Լուսամփոփ
(Դասական Ուղղագրութեամբ)
Եղիշէ Չարենց
Լուսամփոփի պէս աղջիկ աստւածամօր աչքերով,
Թոքախտաւոր, թափանցիկ, մարմնի պէս երազի,
Կապոյտ աղջիկ, ակաթի ու կաթի պէս հոգեթով,
Լուսամփոփի պէս աղջիկ...
Ես ի՞նչ անեմ, ի՞նչ անեմ որ չմեռնի իմ հոգին,
Որ չմարի իմ հոգին քո ակաթէ աչքերում,
Ես ի՞նչ անեմ, որ մնայ ծիածանը երեքգոյն,
Որ չցնդի, չմարի իմ հոգու հեռուն...
Լուսամփոփի պէս աղջիկ աստւածամօր աչքերով,
Թոքախտաւոր, թափանցիկ, մարմնի պէս երազի,
Կապոյտ աղջիկ, ակաթի ու կաթի պէս հոգեթով,
Լուսամփոփի պէս աղջիկ...
Lusanpop
Started by
vartahoor
, Jun 11 2007 01:04 AM
-
This topic is locked
No replies to this topic
0 user(s) are reading this topic
0 members, 0 guests, 0 anonymous users
