MosJan Posted March 7, 2006 Report Share Posted March 7, 2006 ՎԱԽԹԱՆԳ ԴԱՐՉԻՆՅԱՆՆ ՈՒ ԱՐԹՈՒՐ ԱԲՐԱՀԱՄՆ ԱՆՊԱՐՏԵԼԻ ԵՆ ՊՐՈՖԵՍԻՈՆԱԼ ՌԻՆԳՈՒՄ http://www.azg.am/IMAGE/200604106.jpg Պրոֆեսիոնալ հայ բռնցքամարտիկներ Վախթանգ Դարչինյանն ու Արթուր Աբրահամը IBF վարկածով աշխարհի չեմպիոնի տիտղոսների համար մրցամարտերում հերթական վստահ հաղթանակները տոնելով` պահպանեցին քաշային իրենց կարգերում ուժեղագույնի կոչումը: Հատկանշական է, որ մեր երկու բռնցքամարտիկներն էլ վստահ էին իրենց ուժերին եւ մինչեւ մենամարտի սկիզբը հայտարարել էին, որ չեն վախենում մրցակցից եւ անպայման նոկաուտի են ենթարկելու հակառակորդին: Բեռլինում կայացած մամուլի ասուլիսում Գերմանիայում բնակվող Արթուր Աբրահամը նշել էր, որ մենամարտը շատ կարճ կտեւի եւ ինքը նոկաուտի կենթարկի ավստրալացի Շենոն Թեյլորին: Իր սանի հաջողությունում վստահ էր նաեւ Աբրահամի մարզիչ Ուլի Վագները, որը խոսել է հետագա մրցելույթների մասին. «Թեյլորին հաղթելուց հետո առաջիկա ամռանը եւս մեկ մենամարտ կանցկացնենք, այնուհետեւ դեկտեմբերին կուղեւորվենք ԱՄՆ, որտեղ եւս մենամարտ կկազմակերպվի: ԱՄՆ-ից Աբրահամը բավական մեծ թվով առաջարկներ է ստանում, սակայն նա չի պատրաստվում մեկնել Գերմանիայից, որտեղ բազմաթիվ երկրպագուներ ունի»: Բնականաբար, Աբրահամի ինքնավստահությունը դուր չէր եկել Թեյլորի մարզիչ Լի Կարին, որը հայտարարել էր, որ իր սանը պատրաստ է մենամարտին: Ըստ Կարի, իրենք մանրակրկիտ ուսումնասիրել են Աբրահամի մենամարտերի տեսագրությունները եւ հանգել են այն եզրակացության, որ Թեյլորն ավելի ուժեղ է Աբրահամից: Վախթանգ Դարչինյանը ֆիլիպինցի Դիոսդադո Գաբիի հետ մենամարտից առաջ հետեւյալն էր հայտարարել. «Եթե Գաբին չխուսափի պայքարից եւ ընդունի մարտահրավերը, ապա արդեն առաջին ռաունդում նրան նոկաուտի կենթարկեմ: Ես շատ վստահ եմ ուժերիս: Ես կապացուցեմ, թե ինչի եմ ընդունակ: Կարծում եմ իմ մարտաոճը բոլորին դուր կգա: Ուժերս կբավականացնեն 12-ռաունդանոց մենամարտի համար, սակայն կարող եմ ցանկացած մրցակցի հաղթել նոկաուտով»: Դարչինյանի մարզիչ Ջեֆ Ֆենեկը նշել է, որ իրենք հարգում են մրցակցին, քանի որ նրան մարզում է անվանի մասնագետ Ֆրեդի Ռոուչը: Դիոսդադո Գաբին էլ իր հերթին հետեւյալն էր հայտարարել. «Պատրաստ եմ դիմագրավել մրցակցին: Գիտեմ, որ Դարչինյանը հուժկու հարվածների է տիրապետում, սակայն չեմ վախենում նրանից»: Հետաքրքրական է, որ կշռվելու պահին Դարչինյանի անձնական քաշը համապատասխանում էր պահանջվող մարտական քաշին (50,8 կգ), իսկ Գաբին 400 գ-ով թեթեւ էր Վախթանգից: Մեր երկու բռնցքամարտիկներից առաջինը մրցասպարեզ դուրս եկավ IBF-ի եւ IBO-ի վարկածներով թեթեւագույն քաշում աշխարհի չեմպիոն Վախթանգ Դարչինյանը, որը Կալիֆոռնիայի Սանտա Ինյես քաղաքում հերթական անգամ պաշտպանեց ուժեղագույնի կոչումը: Վախթանգն իր խոսքի տերը եղավ: Ճիշտ է, նրան չհաջողվեց առաջին ռաունդում նոկաուտի ենթարկել մրցակցին, սակայն 8-րդ ռաունդում Վախթանգի հուժկու հարվածը գետին տապալեց Գաբիին: Այսպիսով 30-ամյա Վախթանգ Դարչինյանը շարունակեց իր անպարտելի մենամարտերի շարքը պրոֆեսիոնալ ռինգում: Անցկացրած 25-րդ մենամարտում նա 25-րդ հաղթանակը տոնեց, որից 20-ում մրցակցին նոկաուտի է ենթարկել: Իրոք, որ գերազանց ցուցանիշ, ինչը մեկ անգամ եւս վկայում է, որ հայ բռնցքամարտիկն իր քաշային կարգում անգերազանցելի է: Մեկ օր անց գերմանական Օլդենբուրգ քաղաքում IBF-ի վարկածով թեթեւ քաշում (72,6 կգ) աշխարհի չեմպիոնի իր տիտղոսը պաշտպանեց Արթուր Աբրահամը: Ճիշտ է, ավստրալացի Թեյլորի նկատմամբ հաղթանակի հասնելու համար նրանից պահանջվեց անցկացնել բոլոր 12 ռաունդները, սակայն հայ բռնցքամարտիկի առավելությունը նկատելի էր: Բոլոր երեք մրցավարներն էլ միավորների մեծ առավելությամբ հաղթանակը շնորհեցին Արթուրին: Նա էլ Վախթանգի նման առայժմ անպարտելի է: Պրոֆեսիոնալ ռինգում Աբրահամն իր 20-րդ հաղթանակը տոնեց, որոնցից 17-ում նա մրցակցին նոկաուտի է ենթարկել: ԱՇՈՏ ՀԱՅՐԱՊԵՏՅԱՆ Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.