավոր բավարարեց միջնորդությունը։

Մինչև դատավոր Վաղինակ Մկրտչյանը որոշում կկայացներ, Վարդան Պետրոսյանը հայտարարել է, որ ինքը խոսք է ուզում ուղղել տուժողներին:

«Նախ առաջին հերթին ուզում եմ դիմեմ տուժողներին եւ իմ պատասխանը առաջին հերթին ուղղված է ձեզ, հարգելի Հակոբյանններ: Ես ձեզ կբացատրեմ, թե ինչու է հետաձգվելու դատը: Իմ պատասխանը ուղղված չէ ոչ դատախազին, ոչ պաշտպանին, քանի որ նրանք շատ լավ գիտեն, որ ես դրա իրավունքը ունեմ»,-ասաց Վարդան Պետրոսյանը՝ դիմելով տուժող կողմին:

Նրա խոսքով՝ երբ իրեն տարան կալանավայր, մի թուղթ տվեցին, որտեղ գրված էին իր պարտականնությունները եւ իրավունքները, դատական նիստի ժամանակ իր պարտականություններն են ժամանակին գալ, հարգել դատը, չանպատվել, կոռեկտ պահել։ Այստեղ դատավորն ընդհատեց Վարդան Պետրոսյանին՝ ասելով, որ ինքը իրավունք չունի դիմել դատարանի դահլիճում գտնվողներին, այլ կարող է դիմել դատարանին:

Տուժող Հայկ Հակոբյանը վրդովված ասաց. «Ավելի լավ ա, էդ ուռոդը չգա, տեսնենք, թե դու ի՞նչ ես ասում»։

Դերասանի քույրը՝ Աշխեն Պետրոսյանը, NEWS.am-ի հետ զրույցում նշեց, որ եղբայրն այժմ բարոյապես ընկճված է։

Դատարանը հետաձգեց գործի քննությունը: Հաջորդ դատական նիստը նշանակվեց մարտի 28-ին:

[MosJan]

[MosJan]

 

Վարդան Պետրոսյանի եւ վթարից զոհվածների հարազատների հաշտեցմանը խանգարում են փաստաբաննե՞րը

 

Վարդան Պետրոսյանը եւ վթարի հետեւանքով երկու երիտասարդ կորցրած ընտանիքները դեռ չեն հաշտվել, քանի որ պաշտպանական կողմը կարծում է, որ տուժող կողմի փաստաբան Ռուբեն Բալոյանն է խոչընդոտում հաշտեցմանը, տուժող կողմի կարծիքով՝ մեղադրյալի պաշտպան Նիկոլայ Բաղդասարյանը։ Այս մասին այսօր՝ մարտի 12-ին, Վարդան Պետրոսյանի վթարի գործով առաջին դատից հետո լրագրողներին ասաց տուժող կողմի փաստաբան Ռուբեն Բալոյանը։

«Ես ինքս եմ կազմակերպել կողմերի հանդիպումը, երբ ամբաստանյալի քույրը բաց նամակով դիմեց ինձ: Բայց երբ անհարկի հոդվածներ են հրապարակվում, դրանք նորից տուժողների զայրույթն են առաջացնում»,-ասաց Բալոյանը՝ նկատի ունենալով Վարդան Պետրոսյանի փաստաբան Նիկոլայ Բաղդասարյանի հարցազրույցները։

Ըստ փաստաբանի՝ պաշտպանական կողմը հաշվի չի առնում տուժողների հոգեկան վիճակը. «Ինձ շատ անհնագստացնում է Տաթեւիկ Հակոբյանի վիճակը, էս երեխեն էսօր վերականգնողական կուրսերի, վիրահատության կարիք ունի, ոչ թե գա, անհարգելի պատճառով դատական նիստը հետաձգվի, թողնի գնա»: Նշենք, որ Տաթեւիկ Հակոբյանի վթարի հետեւանքով զոհված 19-ամյա Էդուարդ Հակոբյանի քույրն է, որը մինչեւ հիմա վերականգնվում է վթարի հետեւանքներից եւ դժվարությամբ է քայլում։

Փաստաբան Ռուբեն Բալոյանի կարծիքով՝ Վարդան Պետրոսյանի պաշտպաները դատը միտումնավոր են հետաձգվում:

«Նախաքննության ընթացքում 5 պաշտպան է ներգրավվել, բայց այսօր միայն շեշտվեց Նիկոլայ Բաղդասարյանի անունը: Եթե 5 պաշտպանն էլ միեւնույն ժամանակ չեն ներկայանում, սա նշանակում է, որ միտումնավոր ձեւով դատաքննությունը հետաձգում են»,-լրագրողներին ասաց Ռուբեն Բալոյանը,

Նրա խոսքով՝ փաստաբան Նիկոլայ Բաղդասարյանը հայտարարում է, որ ունի փաստեր եւ միջնորդություններ պետք է ներկայացնի, բայց դրանք չի ներկայացնում. «Ես ուղղակի չեմ հասկանում, եթե փաստեր ունի, թող բերի, ներկայացնի: Ցանկացած փաստի մենք պատրաստ ենք տալու համարժեք պատասխան՝ անկախ փաստաբանների քանակից, կլինի դա հայ, թե ֆրանսիացի»:

Ռուբեն Բալոյանի կարծիքով՝ պաշտպանական կողմի ցավակցական խոսքը պիտի լինի իրական, իսկ գործողությունները պետք է լինեն նպատակաուղղված։

«Առ այսօր պաշտպանական կողմի, չեմ ուզում անուններ հրապարակել, դիրքորոշման մեջ անկեղծություն չեմ տեսնում։ Խնդիրը պիտի փորձեն անկեղծորեն լուծել, այլ ոչ թե ցույց տան, որ ուզում են լուծել. դա ու՞մ համար է արվում, հանրությա՞ն, դա մենք հասկանում ենք»,-ասաց Ռուբեն Բալոյանը:

Հիշեցնենք, որ դատական առաջին նիստը այսօր հետաձգվել է. դերասանի փաստաբանը միջնորդություն էր ներկայացրել՝ պատճառաբանելով, որ այդ ժամին այլ դատարանում նիստի է։

Նշենք, որ ըստ մեղադրական եզրակացության՝ Վարդան Եղիշի Պետրոսյանին մեղադրանք է առաջադրվել այն բանի համար, որ նա 2013թ. հոկտեմբերի 20-ին, ժամը 22:10–ի սահմաններում իր անձնական օգտագործման «ԲՄՎ-320» մակնիշի մեքենան վարել է Կոտայքի մարզի Սարալանջ գյուղի կողմից դեպի Երեւան քաղաքի ուղղությամբ։ Հասնելով Եղվարդ-Երեւան ավտոճանապարհի 2-րդ կմ հատվածին՝ իրականացրել է ոչ պատշաճ եւ վտանգավոր երթեւեկություն` ավտոմեքենան վարել է բնակավայրում սահմանված թույլատրելի առավելագույնը գերազանցող առնվազն ` 71 կմ/ժ արագությամբ եւ երթեւեկության ընթացքում միաժամանակ օգտվելով հեռախոսակապից, ինքն իրեն զրկել է ավտոմեքենայի լիարժեք կառավարումն իրականացնելու տեխնիկական հնարավորությունից, ստեղծել է վթարային իրադրություն, ինչի հետեւանքով ավտոմեքենան դուրս է բերել երթեւեկելի մասից եւ ընդհարվել է հողածածկ կողնակում կանգնած «Վազ 21214» մակնիշի մեքենային։ Վթարի հետեւանքով «Վազ -21214» մակնիշի մեքենայի ուղեւորներ էդվարդ Արթուրի Հակոբյանին եւ էդգար Հայկի Հակոբյանին անզգուշությամբ պատճառել է մահ, Տաթեւիկ Արթուրի Հակոբյանի առողջությանը, ծանր վնաս` որպես կյանքին վտագ սպառնացող, Հայկ Մարտիրոսի Հակոբյանի, էմմա Հայկի Հակոբյանի ինչպես նաեւ ավտովարորդ Արթուր Մարտիրոսի Հակոբյանի առողջությանը, միջին ծանրության վնաս` առողջության տեւական քայքայումով:

[MosJan]

Հասկանալի է, որ անձը վիշտ ունի, բայց դա չի նշանակում, որ վիշտ ունեցողը պետք է կատարի քրեորեն պատժելի արարք. Վարդան Պետրոսյանի փաստաբան

Հասկանալի է, որ անձը վիշտ ունի, բայց դա չի նշանակում, որ վիշտ ունեցողը պետք է կատարի քրեորեն պատժելի արարք. Վարդան Պետրոսյանի փաստաբանՄարտ 13, 2014 | 01:04

Վարդան Պետրոսյանի փաստաբան Նիկոլայ Բաղդասարյանը զարմացած է, որ գործով տուժողները նիստի ժամանակ վիրավորել են իրեն՝ ասելով, թե «ավելի լավ ա, էդ ուռոդը չգա, տեսնենք, թե դու ի՞նչ ես ասում»: NEWS.am-ի թղթակցի հետ զրույցում փաստաբանն ասաց, որ չի լսել, թե իրեն ինչ են ասել, բայց զարմացած է, քանի որ որեւէ առիթ չկար իրեն նման բան ասելու:

Նա պատմեց, որ դրանից առաջ Հակոբյաններին ցավակցելիս տուժողները մեկ անգամ եւս իրեն վիրավորել էին՝ ասելով, որ մահացածների քառասունքի օրը ինքը ներկայացրել է վթարի 3D մոդելավորված տարբերակը, մինչդեռ դա իրականությանը չի համապատասխանում: «Ես մի անգամ ներել եմ իրենց, մարդիկ պետք է հասկանան, իրենք իմ անձի դեմ ի՞նչ ունեն, հասկանալի է, որ անձը վիշտ ունի, բայց դա չի նշանակում որ վիշտ ունեցողը պետք է կատարի քրեորեն պատժելի արարք: Եթե ինձ, իմ անձին հնչեցնում են վիրավորանք, ապա քրեական օրենսգրքով դա պատժելի արարք է եւ մասնակցող դատախազը պետք է արձագանքի դրան, իսկ դատավորը պետք է միջնորդի, որ քրեական գործ հարուցվի»,- նշեց նա:

Նիկոլայ Բաղդասարյանն ասաց, որ Քրեական դատավարության օրենսգրքի 343-րդ հոդվածի 2-րդ մասով սահմանվում է դատարանի նկատմամբ անհարգալից վերաբերմունքը, որ դրսեւորվել է դատավարությանը մասնակցող անձանց վիրավորելով, դա պատժվում է տուգանքով, ինչպես նաեւ նախատեսում է կալանք՝ 1-2 ամիս ժամկետով:

Հարցին, թե ձեր կողմից պատրաստվում եք քայլեր ձեռնարկել, Նիկոլայ Բաղդասարյանն ասաց, որ չի հավատում, որ դատավորը, որը ականատես է եղել կողմի դեմ ուղղված գործողությանը, պետք է լռի, քանի որ դա արդարադատության դեմ ուղղված քայլ է:

Անդրադառնալով տուժողների փաստաբան Ռուբեն Բալոյանի հայտարարությանը, թե նիստին կարող էր մասնակցել Վարդան Պետրոսյանի 4 փաստաբաններից մեկը, Նիկոլայ Բաղդասարյանն ասաց, որ «Քրեական դատավարության օրենսգիրքը» պահանջում է, որ պաշտպանը մասնակցի, եթե իրեն նման լիազորություն է տալիս նախաքննության փուլում՝ մեղադրյալը, դատաքննության փուլում՝ ամբաստանյալը: «Նախաքննության փուլում նախաքննական մարմինը, հետեւողականորեն խախտելով օրենքը, չէր տրամադրում փորձաքննությունների պատճենները, եւ իմ բողոքի արդյունքում որոշում է կայացնում որ տրամադրել ինձ փորձաքննությունների եզրակացությունները, որպեսզի ես 1-2 օրում դրանք արտագրեմ եւ վերադարձնեմ, իսկ դրանց ծավալը 120 էջ էր:Այդպես իրենք ուզում էին խոչընդոտել իմ պաշտպանությունը՝ հաշվարկելով, որ մեկ-երկու օրում ֆիզիկապես չեմ կարողանա այդքանը արտագրել: Այդ ժամանակ, որպեսզի աշխատանքները կազմակերպենք, որոշեցինք ներգրավվենք եւս չորս փաստաբանի, որպեսզի ամեն մեկս 20 էջ արտագրի եւ կարողանանք մի քանի ժամում դա կազմակերպել: Այն ժամանակ մենք հայտարարեցինք, որ մեր նպատակն է, որպեսզի նախաքննական մարմինը չխոչընդոտի նյութերի ծանոթացմանը: Երբ ըմբռնեց նախաքննական մարմինը, որ այդ մեթոդով խոչընդոտել հնարավոր չէ, տվեցին պատճենները, փաստաբանների ներգրավումը տվեց արդյունքը, այդ պաշտպանները այլ գործողություն չեն կատարել»,- նշեց փաստաբանը:

Նիկոլայ Բաղդասարյանն ասաց, որ գործը դատարան ուղարկելու հետո Վարդան Պետրոսյանը դիմում է գրել եւ լիազորել, որ իր շահերը ներկայացնի ինքը եւ երկու փաստաբան, որոնք հրավիրված են Ֆրանսիայից: Դերասանի փաստաբանը շեշտեց նաեւ, որ «Քրեական դատավարության օրենսգրքով» տուժողի ներյկայացուցիչը իրավասու չէ պարտավորեցնել, որ մյուս փաստաբանները պաշտպանեն Վարդան Պետրոսյանի շահերը:

Նշենք, որ Կոտայքի մարզի ընդհանուր իրավասության դատարանում մարտի 12-ին հետաձգվել է դերասան Վարդան Պետրոսյանի գործով առաջին դատական նիստը։ Դերասանի փաստաբան Նիկոլայ Բաղդասարյանը համապատասխան միջնորդություն էր ներկայացրել՝ պատճառաբանելով, որ ժամը 12։30-ին, մեկ այլ դատարանում նիստի է, իսկ հետո գնալու է փաստաբանական դասընթացի։ Տուժող կողմի փաստաբան Ռուբեն Բալոյանը հայտարարել էր, որ սա միտումնավոր հետաձգում է. «Եթե Նիկոլայ Բաղդասարյանը չի ներկայացել, Վարդան Պետրոսյանն ունի եւս չորս պաշտպան, նրանցից մեկը կարող էր ներկայանալ»,- ասել էր փաստաբանը՝ նշելով, որ այս հետաձգումը եւ բարոյական եւ ֆիզիկական ցավ է պատճառում տուժող կողմին։ Մինչև դատավոր Վաղինակ Մկրտչյանը որոշում կկայացներ,Վարդան Պետրոսյանը հայտարարել է, որ ինքը խոսք է ուզում ուղղել տուժողներին: Դերասանը մեկ-երկու բառ ասաց, ինչից հետո դատավորը նրան ընդհատեց, իսկ տուժող Հայկ Հակոբյանը վրդովված ասաց. «Ավելի լավ ա, էդ ուռոդը չգա, տեսնենք, թե դու ի՞նչ ես ասում»։

[MosJan]

Ինչպե՞ս է եղել Վարդան Պետրոսյանի վթարը. փաստաբանը եւ միջազգային փորձագետը ներկայացրել են մոդելավորումը

 

Երեւան-Եղվարդ ճանապարհին դերասան Վարդան Պետրոսյանի վթարի ենթարկվելու վայրում Հայաստանի ոստիկանությունը չի աշխատել այնպես, ինչպես պետք է աշխատեր։ Այս մասին այսօր՝ մարտի 25-ին, լրագրողների հետ հանդիպմանը Skype-ով ասաց Սլովակայի Հանրապետության դատական փորձաքննությունների ինստիտուտի տնօրեն, Վթարների հետազոտության եւ վերլուծության ասոցիացիայի փոխնախագահ, Արեւելյան Եվրոպայի եւ ԱՊՀ երկրների գծով պրոֆեսոր Գուստավ Կասանիցկին՝ ներկայացնելով վթարի մոդելավորումը։

Մոլեդավորումը արվել է PS Crash ծրագրի միջոցով, որը շատ տարածված է ամբողջ աշխարհում, բազմաթիվ հնարավորություններ է ընձեռում եւ այն օգտագործում են հայտնի փորձագետներ։ Միջազգային փորձագետն ասաց, որ ունենալով ելակետային տվյալները, այդ ծրագրով հնարավոր է շատ հստակ պատկերել մեքենաների շարժը վթարից առաջ, վթարի ժամանակ եւ վթարից հետո։ Գուստավ Կասանիցկին նշեց, որ ոստիկանության լուսանկարներում չեն եղել մեքենաների հետքերը, դրանք հնարավոր է տեսնել վթարի վայրում արված այլ լուսանկարներում։ Փորձագետն ասաց, որ մեքենաների բախումը եղել է ճանապարհի երթեւեկելի մասում, ոչ թե կողնակում, ինչը վկայում են նաեւ լուսանկարներում առկա հետքերը։ Նրա փոխանցմամբ՝ «Նիվան» հետընթաց է կատարել, եւ բախման հետեւանքով 180 աստիճան շրջվել։ Նա նաեւ նշեց, որ այդ հատվածում ճանապարհային նշանների բացակայությունը վթարին նպաստող հանգամանքներ են եղել եւ մեծ դեր են ունեցել, բայց վթարի պատճառը, միջազգային փորձագետի խոսքով, «Նիվայի» վարորդի մեքենան սխալ վարելն էր։

Ներկայացնելով վթարի մոդելավորումը՝ դերասանի փաստաբան Նիկոլայ Բաղդասարյանն ասաց, որ «ԲՄՎ-ի» առջեւի մասը՝ ռադիատորները, ամբողջությամբ կոտրված են, «Նիվայից» հեղուկ է թափված, կոտրված են նաեւ «Նիվայի» ապակինները, ինչը նշանակում է, որ որտեղ թափվել է հեղուկը եւ կուտակվել ապակիները, այդտեղ էլ եղել է վթարը։ «Իսկ հեղուկը թափված է բանուկ մասի վրա, բեկորները մխրճված են ասֆալտի վրա։ Եթե կողնակի վրա վթար լիներ, պետք էր հեղուկը թափվեր կողնակի վրա, մինչդեռ դրանք ամբողջությամբ թափված են ասֆալտի վրա։ Եւ եթե վթարը կողնակում լիներ, հետվթարային դիրքերը այլ կերպ կլինեին։ Վթարը տեղի է ունեցել, կոտրվել են Վարդան Պետրոսյանի ռադիատորները, հեղուկը ուղղահայաց թափվել է, եթե կողնակի վրա է եղել վթարը, ո՞ւր է հեղուկը, ո՞ւր է ապակին»,- ասաց փաստաբանը՝ հավելելով, որ նախաքննական մարմինը կողասահքի հետքերը չի արձանագրել, մինչդեռ դա ակնհայտ է լուսանկարներում։

Նիկոլայ Բաղդասարյանը նշեց, որ «ԲՄՎ»-ն գալիս է առաջին գոտիում, իսկ «Նիվան» հետընթաց է կատարում բանուկ մաս, մինչդեռ, նրա խոսքով, խաչմերուկում հետընթաց չի թույլատրվում։ «Նիվան վերջին պահին արգելակում է մեքենան, բայց արդեն վտանգավոր է եղել, ինքը պարտավոր էր մարդ իջեցնել, դուրսը կանգներ եւ նայեր՝ ինչ է եղել։ Ես կարծում եմ, որ իրենք բաց են թողել Աշտարակ գնացող ճանապարհը, փորձել են հետ գալ հողածածկով եւ մտնել ճանապարհ»,- ասաց փաստաբանը։

Ասուլիսի բանախոսներից՝ «Աքիլլես» հ/կ նախագահ Էդուարդ Հովհաննիսյանը, անդրադառնալով վթարին, ուշադրությունը հրավիրեց մի շարք հանգամանքների վրա, օրինակ՝ ճանապարհային նշանների բացակայություն»։ Ինչ վերաբերում է «Նիվա» մեքենային, ապա նա բարձրաձայնեց մի շարք խախտումներ՝ «Նիվայի» մգեցված ապակինները, ինչպես նաեւ գազի բալոնի տեղադրումը։ «Մեքենան կողային հայելի չի ունեցել, հետեւաբար իրավունք չուներ այդպես մգեցներ ապակիները։ Ինչ վերաբերում է գազի բալոնին, ապա «Նիվան» պետք է ունենար համապատասխան փաստաթղթեր դրա համար, որը, սակայն, չունի»,-ասաց նա։

[MosJan]