Անունդ հայ է
Անունդ հայ է, ոքիդ՝ հերոսի,
Կամքդ ու միտքդ դարերով եկած
նախնիների,
Պայքարդ մեկն է, մեկ անուն ունի,
Քո վերջին շնչից շունչ պիտի առնի:
Դեռ ՊԻՏԻ ծնվեն սերունդներ արդար,
Քեզ պես Հայանուն, Մե՜ծն Մխիթար,
Պատգամդ մեկն է սերունդներին քաջ,
Դու ընկար մարտում, բայց չես ընկել ցած:
Հայանուն որդի վե՜հ Մասիսի պես,
Գնացիր կռիվ,որ վրեժ առնես,
Որ թուրք ոսոխին ԴՈՒ սարսափ դառնաս,
և հաղթանակած տուն վերադառնաս:
Մնացիր կանգուն հավերժող մեր լույս
Գալիք սերնդի լուսավոր վերելք,
Քո արյան գնով հաղթեցիր կռվում,
Մեր հաղթանակա՜ծ, հավերժո՛ղ գարուն։
Քո վեհությունը պիտի վկայի,
Որ քաջությունը սահմաններ չունի, պիտի հաղթի։
Դու քո արյունը տվեցիր, ու մենք
Հայրենիք ունենք ու պիտի ապրենք։
Ով գիտի սիրել հայրենիքը սուրբ,
Նա ուժեղ է միշտ ու գիտի կռվել։
Հայի արյունն է ձեր երակներում,
Ձեզ պիտի հիշենք անուն առ անուն։