Search the Community

Գառնիի տաճարում քրմերն ամուսնացրել են Հովհաննեսին ու Վարդուհուն (ֆոտո) Գառնիի հեթանոսական տաճարում սեպտեմբերի 21-ին տեղի է ունեցել «Իրավունք» թերթի գլխավոր խմբագիր Հովհաննես Գալաջյանի և Վարդուհի Գրիգորյանի ամուսնությունը։ Արիական ծեսը կատարել են քրմերը։ Հարազատները մեկական փայտ են ավելացրել կրակին։ Հարսնացուի մոր օրհնությունից հետո փեսայի կողմը երդվել է ուրախությամբ ընդունել նորահարսին։ Նորապսակները մատանիներով փոխանակվելուց հետո նույնպես մեկական փայտ են ավելացրել կրակին և խմել են երկու ընտանիքների բերած ու խոյաձեւ սափորում խառնված օրհնված կարմիր գինին։ Այնուհետեւ քրմերն օրհնել են նորաստեղծ ընտանիքին։ «Արիական ոգին ձեր մեջ, արիական շունչը ձեր մեջ»,- նորապսակներին օրհնելով՝ ասել է քուրմ Գեղամը։ Քուրմ Արգիշտին նորապսակներին մաղթել է ոչ թե չորս, այլ տասնչորս զավակ ունենալ։ Նշենք, որ հեթանոսների կարգով յուրաքանչյուր ընտանիք տոհմին պետք է տա ամենաքիչը չորս զավակ։ Վահագն աստծո և Անահիտ մայր աստվածուհու օրհնությունը ստանալուց հետո տաճարի բակում նորապսակների գլխին վարդի թերթեր են լցրել, որոնք խորհրդանշում են Սիրո աստվածուհի Աստղիկին։ Հովհաննես եւ Վարդուհի Գալաջյանները հետո եղել են Գեղարդում: Իսկ երեկոյան հարսանեկան արարողությունը շարունակվել է ավանդական խնջույքով: NEWS.am-ի հետ զրույցում Հովհաննես Գալաջյանն ասաց, որ Վարդուհին հայ առաքելական եկեղեցու հետեւորդ է եւ ամուսնանալու համար հավատափոխ չի եղել։ Հովհաննեսը դեռ ուսանողական տարիներին է հեթանոսական համոզմունքներ ունեցել, բայց Գառնիի տաճարում օրհնվել է 2004թ.։ http://news.am/pic/content/2013/23_sept/1241033_3439247357012_635234393_n.jpg http://news.am/pic/content/2013/23_sept/1376123_3439247437014_173773477_n.jpg http://news.am/pic/content/2013/23_sept/1241259_3439247717021_2013620998_n.jpg