Jump to content


Photo

Surb Hovanes Mkrtich -=- in Hadrut Qaraglukh


  • Please log in to reply
2 replies to this topic

#1 MosJan

MosJan

    Էլի ԼաՎա

  • Admin
  • PipPipPipPipPip
  • 28,010 posts
  • Gender:Male
  • Location:My Little Armenia

Posted 17 October 2013 - 10:53 AM

Մի եկեղեցու պատմություն. Ինչպես կառուցվեց Քարագլխի Սբ Հովհաննես Մկրտիչը
Գյուղում եկեղեցի էլ չկար, բայց երկու տարի առաջ ռուսաստանաբնակ Մաքսիմ Աթայանցը որոշեց՝ պիտի լինի, ու ձեռնամուխ եղավ հենց Քարագլխի բլուրին դրա կառուցմանը

Ժամանակին Հադրութի շրջանի կայացած գյուղերից մեկը Քարագլուխն էր, որն ազերիները գրեթե ամբողջությամբ ավիրեցին՝ մնացին միայն փլատակները, որոնք հիմա էլ կան: 1993-ին Քարագլուխը մի քանի գյուղերի հետ ազատագրեցին, բայց բնակիչները որոշեցին հիմնվել ստորոտում արդեն ուրիշ՝ Ձորագյուղ անվամբ: Հենց այդտեղ էլ հիմա ապրում է գյուղի մոտ 50 բնակիչ:
l_art1_arm.gifcmnts.gif17 հոկտեմբերի 2013

PanARMENIAN.Net - Ձորագյուղում դպրոց չկա, ինչի պատճառով էլ դպրոցականներն ու ուսուցիչները ստիպված են ամեն օր մոտ 5 կմ ճանապարհ անցնել՝ սովորում ու աշխատում ենհարևան՝ Առաքել գյուղի դպրոցում: Արդեն մի քանի տարի է՝ նրանց այդտեղ է տեղափոխում ղեկավարության հատկացրած մեքենան. վարորդն ամեն առավոտ տան մոտակայքից նրանց դպրոց է տանում, դասերի ավարտին՝ հետ բերում:

photo_171408_846e52f5b.jpg

Գյուղում եկեղեցի էլ չկար, բայց երկու տարի առաջ ռուսաստանաբնակ Մաքսիմ Աթայանցն որոշեց՝ պիտի լինի, ու ձեռնամուխ եղավ հենց Քարագլխի բլուրին դրա կառուցմանը: Աթայանցի պապն ապրել է, հայրը՝ ծնվել գյուղում, իսկ ինքը ծնվել ու ապրում է Սանկտ Պետերբուրգում, զբաղվում է նաև բարեգործությամբ: Քանի որ մասնագիտությամբ ճարտարապետ է, հենց ինքն էլ գծեց ապագա Սուրբ Հովհաննես Մկրտչի նախագծի էսքիզային տարբերակը: 2011-ի նոյեմբերին աշխատանքներն իրականացնող խմբի հետ հավաքվեցին Ղարաբաղում, քննարկեցին՝ ինչ, ոնց, ու արդեն 2012-ի ապրիլի 10-ին կայացավ դարչնագույն տուֆից եկեղեցու հիմնարկեքը, շինարարությունը մեկնարկեց:

photo_171408_87c521180.jpg

Չնայած, Աթայանցն ուզում էր, որ մեկ տարվա ընթացքում աշխատանքներն ավարտեն, դրանք մոտ տարի ու կես տևեցին: Սեպտեմբերի 5-ին Սուրբ Հովհաննես Մկրտիչն օծեց Պարգև արքեպիսկոպոս Մարտիրոսյանը, իսկ առաջին պատարագը մատուծեց Պետերբուրգի Հայ առաքելական Սուրբ Կատարինե եկեղեցու հոգևոր հովիվ Տեր Սարգիս քահանա Չոփուրյանը, ում Աթայանցը խնդրել էր այդ առթիվ Ղարաբաղ գալ: Ի դեպ, օծման արարողությանը որպես դպիր մասնակցում էր նաև Աթայանցի կրտսեր որդին:

photo_171408_5951680e8.jpg

Արդյունքում ստացվեց 14,5 մետր բարձրությամբ կենտրոնագմբեթ եկեղեցի: Աշխատանքային նախագիծն ու շինարարությունն իրականացնող գլխավոր ճարտարապետը Մանուշակ Տիտանյանն էր:

Եկեղեցու դրսի պատին արձանագրություն կա, որտեղ գրված է շինարար Գրիգոր Վարդանյանի անունը: Չնայած նա չհասցրեց տեսնել Սուրբ Հովհաննես Մկրտչի վերջնական տեսքը, բայց, նրա հետ այս ընթացքում աշխատած գործընկերների խոսքով, մեծ ավանդ է ունեցել եկեղեցու կառուցման գործում: Դա է պատճառը, որ որոշեցին պատին գրել նրա անունը:

photo_171408_3ead394a6.jpg

Եկեղեցին արդեն գործում է, պատարագները՝ մատուցվում: Արցախի թեմին կից հոգևոր խորհրդի համակարգող Սամվել սարկավագ Մկրտչյանի նախաձեռնությամբ այսուհետ հենց այստեղ են բերելու, նաև կնքելու զինծառայողներին, որոնց մինչ այս Հադրութի եկեղեցի էին տանում:

Մանե Եփրեմյան / PanARMENIAN.Net, Արեգ Բալայան / PanARMENIAN Photo


#2 MosJan

MosJan

    Էլի ԼաՎա

  • Admin
  • PipPipPipPipPip
  • 28,010 posts
  • Gender:Male
  • Location:My Little Armenia

Posted 17 October 2013 - 10:53 AM

http://www.panarmeni...details/171408/



#3 MosJan

MosJan

    Էլի ԼաՎա

  • Admin
  • PipPipPipPipPip
  • 28,010 posts
  • Gender:Male
  • Location:My Little Armenia

Posted 17 October 2013 - 10:54 AM

Astvats  Qez Pahapan Hayordi, Astso Orhnutyun@ anpakas qezanits yev  qo @entaniqits..






0 user(s) are reading this topic

0 members, 0 guests, 0 anonymous users