Jump to content


Photo

Օրագիր


  • Please log in to reply
118 replies to this topic

#41 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 11 September 2008 - 11:49 AM

Վերեւ, վկայեցի Հայաստանի ուժանիւթի նախարարի տեղեկանքը, թուրքիոյ ելեկտրա վաճառելու կապակցութեամբ:

Թուրքիան, իր փոքր գրպանի քառորդ պարունակութեամբ, կրնայ «գնել» ողջ Հայաստանը:

Մենք գիտենք, ականատես եղանք անցնող տասնամեակներու ընթացքին, թէ ի՜նչ շանթաժներու սեղմումներու ենթարկեց թուրքիան, այն երկիրները, որոնք ընդունեցին, կամ ընդունելու ընթացքին մէջն էին. Հայոց Ցեղասպանութեան իրողութիւնը:

Վաղը, եթէ բազմանայ թուրքիոյ ներդրումը Հայաստան տնտեսութեան մէջ, շատ դիւրաւ կրնայ ճնշել Հայաստանի կառավարութեան վրայ, ամենապարզ խնդրէն՝ ամենախրթին խնդիրի կայացման մէջ: Կրնայ փակել տալ կուսակցութիւններ, արգիլել՝ գիտական հետազոտութիւններ, խափանել՝ հրատարակութիւններ: Կեանքը ցոյց տուաւ. հայրենի գործիչներու կոռումպացուածութիւնը: Դեռ ծովը չտեսած մերկացան. ջնջելով Մասիսի պատկերը հայ մարզիկի տարազէն:

Կանխակալ չմեղադրեմ: Սպասենք. կը տեսնենք: Մինչ այդ արեւմտեան մեր «սիրասուն» դրացիները թո'ղ դիտեն կիրակնօրեայ «Զինուժ» նախագծի արցախեան ազատամարտի կադրերը, գուցէ ծանօթ դէմքեր տեսնեն...Այնտեղ կարմիրով գծուած է...

Արցախ ունես, էլ ի՞նչ ես ուզում հա'յ պատանի...



#42 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 12 September 2008 - 01:57 AM

Երեկ, դարձեալ ունկնդրեցի թուրք լրագրողներու քաղաքական մեկնաբանումները: Իրողապէս, աշխարհաքաղաքական զարգացումներու՝ յատկապէս նորագոյն Ռուս-Ամերիկեան մրցակցումի վերաբերեալ շատ ժողովուրդներ, ի թիւս՝ հայեր եւ թուրքեր, համակարծիք են: Օրինակ՝ հայեր եւ թուրքեր (մեծամասնը), համակարծիք են՝ տարածքին մէջ նոր պատերազմներ չպայթելու կապակցութեամբ: Թուրքեր մտավախ են՝ ամերիկեան «ժողովրդավարութեան» արտածումէն, Ուկրաինա, Վրաստան եւ այլուր:

Հայաստանի կողմէ թուրքիոյ ելեկտրաուժ վաճառելու առնչութեամբ.

Հայկական ընկերութիւնը կը պատկանի ռուսական ընկերութեան մը, որ թուրքիոյ մէջ ներկայացուած է ինչ-որ ընկերութեամբ մը: Գիւլի Երեւան այցէն առաջ իսկ, վերոյիշեալ ռուս-թուրքական ընկերութիւնը, յայտ ներկայացուցած է թուրք ուժանիւթի նախարարութեան, հայկական ելեկտրաուժը թուրքիոյ վաճառելու կապակցութեամբ: Երեւանի մէջ, ստորագրուած է համաձայնագիրը:

Հասուն լրագրողը երիտասարդ լրագրողին.

  • Ձեր կարծիքով, հայ-թուրք սահմանի բացում պիտի իրականանա՞յ
-Ինչպէս գիտենք, թուրքիան 4 նախապայման որոշած է սահմանը բանալու համար: Կողմերէն մեկը ետքայլ պէտք է ընէ: Կիպրոսի մէջ 13 քայլ ետեւ ըրինք, ու ահա հիւսիսի թուրքերն ու հարաւի յոյները համաձայնելու վրայ են:

Այստեղ, թէ ո'վ ետքայլ պիտի ընէ, թուրք լրագրողը չ'ըսաւ: Սակայն, կարծեմ, թուրքիային մատնանշեց, քանզի բոլորն ալ գիտեն, թուրքիոյ նախապայմանները, ի մասնաւորի՝ Արցախի խնդրին մէջ 100% կեղծանուն երկրի՝ Ատրպայճանական դիրքորոշում ունենալը, չափազանցուած ու անընդունելի է հայկական կողմին համար:



#43 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 12 September 2008 - 03:16 AM

Վերջերս բազմացել են, դէպ ի Արեւմտեան Հայաստան, Կիլիկիա ու յարակից նախկին հայաբնակ տարածք կատարուած սփիւռքահայերի ուղեւորումները: Մերոնք, թուրքիոյ արեւելեան նահանգները, երբեմն անուանում են Արեւմտեան Հայաստան: Սոյն գրութեանս պատճառը, հայկական մի պարբերաթերթում ընթերցածս յօդուածի առթիւ է:

Յօդուածագիրը՝ նշանաւոր գրականագէտ, յօդուածագիր, բժիշկ, Հայաստանի գրողներու Միութեան անդամ, բազմաթիւ գրքերի մեկենաս. հրատարակիչ ու ցրուիչ, հօրս սերնդակից ու բարեկամ, յարգելի Թորոս Թորանեանն է:

Զարմանալի աւիւն, հայրենապաշտում, ազգի մշակոյթի լեզուի ու գիրի հանդէպ նուիրում ունի. հին հալեպահայ սերունդի գրասէր տիպարի այս վերջին մոհիկանը: Երկար եւ առողջ կեանք քեզ դոկտոր:

Այս եւ նման ուղեւորային յուշեր շատ կարդացել եմ: Փորձեմ բաղդատել՝ Արեւելեան հայաբնակ Հայաստան (Հայաստանի Հանրապետութիւն) եւ Արեւմտեան այլազգաբնակ Հայաստան (թուրքիա), կատարուած ուղեւորութեանց յուշագրումների զգացական, մարդկային ու ազգային իրավիճակների բացայայտումները:

Նախ՝ մոռացել ենք Երկրի տեղանունները, ու մեղանչելով՝ յաճախ Արեւմտեան Հայաստանի աշխարհագրական տեղանքը տեսնում ենք Անատոլիայի տարածքում: Ու դեռ՝ անվարան արտասանում եւ գրում ենք թուրքական ձեւով՝ Անատոլու: Թուրքերէն անադոլու. նշանակում է մայրաշատ, բառացի՝ լիքը մայր: Մինչ Անատոլիան արեւելքում, վերջանում է այնտեղ, ուր սկսում է Հայկական Բարձավանդակը, որն առանձին աշխարհագրական միաւոր է, ու դեռ հնուց հանրաճանաչ բոլորի կողմից: Պատմական հայրենիք գնացողը,-որն ընդհանրապէս անտեղեակ է. բնիկ հայրենիքի աշխարհագրական տեղանուններից,- հարցնում այժմու բնակիչին . «Այս ի՞նչ գետ է», ու ստանում պատասխանը՝ «Բու Մուրադ սու-սա Մուրադ ջուրն է», ու ուխտաւոր հայը, վերադարնալուց ետք, իր յուշագրում գրում է գետի անունը «Մուրադ սու», ոչ աւել ոչ պակաս: Հայոց մկրտարան Արածանին (Արեւելեան Եփրատ) տեղ չունի այլեւս հայկական ենթագիտակցութեան մէջ: Հաղորդւում ենք պատմական հայրենիքին, այնպէս որ մեզ ներկայացւում է այնտեղ, կիսագրագէտ թուրք-քուրդ գեղականցոց կողմից: Դէպի Երկիր ուխտարշաւ կազմակերպող մեր մշակութային հայրենակցական միութիւնները. չունեն այլեւս հայրենաճանաչ անդամներ: Գրասէր չենք, տեսասէր ենք ու սպառող, ու պատրաստ ընկալելու ուրիշի եփածը:

Բաղդատեմ.-

1.-Արեւմտեան Հայաստան Կիլիկիա եւ յարակից տարածք (իրողապէս՝ թուրքիա)

-Չես կարող հարցնել, թէ ո՛րտեղ են վաճառւում հայկական գրքեր:

-Չես կարող գնալ թանգարան ու դիտել մշակութային գանձեր, մակագրուած հայկական պատմական ժամանակաշրջանների ճշգրիտ անուանումներով:

-Չես կարող ասել .«Բարեւ ձեզ» ու ստանալ նմանօրինակ պատասխան:

-Չես կարող զգալ՝ յաղթած հայ, կզգաս նուաստացած, պարտուած ու մեռած այս հողի վրայ:

-Կնշմարես հայկական հետքեր, բայց սրանք հայկական դիակի մնացուկ են, որմով սնւում է պատմական հայրենիքիդ այժմու բնակիչը:

-Հայրենիքի կարօտից ա՜խ կքաշես, վախ կասես, բայց երկրի տէրը լինելու զգացումը չես կարող ունեալ: Դու զբօսաշրջիկ ես, ու յարգուած՝ այնքան ժամանակ որ զբօսաշրջիկ ես:

-Չես կարող մտքիդ ծայրից էլ անցնել, պատմական Հայրենիքում հող-տուն առնելու մասին, քանզի յիշողութեանդ ծալքերում արձանագրուել է. փողոցում թուրքից ծեծ ուտող ու լալով տուն վազող գեավուրի զաւակի պատկերը:

-Չես կարող խնամիանալ Արեւմտեան Հայաստանի այժմու բնակիչի հետ:

2.-Արեւելեան Հայաստան (Հայաստանի Հանրապետութիւն եւ Արցախ)

Վերոյիշեալ իրադրութեան հակապատկերը...



#44 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 12 September 2008 - 06:52 AM

«Մեր էշը իր ճամբան ճիշդ կերթայ, բայց ուրիշին փիճը չի թողուր..»

ժողովրդական առակ

Առակներ, ասացուածք, առածներ՝ ժողովրդային բազմադարեայ կեանքի փորձով իմաստնացած: Այժմ եկած են նոր-եփուկ նոր-ելուկ հայեր, ու հայ-թուրք բազմադարեայ յարաբերութեանց կեանքի փորձը գաւաթ մը ջուրին մէջ հալեցնելով կը խմեն:

Շա՜տ դիւրին է ըսել .«Մեր պապերը սխալ ըրին, պէտք էր այսպէս (?) վարուէին»

Պատանի ուղեղի ընդվզում է այս, որ բոլորս ալ ունեցած ենք: Թուրքը միշտ դաժան եղած է, ու պետականազուրկ հայը, ի'նչ որ կատարած է, սեփական որոշումով կատարած է:

«Անցուկը մոռցուկ է, մեր ներկան անցեալով չբեռնաւորենք» ըսող ալ կայ: Շատ լաւ, բայց անցեալի փորձառութիւնը ինչո՞ւ սրբենք մեր յիշողութենէն: Չէ՞ որ փորձառութեամբ կառք կը վարենք, ճաշ կեփենք, արհեստնիս կը կիրարկենք... եւայլն:

Հիմա «էշը» ճամբէն շեղած է: Ամէն ինչին հաշուարկը սկիզբէն պիտի սկսկի: Ամեն ինչ պիտի փոխուի:

Հայաստան ունի՞ այնքան ուժեղ պետականութիւն, որ չցնցնուի թուրքիոյ կիրարկելիք հաւանական ազդեցութենէն: Երանի ունենար, յուսամ ունի, որպէսզի չցնցուի սահմանի բացումէն: Բոլորս կուզենք հայրենի ժողովուրդի բարգաւաճումը: Հայրենի մեր ժողովուրդի մեծամասնը, շատ ճշտօրէն կամ քիչ ճշտօրէն, իր բարգաւաճումը կապած է հայ-թուրք (նաեւ ազերաթուրք) յարաբերութեանց բարելաւումէն:

Հայրենաբնակ մեր ժողովուրդը չի յիշեր՝ ընդամէնը երկուք ու կէս տարի տեւած Հայաստանի առաջին անկախութեան տարիները, ու Հայաստանի լաւ իրավիճակը, ըստ իրեն, Սովետ Միութեան կազմի մէջ իր ապրած լաւ օրերն են, ի մասնաւորի 70-ականները:

Հայրենաբնակ մեր ժողովուրդը այդ օրերը կը փնտրէ...Սակայն չկայ Սովետ Միութիւնը, չկայ անծայրածիր ու միաձոյլ տնտեսութեամբ ապրող այդ հսկայ ու փառահեղ կայսրութիւնը:

Ներկան է Անկախ Հայաստանի իրական պատկերը:



#45 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 12 September 2008 - 08:02 AM

Ռուս Ամերիկեան մուկ ու կատուի խաղը տաքցաւ: Հիմայ պայքարը գաղափարական չէ, այլ՝ աշխարհին միաբեւեռ իշխելու նկրտում ունեցողի դէմ նոր ձեւաւորուող ընդդիմութիւն: Կարծեմ 1925-ին, Սեւ Ծովի վրայ նաւարկութեան պայմանագիր ստորագրուած է, որ կը կոչուի Մոնթրոյի պայմանագիր: Այս պայմանագրի հիմամբ, Ռուսիան, Վրաստանին չեմ-գիտեր-ի'նչ օգնութիւն բերող ռազմանաւերէն պահանջեց հեռանալ Սեւ Ծովի ջուրէն: 4 Ռազմանաւ հեռացաւ ի Մարմարա: Ըստ նոյն պայմանագրին, 4 օր ետք, նոյն ռազմանաւերը կրնան ետ վերադառնալ, սակա'յն միայն 21 օր իրաւունք ունին մնալու... եւ այսպէս շարունակ:

Այսօրուայ լուրը. ռուսական ռմբակոծիչ օդանաւեր հասած են Հուգո-Չաւեզիստան: Ըստ լրաբերի, սաւառնումի ողջ ընթացքին, ռուսական օդանաւերուն ընկերակցած են նատոյի օդանաւերը: 21-րդ դարու ամենահռչակաւոր կարմիրը, հաւակնութիւն ունի՞ դառնալու Ֆիդել Կաստրո...

Պապա մը ըլլար, երկու ապտակ զարներ ասոնց ըսելով. «Ծո խելքերնիդ գլուխնիդ հաւաքեցէք»: (Աշխարհի պապաները ասոնք են)

\*/ *-*-* /*\

Գիւլը Բագուի մէջ թուրք քաղաքական ուղեգիծին հաւատարիմ յայտարարութիւններ կատարեց: Վստահութիւն ունենալով հանդերձ, յարգարժան նախագահնիս, պիտի պատասխանէ՞ Գիւլի յայտարարութեանց, թէ՞՝ լուռ մնալ ալ քաղաքականութեան հիմնական գործօններէն մեկն է:

/*'*\

«Հայաստանի եւ թուրքիոյ միջեւ լաւ յարաբերութիւններու պարագային Ցեղասպանութեան բանաձեւեր պիտի չընդունուին» կ'ըսէ Ալի Բաբաջան:

Ա՞յս է բովանդակ հայ ժողովուրդին ուզածը, կամ՝ ա՞յս կը պահանջէ բովանդակ հայ ժողովուրդին ու Հայաստանին շահը:

???

Հարաւային Օսիան, կամ Ալանիան, կը ծրագրէ միանալ Ռուսիոյ: Եթէ այդպէս շուտ կրնայ հրաժարիլ իր անկախութենէն, ինչո՞ւ այսքան տարի պայքարեցաւ անոր համար: Ահա թէ ինչ կը նշանակէ հզօր գերտէրութեան մը կողմէ պաշտպանուիլը: Յաւիտեանս ստրկացում: Ռուսիան լաւ տպաւորում թողած էր օսական պատերազմին: Պէտք է պահէ իր լաւ դիմագիծը, ու մերժէ Օսիայի միացման պահանջը:

Edited by Johannes, 12 September 2008 - 10:16 AM.


#46 Arpa

Arpa

    Veteran

  • Members
  • PipPipPipPipPip
  • 10,011 posts
  • Gender:Male
  • Interests:Culture

Posted 12 September 2008 - 09:57 AM

QUOTE
Դէպի Երկիր ուխտարշաւ կազմակերպող մեր մշակութային հայրենակցական միութիւնները. չունեն այլեւս հայրենաճանաչ անդամներ: Գրասէր չենք, տեսասէր ենք ու սպառող, ու պատրաստ ընկալելու ուրիշի եփածը:

Ուխտարշաւ թէ ՈՂԲԱՐՇԱՒ?
QUOTE
Զարմանալի աւիւն, հայրենապաշտում, ազգի մշակոյթի լեզուի ու գիրի հանդէպ նուիրում ունի. հին հալեպահայ սերունդի գրասէր տիպարի այս վերջին մոհիկանը: Երկար եւ առողջ կեանք քեզ դոկտոր:

Այս նահանջ տարուայ Փետր. 29 ին տօնեցինք Թօրոսի քսաներորդ դարեդարձը (80 տարեկան): իմացայ որ նա արկածի է ենթարկուել տանը հոգսալից:
QUOTE
Դէպի Երկիր ուխտարշաւ կազմակերպող մեր մշակութային հայրենակցական միութիւնները. չունեն այլեւս հայրենաճանաչ անդամներ: Գրասէր չենք, տեսասէր ենք ու սպառող, ու պատրաստ ընկալելու ուրիշի եփածը:

Երբ Սեբաստացին այսօր Սիվազլը- եան է, Վանեցին Վանլը- եան, Այնթապցին Այնթապլը- եանեւ Մարաշցին Մարաշլը- եան???
Երբ Երեւանցի դառնայ Իրիվանլը???
QUOTE
-Չես կարող մտքիդ ծայրից էլ անցնել, պատմական Հայրենիքում հող-տուն առնելու մասին, քանզի յիշողութեանդ ծալքերում արձանագրուել է. փողոցում թուրքից ծեծ ուտող ու լալով տուն վազող գեավուրի զաւակի պատկերը:

ԴԵՐԵՆԻԿԸ
Դանիէլ Վաոււժան

Դուռը կը բացուի. Դերեենիկն ահով,
Իբրեւ թէ այծեամ մ’ըլլար նետահար,
Մօրը թեւերուն մէջ կ’իյնայ լալով:
-“Ինչ ունիս, տըղաս… ըսէ շուտ… մի լար.
Օձը քեզ խածաւ, թէ աքացեց ձին:”?
“Գլուխըս պատռեց դըրացի Ալին…”

Եւ ան ցոյց կուտայ սեւ գագգուրներուն
Ներքեւ վէրք մ’ուրկէ բըխելով արիւնն
Հայ գըլխիկն այդ` թուրք ոսոխ կը թըրջէ:
Քաջ մօրն հոգւոյն մէջ վիհեր կը բացուին
Լեցուած ամօթով.- Գըգուել կըրթիչն է?
Սըրտի վրայ` յաղթուած ճակատն երկչոտին:

Պահ` մ’իր գութին խուլ` կը մըղէ ի բաց
Կուրծքէն գըլուխն այդ իր փոքրիկ վատին.
Եւ կը գոռայ. -“Դուրս… մինչեւ որ յաղթած`
Արիւններդ անոր արեամբ չըմաքրին1
Այսօր տուն չես գար: Մատնի`չ խնամքներուս,
Միթէ վարսակի հացով սընար…? Դուրս“!:

Տըղան ամօթէն շիկնած` կ’առարկէ.
“Բայց , մայրիկ, Ալին Թուրքի զաւակ է.
Աչքին մէջ հեռ կայ եւ մէջքը փալա:”
-“Իսկ դու ալ Հայ ես, եւ մէջքիդ ըլլա`յ
Թող իմ մկրատս, իլս, ինչ որ կուցես… Դուրս“!:

Դերենիկն այպէն գետին նայելով
Կը մեկնի անձայն….: Հոն ծառի մը քով
Զինքը կը տեսնէմ լոյսով լուսնակի.-
Մեծ քար մը ձերքին, ջլաձիգ, դալկահար,
(Մինչ արիւնն այտէն վար կը կայլակի)
Թըշնամւոյն շեմին կը սպասէ, երկա՜ր…

For those ArmText challenged, her is my rendition in English.
DERENIK
By Daniel. Varouzhan (1884-1915)
(Note: All these works in re to the Armenian suffering, as well as those by Siamanto and others were written before "the big one", i.e. before 1915)

The door opens wide, Derenik with awe,
Like a wounded deer hit by an arrow,
Falls in mother's arms, weeping.
"What happened, my son... tell me quick.. don't cry,
Did the snake bite you, or the horse you kick"?
"My head tore open, our next door Ali!"

And he bares open, under those black curls
That gashing wound with blood streaking down
That little Armenian head, hit with Turkish vengeance.
Deep gorges open in brave mother's soul
Full of shame... is it right to caress
On her heart- head of a defeated coward?

In a moment, deaf to her mercy, she ponders
From her chest the head of that little wretch,
And she roars,- "Out!... until you triumph
His blood you cleanse with your own
Don't come today. You betrayed my care,
Did I nourish you with bread made of oats?... Out!!!"

The boy turned scarlet with shame protests,
"But mommy, Ali is a son of Turk,
There's fire in his eyes and pala on his back."
"And you're Armenian, and let at your waist be
My scissors, my spinner, whatever you want...Out!!!"

Derenik with shame, looking at the ground
Leaves in deep silence... There under a tree
Is seen by moonlight,
A big stone in hand, nervous and pale
(While down his cheek blood dripping down)
At the doorstep of foe, he waits and waits long…

Edited by Arpa, 12 September 2008 - 10:02 AM.


#47 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 12 September 2008 - 10:29 AM

Պարտիմ քեզ Արփա, հենց այս քերթուածն է մտքինս:

#48 Arpa

Arpa

    Veteran

  • Members
  • PipPipPipPipPip
  • 10,011 posts
  • Gender:Male
  • Interests:Culture

Posted 12 September 2008 - 11:40 AM

QUOTE (Johannes @ Sep 12 2008, 05:29 PM)
Պարտիմ քեզ Արփա, հենց այս քերթուածն է մտքինս:

Գուցէ դու չգիտես թէ մեր Մարաշցի նախնիքը գործ ածէին այդ “ՀԵՆՑ/ԼՈԿ” բառը իբր “ՀԻՆՑ-Ի“, ինչպէս, “Հինցի հաց” -առանց պանիրի,, “հինցի փիլաւ”- առանց մսի: Եւ, մինչ այսօր Մարաշցի մամիկները յիշեն այդ բառը: Ինձ երկար ժամանակ առաւ տեսնէլ “ՀԷՆՑ”** եւ “ՀԻՆՑ”
բառերի կապը:
**Վերեւ ես գրեցի ՀԷՆՑ- Է- ով, տես թէ ինչպէս նա դառնայ Ի :



#49 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 12 September 2008 - 11:51 AM

Արմատականում չգտայ, գուցէ հառանց է բառը, ու մի շարք բարբառներում եղածի պէս, r հնչիւնը կորած կամ յ դարձած: Այսպէս.

հենց (առանց այն էլ, առանց գիտակցելու) այս քերթուածն էր մտքինս:

Հինցի հաց=առանց պանիրի հաց ?


#50 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 12 September 2008 - 11:53 AM

Իսկ հիմա «հենց» նշանակէ. «այդպէս, ճիշտ այդպէս» like that.

#51 Arpa

Arpa

    Veteran

  • Members
  • PipPipPipPipPip
  • 10,011 posts
  • Gender:Male
  • Interests:Culture

Posted 12 September 2008 - 12:20 PM

QUOTE (Johannes @ Sep 12 2008, 05:53 PM)
Իսկ հիմա «հենց» նշանակէ. «այդպէս, ճիշտ այդպէս» like that.

Այո: Առանցին, լոկ, մէնակ/մինակ, չոր ու ցամաք(մինակ, առսնց պանիրի):
Հաց ու պանիր, կեր ու բանիր?
Բայց, ինչպէս մին բանի առանց պանիրի!
Յիսուս ըսաւ: "Մարդ միյայն (հենց/լոկ)հացով չի ապրի":
Այլ, պանիր, խօրուած** եւ խաշ է խնդրում? tongue.gif
**Տես թէ ինչպէս հեգեցի ԽՕՐՈՒԱԾ, խաւրուած:
http://hyeforum.com/...0444&hl=khaurma

Edited by Arpa, 12 September 2008 - 03:33 PM.


#52 Arpa

Arpa

    Veteran

  • Members
  • PipPipPipPipPip
  • 10,011 posts
  • Gender:Male
  • Interests:Culture

Posted 12 September 2008 - 04:34 PM

QUOTE (Johannes @ Sep 12 2008, 02:02 PM)
Ռուս Ամերիկեան մուկ ու կատուի խաղը տաքցաւ: Հիմայ պայքարը գաղափարական չէ, այլ՝ աշխարհին միաբեւեռ իշխելու նկրտում ունեցողի դէմ նոր ձեւաւորուող ընդդիմութիւն: Կարծեմ 1925-ին, Սեւ Ծովի վրայ նաւարկութեան պայմանագիր ստորագրուած է, որ կը կոչուի Մոնթրոյի պայմանագիր: Այս պայմանագրի հիմամբ, Ռուսիան, Վրաստանին չեմ-գիտեր-ի'նչ օգնութիւն բերող ռազմանաւերէն պահանջեց հեռանալ Սեւ Ծովի ջուրէն: 4 Ռազմանաւ հեռացաւ ի Մարմարա: Ըստ նոյն պայմանագրին, 4 օր ետք, նոյն ռազմանաւերը կրնան ետ վերադառնալ, սակա'յն միայն 21 օր իրաւունք ունին մնալու... եւ այսպէս շարունակ:

Այսօրուայ լուրը. ռուսական ռմբակոծիչ օդանաւեր հասած են Հուգո-Չաւեզիստան: Ըստ լրաբերի, սաւառնումի ողջ ընթացքին, ռուսական օդանաւերուն ընկերակցած են նատոյի օդանաւերը: 21-րդ դարու ամենահռչակաւոր կարմիրը, հաւակնութիւն ունի՞ դառնալու Ֆիդել Կաստրո...
====

Ֆիդել Կաստրոն տակաւին ողջէ:
Long distance war?
Անոնք որ պատում(history) չը գիտեն, կամ չեն անսար նրան, պիտի կրկնեն նոյն սխալնեերը:
Տես ինչ պատահեց 1812 տարին, երբ Նապոլիոնը (Նապոյի առիւծը) Մոսկուայ արշաւեց:
Տես թէ Չայկովսկին ինչպէս անմահացուց այդ յաղթանակը:
!812 Overture
http://ca.youtube.co...feature=related
Նոպոլիոնի արշաւի տարին Ամերիկան մարտ յայտարարեց Անգլիոյ դէմ եւ յաղթեց: 1895 ին Ամերիկան մարտնչեց Իսպանիոյ(Գուբա) դէմ, եւ յաղթեց: Բոլորն ալ տաս հազար մղոն հեռուից էին եկել:
Կամ, երբ Պեռլինի առնետը(Berlin Rat) արշաւեց Վոլգոկրատ/Ստալինկրատ:
Ինչ պատահեց Կորեայում, Վիետնամում? Ինչ է պատահում Աֆղանիստանում, Իրաքում եւ այ տեղեր?
Long distance war?
Տես թէ ինչ պատահեց երբ տեղացի, անվարտի գեղացին զէնք, բահ ու բրիչ վերցրեց արշավող ոսոխի դէմ:
Չի մոռանալ Սարդարապատը:
Տես ինչ պատահեց երբ տաս միլիոննոց բակուսիտանը յարձակեց տաս հազարանոց Արցախ Արծուաբոյնին:
Չի մոռանալ Հանիբալը, Մեծն Աղեքսանդրը եւ բազմաթիւ այլք:
Մինչ ՆԱՏՈն պատրաստի իրանց նաւերը, կրակէ իրանց ինքնաթիրները Ռուսը կարող է ոտքով մտն:
Եւ երեւի թուրքը վերջապէս հասկացել սա, թէ այսօրուայ Ռուսիան Ստալինի, Կորբաչեւի, կամ նոյնիսկ Էլցինի Ռուսիան չէ:
Եւ, տակաւին մեր Ա- պուշ-ները երազեն որ կարող են պատեզամիլ տնից տաս հազար մղոն հեռու , թշնամու ճահիճներում (ճէնկէլ/jungle) ներում եւ յաղթեն:
Ուր իէինք երբ Աստուած խելք էր բաշխում?
Կասեն թէ երբ Աստուած խելք էր բաշխում եւ անասուններին անուանում էր, էշը մռռանում էրիր անունը: Եւ, Աստուած քաշում էր նրան ականջից եւ ասում- ԷՇ, ԷՇ, ԷՇ!:
Թէ ինչու իշուն ականջը այդքան երկար է:

Edited by Arpa, 13 September 2008 - 05:01 AM.


#53 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 13 September 2008 - 03:29 AM

QUOTE
Անոնք որ պատում(history) չը գիտեն, կամ չեն անսար նրան, պիտի կրկնեն նոյն սխալնեէրը:

Իրողապէս, մեզի սխալ կը թուայ, սակայն, կը կարծեմ՝ այդքան ապուշ չեն, անգիտակից սխալելու: Գիտակցուած սխալներ են, որոնցմով կը շահին մասնաւոր խումբեր, ընկերութիւններ, անհատներ, դիկ չէնիներ, հալի բուրտոններ: Զինարշաւէն, ու քանդուած երկիրներու վերակառուցումներէն ամերիկացիք չեն շահիր, անոնք են որ կը շահին, ու իրենց առեւտուրը կը ծածկեն կեղծ վաւերագրերով, ու իրական շահոյթնին չեն ցուցներ, որպէսզի տուրք չվճառեն Ամերիկեան կառավարութեան: Այս ալ բիզնես է, այն ալ ի՜նչ բիզնես:

Նոյն ժամանակ, ողջ մարդկութեան դէմ ոճիր կը գործեն, քանզի շատ վտանգաւոր կորիզային պատերազմի մը պատճառ կրնան ըլլալ, եթէ այս աղտոտ «խաղերը» շարունակեն Ռուսիոյ դէմ: Ահա Ռուսիան, Հիւսիսային Բեւեռի մէջ տեղադրեց կորիզային գլուխով հրթիռներ, որոնք պատասխան են, Լեհաստանի եւ Ալասկայի մէջ տեղադրուած ամերիկեան հրթիռներուն: Ու շատ քիչեր կը հաւատան, թէ վերոյիշեալ ամերիկեան հրթիռները ահաբեկչութեան դէմ պատերազմի, կամ Իրանի համար են:

*-\/\/-*

Վախնամ ռուս-թուրք գաղտնի հակաամերիկեան համաձայնագիր է Հայաստանին զիջում պարտադրելը, քանզի, բոլորս գիտենք Հայաստանի կապուածութիւնը Ռուսիոյ, ու որ՝ միայն ռուսերը կրնան զիջում պարտադրել Հայաստանին: Ռուսիան Հայաստանին պիտի պարտադրէ թուրքական պահանջքը, կամ այդ պահանջքէն մաս մը, իսկ թուրքիան Վրաստանի ու Սեւ Ծովի տարածքին ամերիկեան գործունէութիւնը պիտի կաշկանդէ, այնպէս որ ըրաւ Իրաքի գրաւման նախօրեակին, երբ այս նոյն թուրք վարչակարգը արգիլեց թուրքական հողերէն յարձակում մը անկախ ու ինքիշխան Իրաքի վրայ:

Հեռու հաւանական է, սակայն կարելի:

Edited by Johannes, 13 September 2008 - 09:54 AM.


#54 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 13 September 2008 - 09:51 AM

QUOTE
«Երկքաղաքացիութեան մասին օրէնքը կը մտահոգէ թուրքիան: թրքական մամուլը գլխաւորաբար ունէր այն մտահոգութիւնը, թէ սփիւռքը, որ հայկական հարցի պարագային հանդէս կ'ուգայ աւելի արմատական մօտեցումներով, այժմ Հայաստանի վրայ իր ազդեցութիւնը ալ աւելի պիտի մեծցնէ եւ արմատականութիւնը կրնայ յայտնուիլ թուրքիոյ սահմանին վրայ:» գրած է Պոլսոյ «Ժամանակ» հայկական օրաթերթը

Այս պարբերութիւնը գրած եմ Feb 24 2007-ին: «Բաժնէ՝ զի տիրես» յայտնի մակիավելեան խորհուրդն է սա: Թուրքը միշտ ալ փորձած է հայ ժողովուրդը բաժնել:
Երկքաղաքացիութեան օրէնքին դէմ էին նաեւ ոմանք, Հայաստանի մէջ: Այսպիսիներու համար, Արցախը՝ բեռ է, Սփիւռքը՝ բեռ է, Հայ Դատը՝ բեռ է, Զինուած ուժը՝ բեռ է, Հայ-Ռուս ռազմական դաշինքը՝ բեռ է եւ այսպէս:
Միամիտ չ'ըլլանք, եւ չկարծենք թէ հրաշքով, մոգական գաւազանով մը թուրքը փոխուած է, Հայաստան այցով մը: Այս այցին յաջորդեց, հապճեպով այց մը Բագու, ուր կատարուեցաւ յայտարարութիւն մը, որ հայերու, ու մասնաւորապէս՝ հիւրընկալ նախագահ ՍՍ-ի գլխուն պաղ ջուր թափեց:
Այնպէս որ նախապէս ըսի, աւելորդ խանդավառութիւն պէտք չէ: Թուրքիան իր քաղաքականութիւնն է որ կը վարէ, ու առանձնապէս՝ հայ ժողովուրդի ու Հայաստանի հանդէպ սիրահարուածութենէ չի տառապիր, որպէսզի հրաժարի իր քաղաքական ուղեգիծէն:
Հայաստանն եթէ չզօրանայ, կը տկարանայ: Հայաստանի զօրութիւնը իր ժողովուրդն է. բովանդակ Հայ ժողովուրդը: Հայաստանի զօրութիւնը, իր ժողովուրդն է ու հողը:
Թուրքիան ու իր դաշնակից կեղծանուն դաշնակից Ատրպայճան, Հայաստանէն կը պահանջէն հեռանալ Արցախէն: Արցախը միակն է, որուն հայ ժողովուրդը վերատիրացաւ դարաւոր ընկրկումներէ ետք:

Եթէ Հայաստանի իշխանութեան հասնի այնպիսի մեկը, կամ եթէ ըլլայ այնպիսի մեկը, որ որոշէ հող տալ արդէն հայկական հողի վրայ պետութիւն կազմած թուրքին, այնժամ հայրենիքի համար կռուող չենք գտներ անգամն ալ:
Հայաստանն ու հայը պիտի գիտնան թուրքին յարգել տալ իրենց գոյութեան իրաւունքը:
Բացայայտ ու կտրուկ պիտի ըսուի բոլորին. առանց կռիւի հայրենիք չի տրուիր: Նախկին արտաքին գործոց նախարար Վարդան Ոսկանեանը նմանօրինակ յայտարարութիւններ կատարած է Կը սպասեն հայրեընի մերօրեայ վարիչներուն նմանօրինակ յայտարարութիւնները: Թէեւ յայտարարութիւններով հայրենիքներ չեն պաշտպանուիր, բայց պէտք է պատասխան ստանան այն երկուքը, որոնք Բագուի մէջ չվարանեցան նոյն մուղամը կլկլալ:

Edited by Johannes, 13 September 2008 - 09:53 AM.


#55 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 13 September 2008 - 10:38 AM

Իսլամական արշաւանքի սկիզբին, երբ եռանդուն էին բանակները Արաբիոյ, ու նոր կրօնի առաքելութիւնը կը տարածէին արար աշխարհ, Տարեկ Բեն Զիադի բանակը Իբերիա (Սպանիա) ափ ելաւ: Ֆրանկներու բանակը կարծես թէ կը ջարդեր, ու արաբ իսլամական բանակին խայտառակ պարտութիւն կը սպառնար: Իմաստուն ղեկավար ու զօրավար Տարեկ Բեն Զիադ, կը հրահանգէ այրել բոլոր իսլամական նաւերը, որպէսզի ետ դարձի ճամբայ չունենայ իր բանակը: Կարտասանէ իր յայտնի կարճ ճառը, թէ՝ ծովը ետեւն է, իսկ թշնամին առջեւը, ընտրեցէ'ք այն ճանբան որ կը նախընտրէք...:

Հայաստանի ու հայ ժողովուրդի ընտրանք ալ շատ տարբեր չի կրնար... ետ դարձի, զիջումի տեղ չունինք:



#56 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 15 September 2008 - 12:18 AM

Բարի օր,

Երեկ, Հայաստանի նախագահը Շիրակամուտ գիւղում, դեռեւս վէրքերը չամոքուած 1988ի երկրաշարժից տուժածներին օգնելիս, պատասխանեց լրագրողների հարցերին:

Լրագրողի այն հարցին թէ, ի՞նչպէս միջնորդ կարելի է լինել թուրքիան, Հայաստանի ու «Ատրպայճանի» միջեւ, երբ հաւասար հեռաւորութեան վրայ չի գտնւում երկուսի հետ, ու դեռ չլուծուած խնդիրներ ունի Հայաստանի հետ::

Նախագահը պատասխանեց թէ, նախագահ Գիւլը առաջաարկել է օժանդակել Հայաստանին, «Ատրպայճանի» հետ խնդիրների լուծման գծով, ու միայն աննորմալ (նախագահի բառով, անբնական) մարդը կարող է մերժել օժանդակութիւնը:

Եթէ հաւատանք թուրքիոյ նախագահի բարի կամեցողութեան ու օժանդակութեան առաջարկին, ապա կարող ենք հասկանալ այդ օժանդակութեան միտք բանին, Բագու կատարած այցի ընթացքին Գիւլի արտասանած յայտարարութեանց մէջ, որ է «գրաւած» հողի վերադարձ ու եւայլն: Այս է Գիւլի օժանդակութեան առաջարկը: Գիւլը չի յիշել Արցախի ինքնորոշման մասին որեւէ բան, հայկական ուժերի դուրս բերման վերաբերեալ իր յայտարարութիւններում: Հիացած եմ նախագահ Սերժ Սարգսեանի սառնասրտութեան ու պայծառատեսութեանը:

Սերժ Սարգսեանը քողարկուած միտք էլ արտայայտեց, ու չգիտեմ եթէ ճիշտ եմ հասկացել, մօտաւորապէս ու հակիրճ. «Պարտուածը պէտք է շնորհաւորի յաղթողին, ու վերջ»: Կարելի է խօսքը «Ատրպայճանին» ուղղուած հասկանալ, նաեւ հայութեան այն հատուածին, որ հետապնդում է Հայ Դատը:

//''\\

Առջի օր, դարձեալ դիտեցի թուրքական քաղաքական յայտագիր, Հայ-թուրք յարաբերութեանց վերաբերեալ, ու որոշեցի անգամն ալ չդիտել, ու բանի տեղ չդնել:

Հիւրը՝ ազգայնական շարժում կուսակցութեան (գորշ գայլեր) անդամ էր: Բոլորովին դէմ է սահմանի բացման: «Նրանք պէտք ունեն մեզ, ու չհրաժարելով թուրքիայից իրենց պահանջքից, մեր Աղրը սարի պատկերը դնելով իրենց զինանշանի վրայ, ու գրաւելով եղբայր ու դաշնակից երկրի տարածքի 4%-ը, հաւակնում են սահման բացել ու յարաբերութիւնը բարելաւել: Իմ կարծիքով. Գիւլը պէտք չէր գնար Հայաստան» ասաց նա:



#57 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 22 September 2008 - 02:32 AM

Յետին ժամանակ, շատ կը դիտեմ «Այսօր Ռուսիա» հեռուստակայանը: Կը ցաւիմ Կովկասեան ժողովուրդներուն, քանզի փրկարար կը համարեն նոյնինքն իրենց ջարդարարները:

Արդարեւ, ռուս իմաստուն լրագրողները, Աբխազիոյ եւ Օսիայի անկախութեան ճանաչման մէջ մինակ չմնալու համար, կը դիմեն կովկասեան ժողովուրդներու գաղութներուն: Աբազ, Չերքեզ, Չեչեն եւ Օս ժողովուրդներէն մեծ հատուածներ, 19-րդ դարու սկիզբին, փախչելով ռուսերէն, ապաստանեցան Օսմանեան կայսրութեան, որպէս հոգեկից հարազատ երկրի: Վերոյիշեալ ժողովուրդներուն մեծ մասը, իր պատմական հայրենիքէն հեռու կը գտնուի: Առնենք Աբխազները որպէս օրինակ: Այս ժողովուրդը, որ հինէն քրիստոնեայ էր, եւ արեւմտեան վրացական ժողովուրդներու հետ պետութիւն կերտած, օսմանեան տիրապետութեան շրջանին իսլամացաւ: Կազմուած են երկու մեծ ցեղային միաւորներէ՝ աբազներ եւ աբխազներ: Չերքեզ-կաբարդին ժողովուրդին հետ ցեղակցական կապ ունին, կը պատկանին նոյն կովկասեան լեզուական ընտանիքին:

Վերադառնալով Կովկասի ռուսական առաջին գրաւման օրերուն, այսպէս կամ այնպէս իսլամացած կովկասեան ժողովուրդներ բուռն կռիւներ մղեցին, իրենց անկախութիւնը չկորսնցնելու սիրոյն: Որքան ալ հակասական թուայ, այդ ժամանակ, վրաց ժողովուրդի մեծ մասը եւ վրաց պետութիւնը կը գտնուէր ռուսասիրութեան հանգրուանին մէջ: Ռուսերը պիտի գային, եւ փրկէին արեւելքի քրիստոնեայ վրացիները եւ հայերը մահմեդական բռնատիրութենէն..

Արդիւնքը՝ կովկասեան ժողովուրդները շարան-շարան հեռացան իրենց պատմական հայրենիքէն, ու ռուսատեացութեամբ տոչորուած՝ պատուհաս դարձան, օսմանեան պետութեան քրիստոնեայ բնակիչներուն: Այսպիսիք, եւ բալկաններէն եկած այլք, բնակեցուեցան Հայաստանի ու Փոքր Ասիոյ նախկին յունաբնակ ու հայաբնակ տարածքին մէջ:

Դէպի հարաւ ռուսական առաջխաղացումը, երկսայրի սուր էր արեւմտահայութեան համար: Երկրին մէջ մնացողն հայն ալ, հեռացող հայն ալ տուժեց: Երկիրը դատարկուեցաւ հայ բնակիչներէ, ամբողջ գաւառներ քրդաբնակ դարձան, քանզի ռուսեր եկան. ու ետ քաշուեցան, իրենց հետ տանելով՝ պարտադրուած գաղթի ելած հայ համայնքներ: Իսկ մնացող հայը, փոքրաթիւ դառնալով ու տկարանալով աւելի ստրկացաւ քրդին ու նոր եկող ու պետութենէն հովանաւորուող կովկասցի գաղթականներուն հանդէպ:

Աբխազներուն մեծ մասը լքեց երկիրը, մնացող փոքրամասնութիւնը, որ քրիստոնեայ էր տակաւին, մնաց երկրին մէջ: Նախկին Ինքնավար Աբխազական հանրապետութեան մէջ, աբխազները կը կազմէին բնակչութեան 17 տոկոսը: Մնացեալը՝ վրացիք (մեգրելներ), ռուսեր, հայեր էն: Այսինքն՝ Աբխազիան Աբխազիա ըլլալէ զատ ամեն ինչի կը նմանէր: Եւ ասոր պատճառը ցարական Ռուսիան եղած է:

Հիմա, Ռուսիան եւ իր լրագրողները, իր նախկին զոհերու ժառանգներուն կը դիմէ, Ի Յորդանան, Ի թուրքիա եւ ի Սիւրիա, որպէսզի իրենց գտնուած երկիրներու կառավարութիւններուն քաջալերէն. Ճանչնալու Աբխազիոյ եւ Օսիայի անկախութիւնը:

Ռուսիան երբէք որպէս փրկիչ չէ եկած: Կարդացէք հայ կամաւորներուն յուշերը: Հայաստանը միշտ դատարկուած է հայութենէ, երբ ռուսեր գրաւած են զայն: Ու Հայաստանի ռուսական գրաւումը, երբէք չէ օժանդական հայ ժողովուրդին վերականգնելու արդարութիւնը, ինչ վերաբերի հողահաւաքին ու հայահաւաքին: Հայաստանը Հայաստան էր, ըլլար ռուսական գրաւման տակ, թէ դուրս: Հայաստանի տասը կաթսաները դատարկելով ու միայն տասնմեկերորդ կաթսային մէջ ապուր լեցնելով, ռուսերը Հայաստանը Հայաստան չդարձուցին, այլ ընդհակառակը՝ դատարկեցին հայութենէն: Բազմաթիւ հայ մտաւորականներու ու քաղաքական գործիչներու վկայութեամբ, ռուսերուն համար Հայաստան պէտք էր, բայց առանց հայի: Այլ խօսքով՝ ուժեղ հպատակ մը պէտք չէր: Ցարական Ռուսաստանը, որ կազմեց հայ կամաւորական գունդերը, ու դրդապատճառ եղաւ, որ օսմանեան հայութիւնը կասկածելի տարր ճանչցուի, թոյլ տուաւ հայութեան ոչնչացման, երբ հայ կամաւորական բանակին ու ռուսական զօրքին նահանջի հրաման արձակեց, մինչ վերջիններս յաղթական կարշաւէին դէպի Արեւմտեան Հայաստան:

Հիմայ ընթերցողս պիտի մտածէ, իբր թշնամութիւն կը քարոզեմ մեր միակ դաշնակցի հանդէպ: Ո'չ: Ռուսիոյ բարեկեցութիւնը եւ միութիւնը կը ցանկամ: Ճանչնանք պատմութիւնը եւ գիտնանք մեր դիրքը: Այլապէս, ինչպէս միշտ, պիտի շարունակենք մնալ պարսկամետ, յունամետ, արեւմտամետ, ռուսամետ, բայց երբէ'ք հայամետ:

Հայ մտքի մայրաքաղաքը Երեւանը պէտք է ըլլայ, ու հայ դիւանագէտն ու քաղաքական գործիչը, աշխարհի խնդիրներուն պիտի նայի՝ Երեւանի տան իր պատշգամէն:

Ինչպէս Օսմանցիներու յետնորդ թուրքիան, այնպէս ալ այժմու Ռուսիան, պարտք ունի Հայութեան հանդէպ, եւ պէտք է ճանչնայ իր գործած մեղանչումները:

Այսոր մասին եթէ մենք, հայերս չխօսինք, ո'վ պիտի խօսի: Հերիք ստրկամիտ ըլլանք:



#58 Arpa

Arpa

    Veteran

  • Members
  • PipPipPipPipPip
  • 10,011 posts
  • Gender:Male
  • Interests:Culture

Posted 22 September 2008 - 09:28 AM

QUOTE (Johannes @ Sep 22 2008, 08:32 AM)
Յետին ժամանակ, շատ կը դիտեմ «Այսօր Ռուսիա» հեռուստակայանը: Կը ցաւիմ Կովկասեան ժողովուրդներուն, քանզի փրկարար կը համարեն նոյնինքն իրենց ջարդարարները:
կը կազմէին բնակչութեան 17 տոկոսը: Մնացեալը՝ վրացիք (մեգրելներ), ռուսեր, հայեր էն: Այսինքն՝ Աբխազիան Աբխազիա ըլլալէ զատ ամեն ինչի կը նմանէր: Եւ ասոր պատճառը ցարական Ռուսիան եղած է:[/size]
---

ԵՐԲ, ԻՆՉՊԷՍ եւ ԻՆՉՈՒ մենք ԽԱՄԱՃԻԿ դառձանք օտարներու ձեռքին?
WHEN, HOW and WHY did we turn PUPPETS in the hands of the “othars” ??*
----
Thank You, Պարտիմ Քեզ ՍԱՍ
Posted by: SAS Feb 1 2006, 20:36
Խոսք՝ Ռ. Պատկանյանի
Երաժշտ.՝ Ն.Շահլամյանի
ԵՐԳ ՎԱՐԴԱՆԱ

Լռեց!!: …Ամպերը եկան ծածկեցին
Երկինքն ու լուսինն աչքես խլեցին.
Մնացի մենակ՝ հոգիս վրդոված,
Ձեռներըս ծոցիս, գլուխս քարշ արած:

Եվ այնուհետև ամեն իրիկուն
Մընում եմ լուսնի խաղաղ ծագելուն.
Նորա տըխրամած դեմքը նայելիս՝
Հիշում եմ թըշվառ վիճակը ազգիս:

Ա՜խ, ցոլա՛, փայլե՛, տըխրադեմ լուսին,
Գուցե քու փայլից փայլ տաս և հային...

Պատմե շատերուն Վարդանի մահը,
Կամ՝ ինչպես կորավ հայ ազգի գահը,
Կամ ինչ վեհ սիրով սիրում էր Վարդան
Մայրենի հողը- աշխարհ Հայաստան:

---
Տես վերեւ եոթներորդ տողը:
“I]Մընում եմ լուսնի խաղաղ ծագելուն.[/I]”.
Այո, լուսինը, մահիկը ծագեց:
ԽԱՂԱՂ? http://flagspot.net/images/t/tr.gif **
Մինչ այդ…
“Դարձեալփայլեց Սասնոյ, Գլխին, Ազատութեան Դրօշակ”
“Ծագեց (Արարատեան) ԱՐԵՒ նԱզատութեան, ՓԱԽԷՔ ԱՄՊԵՐ ԵՐԿԻՆՔԷՆ”
* I spell it “other (other)” to rhyme with Օտար.
** Օհաննէս, դու արդեն գիտես Բետիր Badr, بضر բառի իմաստը: (My system will not allow me to type “dal”)

Edited by Arpa, 22 September 2008 - 09:29 AM.


#59 Johannes

Johannes

    Յովհաննէս

  • Nobility
  • 2,900 posts
  • Gender:Male
  • Location:Alép, Syrie

Posted 04 October 2008 - 03:19 AM

QUOTE
Թեւաւոր արտայայտութիւններ գրաւոր ծագում ունեն: Սրանք անցեալի գրականութիւնից յայտնի, նշանաւոր մարդկանց ու կարեւոր իրադարձութիւնների հետ կապուած սեղմ, տարաբնոյթ արտայայտութիւններ ու մտքեր են, որոնք ակնարկում են իրադարձութիւնը կամ երեւոյթը՝ թողնելով, որ ընթերցողը կամ ունկնդիրը մտովի զուգահեռ անցկացնի տուեալ կամ ներկայ իրադարձութիւնների ու երեւոյթների միջեւ: Թեւաւոր արտայայտութիւնների մի մասն ունի դիցաբանական եւ աստուածաշնչեան ծագում, սակայն փոխաբերական իմաստ ձեռք բերելով՝ վերածուել է դարձուածքների: Այսպէս՝ աքիլլեսեան գարշապար, հոմերական քրքիջ, աղքատ Ղազարոս, Սիմոն ծերուն եւ այլն: Թեւաւոր արտայայտութիւնների մի մասն էլ «խօսուն անուններն» են, որոնք գրականութեան մէջ յայտնի տիպական կերպարներ են՝ Դոն Ժուան (գրական կերպար՝ կնամոլ), վերջին մոհիկան (վերացող երեւոյթի վերջին արտայայտութիւնը), Քաջ Նազար, ձախորդ Փանոս, մեծապատիւ մուրացկան, ցեց, տէր Թոդիկի դպրոց եւ այլն: Համաշխարհային գրականութեան շատ նշանաւոր երկերում հանդիպում են աստուածաշնչեան մի շարք արտայայտութիւններ. խաւարի թագաւորութիւն. գայլ՝ գառան մորթով. ձայն բարբառոյ յանապատի. քաւութեան նոխազ. երկնային մանանայ. սրերից խոփ կռել. Սողոմոնի դատ. աւազի վրայ տուն կառուցել. փշէ պսակ. ձեռքը լուանալ. հաց հանապազօրեայ. սուր բարձրացնողը սրով էլ կընկնի եւ այլն:




Արգենտինցի թենիսմեն հայազգի Դաւիթ Նալբանդեան Հայաստան է եկել:

Հայլուրի թղթակիցը ասաց, որ Դաւիթ եկած է իր պապերի Աւետեաց Երկիրը:

Հին Կտակարանից մէջբերուած «Աւետեաց Երկիր» արտայայտութիւնը վիրաւորական եմ գտնում հայերի պարագայում, քանզի, եթէ եբրայեցիներին երկիր խոստացուեց Եհովայի կողմից, ապա հայերին երկիր խոստանալու պէտք չկար, քանզի հայերը բնիկ էին եւ երկիր ունէին:

Այս հերթական ապացոյցն է, թէ որքա՜ն է խորն ազդել Հին Կտակարանը մեր լեզուին, մտածելակերպին, տալով պատրաստի թեւաւոր խօսքեր, որոնք գործածում ենք յաճախ անտեղի ու առանց մտածելու:

Աւետեաց, աւետիս «բարի լուր» բառից է առաջացել, նշանակում է «խոստացուած»: Երկիր Մոլորակի համարեա՛ ողջ բնակչութիւնը գիտըի հրէական այս աւանդապատումը, իբր հրեաներ թափարում էին Սինայի անապատում, ու գերի էին Եգիպտոսում, երբ Եհովան խոստացաւ իրենց նուիրել Քանանի երկիրը:

Սա Եհովայի առաջին սրիկայութիւնն է, մի ամբողջ երկիր, մի ժողովրդից առնելով ուրիշ ժողովրդի նուիրելը: Սա՝ եթէ հաւատանք ու առասպելը անքնին ընդունենք: Ու Հին Կտակարանը պատմում է, թէ ինչպէ՜ս եբրայեցիք (հրեաներ) նուաճելով այրեցին, քանդեցին քանանացիների երկիրը, այնպէս որ իրենց աստուածը՝ Եհովան, հալալ է արել քանանացեր ոչնչացնելը, ճանճ ու միջատ ոչնչացնելու իրաւունքի նման:



#60 Arpa

Arpa

    Veteran

  • Members
  • PipPipPipPipPip
  • 10,011 posts
  • Gender:Male
  • Interests:Culture

Posted 05 October 2008 - 09:28 AM

QUOTE (Johannes @ Oct 4 2008, 10:19 AM)

Սա Եհովայի առաջին սրիկայութիւնն է, մի ամբողջ երկիր, մի ժողովրդից առնելով ուրիշ ժողովրդի նուիրելը: Սա՝ եթէ հաւատանք ու առասպելը անքնին ընդունենք: Ու Հին Կտակարանը պատմում է, թէ ինչպէ՜ս եբրայեցիք (հրեաներ) նուաճելով այրեցին, քանդեցին քանանացիների երկիրը, այնպէս որ իրենց աստուածը՝ Եհովան, հալալ է արել քանանացեր ոչնչացնելը, ճանճ ու միջատ ոչնչացնելու իրաւունքի նման:

Ես այդ կոչեցեալ (հին)"կտակարանի" նոյնիսկ մէկ բառին հաւատք չունեմ: Դա լռիվ առասպել եւ գրագողանք է:
Ինչ վերաբերի Քանանի աւերումը, նոյնիսկ Սոդոմի հրոճարակը, տես թէ ով ստեղծեց "ազգագրական մաքրագործումը" (ethnic cleansing).
Հաջորդիվ տես "Ethnic Cleansing" որ ես գրել էի 1993 ին:
Ոմանք ինձ "հեթանոս" անուանեն, հպարտ եմ: Տես "հետթանոս, ethnos, ethnic" բառերի բուն իմաստը: Աեո, ես հեթանոս եմ, այսինքն Քրիստոնեայ որ ոչ մի կապ ունի նրանց կրօնի եւ մշակոյթի հետ: Ինպէս մի ժամանակ Ալի ին ուղղուած գիրին ես ասի "look who is calling whom 'gavur' "? Gavur is their mother just as hetanos is their father. Խէրն (հէր) անծածներ!! Yil'an abouhom!!!.

Edited by Arpa, 05 October 2008 - 09:38 AM.





0 user(s) are reading this topic

0 members, 0 guests, 0 anonymous users