ՄՈՒՍԱ ԼԵՌԱՆ ՄԱՆՃԻԿ
----------------------------------------------
Բազմադարյա խոհարարական ավանդույթի վերածնունդ ...
Հայկական ազգային և ավանդական խոհանոցի կատարելագործված նոր աշխարհը:
☆•●•☆•●•☆•●•☆•●•☆•●•☆•●•☆•●•☆
Ցավոք, ժամանակի ընթացքում ազգային եւ ավանդական խոհանոցի բազմաթիվ ուտեստների բաղադրատոմսեր մոռացվել են։ Այժմ ժամանակն է կրկին անգամ հիշեցնել, որպեսզի անպայման պատրաստեք ու փորձեք հայոց հարուստ խոհանոցի անուշահամ գանձերը, միշտ հիշելով, որ ուտեստները լոկ որովայնը լցնելու համար չեն, այլ` ամեն կտորը զգալու և վայելելու: Եվ իհարկե` չմոռանաք լվանալ ձեռքերն ուտելուց առաջ:
ՄԱՆՃԻԿ
**************
Մուսա լեռան խոհանոցի կերակրատեսակներից է։ Նշանակում է՝ կիսաջրիկ ճաշ։
Կա նաեւ մսով տարբերակը։
Նախապես թրջում ենք սիսեռը, այնուհետեւ խաշում։ Թավայի մեջ բուսայուղով տապակում ենք կտրտած սոխը, սխտորը եւ սմբուկը։ Շարունակում ենք տապակել։ Այնուհետեւ ավելացնում ենք լոլիկի մածուկ ու կտրտած լոլիկ։ Ավելացնում ենք խաշած սիսեռը, մի փոքր ջուր ու համեմում աղով, սեւ եւ կարմիր փոշի պղպեղներով։ Եփում ենք մարմանդ կրակի վրա։ Մատուցելուց՝ վրան ավելացնում ենք անուշաբույր հայկական կանաչիներ։
☆☆☆☆☆ ՍՆՎԵՔ ՀԱՅԵՐԵՆ ☆☆☆☆☆