Jump to content


Photo

Սև խաչ block cross


  • Please log in to reply
2 replies to this topic

#1 MosJan

MosJan

    Էլի ԼաՎա

  • Admin
  • PipPipPipPipPip
  • 28,607 posts
  • Gender:Male
  • Location:My Little Armenia

Posted 16 August 2019 - 01:33 PM

Սև խաչ block cross

68564559_2404544079789802_82891642986184
...AKzyWHs37J3DZSk

 

Վանում 1877-1879թթ գործում էր ՝՝Սև խաչ՝՝ հայկական գաղտնի կազմակերպություն

Նկարիչ Սուքիաս Թորոսյանը տեղեկացնում է .

«Վանում 1877-1879թթ գործում էր ՝՝Սև խաչ՝՝գաղտնի կազմակերպություն:Դավաճանների վրա դրվում էր սև խաչ, դատապարտելով մահվան:Լուսանկարը նույն թվականներին է արված, կենտրոնում Խրիմյան Հայրիկն է:

Հ.Գ. Հետագայում անդամների մեծ մասը դարձան ՝՝Արմենական՝՝»

«Վանում 1877-1879թթ գործում էր ՝՝Սև խաչ՝՝գաղտնի կազմակերպություն:Դավաճանների վրա դրվում էր սև խաչ, դատապարտելով մահվան:Լուսանկարը նույն թվականներին է արված, կենտրոնում Խրիմյան Հայրիկն է:

Հ.Գ. Հետագայում անդամների մեծ մասը դարձան ՝՝Արմենական՝՝»

 

 



#2 MosJan

MosJan

    Էլի ԼաՎա

  • Admin
  • PipPipPipPipPip
  • 28,607 posts
  • Gender:Male
  • Location:My Little Armenia

Posted 16 August 2019 - 01:35 PM

Սև խաչ, հայ ազգային-ազատագրական կազմակերպություն։ Հիմնադրվել է 1877-1878 թվականների ռուս-թուրքական պատերազմից հետո, Վանում հայերի ունեցվածքը քուրդ, թուրք բեկերի կողոպուտից զերծ պահելու և ինքնապաշտպանություն կազմակերպելու նպատակով։ Ըստ կանոնադրության, անդամները պետք է գործեին անձնվիրաբար և խիստ գաղտնի, դավաճանների վրա դրվելու էր «սև խաչ» (որից էլ ծագել է կազմակերպության անվանումը), այսինքն՝ դատապարտվելու էին մահվան։ Սերտ կապ է հաստատել Կարինի «Պաշտպան Հայրենյաց» գաղտնի կազմակերպության հետ։ Աջակցություն է ստացել Վանի ռուսական փոխհյուպատոս Կ. Կամսարականից։ Ունեցել է ակումբ (կազմակերպվել են դասախոսություններ, ազգային երգի երեկոներ և այլն), «Զինակիր» անունով երիտասարդական խումբ (որը 1882 թվականի մայիսին, Ազգային սահմանադրության 22-րդ տարեդարձի առթիվ, զինված երթ է կազմակերպել մինչև Վարագա վանքը)։ Կարինի «Պաշտպան Հայրենյաց»-ի ջախջախումից հետո (1982 թվականի վերջին) թուրքական իշխանությունները ձերբակալություններ են սկսել նաև Վանում։ Ենթադրվում է, որ «Սև խաչը»-ը գոյատևել է մինչև 1880-ական թվականների կեսը։ «Սև խաչ»-ի անդամների մեծ մասը մասնակցել է հայ առաջին քաղաքական կուսակցության՝ «Արմենական կազմակերպության» հիմնադրմանը։



#3 MosJan

MosJan

    Էլի ԼաՎա

  • Admin
  • PipPipPipPipPip
  • 28,607 posts
  • Gender:Male
  • Location:My Little Armenia

Posted 16 August 2019 - 01:39 PM

http://www.armin.am/...nocide_sev_xach

 

 

«ՍԵՎ ԽԱՉ», ազգային-ազատագրական գաղտնի կազմակերպություն: Հիմնվել է Վանում, 1878-79-ին՝ ժողովրդի ինքնապաշտպանության գործը կազմակերպելու, զենք հայթայթելու և ժողովրդին զինավարժելը ապահովելու նպատակով: Կազմակերպությունն ուներ իր լեգալ և անլեգալ մարմինները, լեգալը Վանում հաստատված կիրակնօրյա լսարաններն ու ակումբներն էին, որպես հռետորներ հռչակվել են Ավետիս Պարթևյանն ու Ս. Փորթուգալյանը, որոնք ձգտում էին ժողովրդի մեջ արթնացնել ազգային ինքնագիտակցությունը, բալկանյան ժողովուրդների ա-զատագրական պայքարի օրինակով ցույց տալ ազատագրվելու միակ ճիշտ ուղին: Անլեգալ օրգանը «Զինակիր» ընկերությունն էր, որն զբաղվում էր զենք հայթայթելով (զենքի մեծ մասը գնում էին թուրք, բանակից ու զինվորներից): 1880-ի Վանի սովի ժամանակ կազմակերպվել է զինված հարձակում հացահատիկի կառավարական պահեստների վրա, հափշտակվել դրամ (մեծահարուստներից) կազմակերպության կարիքների համար: 1880, 1881 և 1882-ին «Ա.խ.» նշել է Ազգային սահմանադրության տարեդարձերը: Կազմակերպությանը հովանավորել և սատարել են այն ժամանակ Վանի հոգևոր առաջնորդ Ս. Խրիմյանը, Վանի ռուս, փոխհյուպատոս Կ. Կամսարականը և Վանի Կեդր. վարժարանի տնօրեն Ս. Փորթուգալյանը: 1884-ին Խրիմյանին և Կամսարականին Վանից հեռացնելուց հետո կառավարությունը փակել է նաև Կենդրոնական վարժարանը, ցրել աշակերտներին: Դա առաջ է բերել հայ ժողովրդի հուզումը, որը «Ս.խ.» վերածել է զինված ելույթի: Բանտարկվել են կազմակերպության աչքի ընկնող անդամներ Խ. Աոլախյանն ու Շիրակյանը, աքսորվել Ս. Նաթանյանը, Ք. Փանոս յանը: «Ս. խ.» գոյատևել է մինչև 1880- ական թթ. կեսը:

 

Գրականության ցանկ՝

Հայկական հարց, 1996թ., Երևան






0 user(s) are reading this topic

0 members, 0 guests, 0 anonymous users