Արթուր Դավթյան Առաջինը Եվրոպայի չեմպիոն հռչակվեց մարմնամարզիկ Արթուր Դավթյանը: Նա ապրիլի 16-ին Անթալիայում նվաճեց իր 2-րդ ոսկին: Աշխարհի չեմպիոնը հենացատկում նորից անգերազանցելի էր, հատկապես գեղեցիկ ու անսխալ կատարեց երկրորդ ցատկն ու 15,033 միավորով ապահովեց ոսկե մեդալը: Լուսանկարը` European Gymnastics «Հենց ոսկու համար էի պայքարում ու չեմպիոն դարձա: Նման արդյունք եղավ ոչ միայն իմ, այլ նաեւ մեր մարզիչների աշխատանքի շնորհիվ: Շնորհակալ եմ նրանց ու մեր ֆեդերացիային մարմնամարզությունը զարգացնելու համար: Լրագրողներին էլ եմ շնորհակալ, որ օգնում եք մեզ: Մյուս տարի Օլիմպիական խաղերն են, կարեւորը վնասվածք չունենամ, 2-րդ ցատկս կբարդացնեմ, որ հնարավոր լինի մեդալի համար պայքարել»: