Jump to content


Photo

Armenia joining Customs Union


  • Please log in to reply
22 replies to this topic

#21 MosJan

MosJan

    Էլի ԼաՎա

  • Admin
  • PipPipPipPipPip
  • 27,816 posts
  • Gender:Male
  • Location:My Little Armenia

Posted 11 September 2013 - 11:14 AM

Դիվանագիտական բլեֆ
1378733442,4064.jpeg

Եվրոպական ինտեգրացիոն ուղղությունը այլեւս փակված թեմա է Հայաստանի համար, խոսքը բովանդակային ինտեգրացիայի մասին է: Մաքսային միության մեջ ընդգրկվելու որոշման մասին Սերժ Սարգսյանի հայտարարությունից հետո հայկական կողմը հուսահատ ճիգեր է գործադրում, սակայն դա արվում է ավելի շատ դեմքը փրկելու համար, քան թե բովանդակային արդյունքի հասնելու համար: Այս անգամ գործող իշխանությունը դիվանագիտական բլեֆի մատուցման համար ընտրեց ՀՀ նախագահի աշխատակազմի ղեկավար Վիգեն Սարգսյանին: Վերջինս Ազատություն ռադիոկայանի հետ զրույցում նշել էր, որ իշխանությունների քաղաքական օրակարգում մնում է Վիլնյուսում կայանալիք Արևելյան գործընկերության գագաթնաժողովի շրջանակներում նախաստորագրել Եվրամիության հետ Ասոցացման համաձայնագիրը։ «Իհարկե, հայտնի է այն կարծիքը և մոտեցումը, որ Մաքսային միությանը անդամակցությունը կարող է խոչընդոտ հանդիսանալ ԵՄ-ի հետ Խորը և համապարփակ ազատ առևտրի գոտի ձևավորելու մասին համաձայնագրին։ ՀՀ-ի դիրքորոշումը հայտնի է. մենք միշտ համարել ենք, որ պետք է փորձել համադրել այդ դրույթները։ Դրա անհնարինության պարագայում մենք վերցնում ենք այդ համագործակցությունից այն ամենակարևորը, որ կար եվրոպական ուղղության վրա, այն է՝ մեր քաղաքական երկխոսությունը, արժեհամակարգային այն փոխգործակցությունը, որը թույլ է տալիս արդիականացնել երկիրը, և մենք համարում ենք, որ այդ դրույթները հիմնականում ամրագրված են Ասոցացման մասին համաձայնագրում։ Հետևաբար մեր օրակարգում մնում է Վիլնյուսում նախաստորագրելու խնդիրը»,- ասել է Վիգեն Սարգսյանը։

Բնականաբար Վիգեն Սարգսյանը չէր կարող խոստովանել, որ ի սկզբանե բլեֆի վրա հիմնված Սերժ Սարգսյանի արտաքին քաղաքականությունը կատարյալ ֆիասկո է կրել: Հետեւաբար անհրաժեշտություն է առաջացել ինչ-որ կերպ փրկել իրավիճակը եւ ներկայացնել այնպես, որ Սերժ Սարգսյանի «հմուտ» քաղաքականության հետեւաքով Հայաստանը տնտեսապես ինտեգրվում է Մաքսային միությանը, իսկ քաղաքական առումով մաս է կազմելու եվրաինտեգրացիոն գործընթացներին:

Սա միակ ճանապարհն է, որի դեպքում Սերժ Սարգսյանը որպես լիդեր գոնե մակերեսորեն կարող է փրկել դեմքը սեպտեմբերի 3-ին Մոսկվայում նվաստացուցիչ հայտարարություն անելուց հետո: Եվրամիության հետ Ասոցացման պայմանագիր նախաստորագրելու շեմին Սերժ Սարգսյանի նման կտրուկ շրջադարձը միջազգային ասպարեզում զրոյացրեց գործող նախագահի առանց այն էլ խիստ ցածր հեղինակությունը, եւ հատկապես Արեւմուտքի կողմից նա սկսում է ընկալվել առավել քան անվստահելի գործընկեր:

Վիգեն Սարգսյանի ներկայացրած այսպես ասած «ճանապարհային քարտեզը» նպատակ ունի Սերժ Սարգսյանին գոնե փրկել այդ դիվանագիտական խայտառակությունից: Բոլորի համար էլ հասկանալի է, որ նոյեմբերի 29-ին Վիլնյուսում նախատեսվում էր նախաստորագրել Ասոցացման ու Խորը և համապարփակ ազատ առևտրի գոտու մասին համաձայնագրերը, որոնք թեւ առանձին փաստաթղթեր են, սակայն բովանդակային առումով մեկ ամբողջություն են: Այս համատեքստում կարեւորը տնտեսական բաղադրիչն է, եւ առանց դրա քաղաքական մասը ընդամենը բուտաֆորիա է: Եթե անգամ Վիլնյուսում ստորագրվի Ասոցացման համաձայնագիրը առանց Խորը և համապարփակ ազատ առևտրի գոտու մասին համաձայնագրի, ապա իրական կյանքում այն գրոշի արժեք չի ունենա ու կմնա թղթի վրա: Իշխանական քարոզչամեքենան դա կներկայացնի որպես Սերժ Սարգսյանի հաղթանակ, ով կարողացավ Մաքսային միությանը ինտեգրվելուն զուգահեռ ոտք դնել նաեւ Եվրաինտեգրացիայի պլատֆորմ: Եվրամիությունը դեռեւս դիմադրում է ՀՀ գործող իշխանությունների նախաձեռնած դիվանագիտական այդ բլեֆին:

Սեպտեմբերի 6-ին Բրյուսելում ՀՀ արտգործնախարար Էդվարդ Նալբանդյանի հետ հանդիպման ժամանակ Եվրամիության ընդլայնման եւ եվրոպական քաղաքականության հարցերով հանձնակատար Շտեֆան Ֆյուլեն հայտարարել էր.

«Մաքսային միությանը միանալու Հայաստանի որոշման համատեքստում դժվար է պատկերացնել Վիլնյուսում նոյեմբերին կայանալիք գագաթնաժողովի ընթացքում Ասոցացման համաձայնագրի նախաստորագրումը, ինչպես որ քննարկվել է բանակցությունների ժամանակ: Հիմնվելով այն տեղեկությունների վրա, որը մենք այս պահին ունենք՝ ՄՄ-ում ստանձնած պարտավորությունների համատեղումը Ասոցացման համաձայնագրի հետ խնդրահարույց է»:

Սակայն չի բացառվում, որ Եվրամիությունը եւս մաս կազմի Վիգեն Սարգսյանի միջոցով բարձրաձայնված դիվանագիտական այդ աճպարարությանը: Եվրամիության չինովնիկները եւս դեմք փրկելու խնդիր ունեն, քանի որ տարիներ տեւած բանակցություններից հետո ընդամենը մի քանի օրվա ընթացքում Սերժ Սարգսյանը զրոյացրեց նրանց ջանքերը, եւ նրանք հայտվեցին հիմար իրավիճակում: Առանց Խորը և համապարփակ ազատ առևտրի գոտու մասին համաձայնագրի, Ասոցացման պայմանագրի ստորագրումը նաեւ եվրաչինովնիկների համար կարող է լինել իրավիճակից մաքրված դուրս գալու գրեթե միակ փրկօղակը: Սակայն մինչեւ նոյեմբեր շատ հնարավոր է, որ Մոսկվան եւս մի անգամ տհաճ անակնկալ մատուցի Սերժ Սարգսյանին՝ նրան ստիպելով ստորագրել այնպիսի փաստաթուղթ, որը ի չիք կդարձնի նույնիսկ միայն Ասոցացման համաձայնագրի ստորագրումը: Այդ դեպքում Սերժ Սարգսյանի իշխանությունը կդառնա Մոսկվայի վասալը:

 

Դերենիկ Մալխասյան

 



#22 MosJan

MosJan

    Էլի ԼաՎա

  • Admin
  • PipPipPipPipPip
  • 27,816 posts
  • Gender:Male
  • Location:My Little Armenia

Posted 17 September 2013 - 01:11 PM

Heritage leader Hovannisian slams decision to join Customs Union
170079.jpg
September 17, 2013 - 15:20 AMT

PanARMENIAN.Net - Heritage opposition party leader, former presidential candidate Raffi Hovannisian slammed Armenian leader Serzh Sargsyan’s decision to join the Customs Union, comparing the move to the 1921 deal between the Turks and Bolsheviks.

According to Hovannisian, the country’s accession to the CU limits its sovereignty, with the President obligated to quit over his actions, Novosti-Armenia said.

The Armenia-EU ties have cooled down following President Sargsyan’s voicing Armenia’s readiness to join Customs Union, with further plans to be involved in formation of Eurasian Economic Union.

However, later the European Commission said that the Association Agreement (including a Deep and Comprehensive Free Trade Area) with Armenia can be compatible with economic cooperation with the members of the Commonwealth of Independent States.

When in St. Petersburg to attend the G20 summit, European Council President Herman Van Rompuy said that Armenia, Moldova, and, if possible, Ukraine will hopefully sign the Association Agreement at the Vilnius Summit in November 2013.

“This is a political agreement. The Agreement would allow Armenia to go through comprehensive change both politically and economically. Therefore, after getting the news about Armenia’s plans of joining the Custom’s Union the EU expects to hear from Armenia what her further plans are. We have not received official explanations from Armenia, yet we don’t think this is a zero sum game and the same refers to Ukraine. Some benchmarks will be necessary to meet. There are some outstanding issues but we hope to see results in Vilnius. We are still engaged with these countries and still expect to sign the Association Agreements,” he said.

Meanwhile, a spokesman for Stefan Fule, the European Commissioner for Enlargement and European Neighborhood Policy, said that the European Parliament is not going to initialize either the Associated Agreement or the Deep and Comprehensive Free Trade Area with Armenia, as it’s not compatible with membership in the Customs Union.

 



#23 MosJan

MosJan

    Էլի ԼաՎա

  • Admin
  • PipPipPipPipPip
  • 27,816 posts
  • Gender:Male
  • Location:My Little Armenia

Posted 27 September 2013 - 10:30 AM

«Հայաստանի նախագահն ունեցել է գնացուցակը, և ըստ այդմ` պարզ հաշվարկ է կատարել» Մարինե Մարտիրոսյան

 

արցազրույց Սորբոնի համալսարանի քաղաքագիտության դոկտոր Հայկ Ա. Մարտիրոսյանի (Նյու Յորք) հետ

-Պարոն ՄարտիրոսյանՀայաստանի՝ Մաքսային միությանը միանալու հայտարարությունից հետո սփյուռքից որևէ լուրջ  արձագանք չի եղել փորձագիտական մակարդակով: Դուք բնակվում եք Նյու Յորքում, և հետաքրքիր է իմանալ, թե ինչով է պայմանավորված սփյուռքի նման պասիվ կեցվածքը Հայաստանի համար շրջադարձային այս փուլում:

-Սփյուռքի այդ պասիվ վարքագիծը երկու բացատրություն ունի: Առաջինը նույն այդ սփյուռքի որակն է: Հայկական սփյուռքն այժմ ամենուր լրջագույն դեգրադացիայի է ենթարկվում: Երկրորդը` սփյուռքահայ մասնագետների` թեմայով չհետաքրքվածությունն է:

-Սերժ Սարգսյանի մոսկովյան հայտարարությունն անակնկա՞լ էր Ձեզ համար:

-Թերևս` ակնկալվող անակնկալ:

-Եվրամիության հետ 3,5 տարի բանակցություններից հետո Հայաստանն ընտրել է ռուսական վեկտորը: Այս տարիներին իշխանությունները շարունակ խոսում էին եվրաինտերգրացիայի մասին: ՄՄ-ին միանալու որոշմամբ՝ Հայաստանը կորցրե՞լ է վստահելի և կանխատեսելի գործընկեր կոչվելու հնարավորությունը Արևմուտքում:

-Ո՛չ: Ընդհակառակը` ձեռք է բերել: Հիմա ամեն ինչ ավելի քան կանխատեսելի է: Հայաստանը շատ որոշակի մի տիրույթում է: Կա՞ արդյոք առավել կանխատեսելի մի իրադրություն:

-Եվրամիության դիրքորոշումը քիչ թե շատ պարզ է Հայաստանի ընտրության վերաբերյալ, սակայն  դեռևս հայտնի չէ ԱՄՆ-ի դիրքորոշումը: Արդյո՞ք Վաշինգտոնը սպասում է Վիլնյուսի գագաթնաժողովին:

-ԱՄՆ-ը Հայաստանով հետաքրքրվում է նախևառաջ որպես աշխարհագրական տարածք: Չնայած պատմության ընթացքում մեր ահռելի կորուստներին` մենք դեռևս մնացել ենք աշխարհաքաղաքական գետերի խառնարանում: Իրանն ու Սիրիան այսօրվա համաշխարհային քաղաքականության հետաքրքրության առանցքն են, և Հայաստանի աշխարհագրական մերձավորությունն այդ երկու երկրներին, ինչպես նաև դիրքն ընդհանրապես, երկիրը դարձյալ կարևոր են դարձրել ԱՄՆ-ի համար: Սիրիական արհավիրքի հետ կապված` սրացել են ռուս-ամերիկյան հարաբերությունները: ԱՄՆ-ում ավելի ու ավելի ուժեղ են լսվում հակառուսական ձայները: Սեպտեմբերի 24-ին՝ ՄԱԿ-ում իր ելույթում, անգամ նախագահ Օբաման ակնարկով պատասխանեց նախագահ Պուտինի՝ «Նյու Յորք Թայմզ»-ի խմբագրականին: Պարզ է, որ այս համատեքստում ԱՄՆ-ը չի կարող դրական գնահատել իր դաշնակից Եվրոպայից դեպի իր հակառակորդ Ռուսաստան կատարած Հայաստանի ցատկը:

-Հայաստանի քաղաքական շրջանակներում Մաքսային միությանը միանալը պայմանավորում են գլխավորապես անվտանգության գործոնով: Ձեր կարծիքով՝ ՄՄ-ին անդամակցությունը իսկապե՞ս նվազեցնում է ԼՂՀ-ում պատերազմի վերսկսման ռիսկերը:

-Ո՛չ, այն չի նվազեցնում պատերազմի վերսկսման ռիսկերը, սակայն նվազեցնում է պատերազմի շուտափույթության և հայկական կողմի ծանրագույն կորուստների ռիսկերը: Պատերազմն, իմ խորին համոզմամբ, անխուսափելի է: Խնդիրը մեզ ցուցաբերվող աջակցության մեջ է: Աջակցություն ստանալու հույսերը դրանով մնում են կենդանի:

-Ռուսաստանցի մի շարք վերլուծաբաններ սարկազմով արտահայտվեցին Հայաստանի՝ ՄՄ-ին միանալու հայտարարությանը՝ նշելով, որ Հայաստանն այլընտրանք չուներ: Այսուհետև, ըստ Ձեզ, ինչպիսի՞ն կլինի Ռուսաստանի վերաբերմունքը Հայաստանի նկատմամբ:

-Մի քանի տարի առաջ Կրեմլին մոտ կանգնած հայտնի քաղաքական գործիչ և քաղաքագետ, այժմ Պետդումայի պատգամավոր Ալեքսեյ Պուշկովն ինձ ասաց, որ թեև Ռուսաստանում շատերը կարծում են թե Հայաստանն այլընտրանք չունի և չի կարող իրենց վերահսկողությունից դուրս գալ, սակայն դա այդպես չէ: Կարծում եմ` այսօր Պուշկովը բոլորովին այլ կարծիք ունի: Հետևաբար` վերաբերմունքը կլինի այնպես, ինչպես վերաբերվում են այլընտրանք չունեցող երկրին:

-Եվ ի՞նչ գին կվճարի Հայաստանն իր ընտրության համար:

-Դժվար է ասելը: Համենայնդեպս, այդ հաճույքը մեզ էժան չի արժենա: Չեմ կարծում, սակայն թե էժան կարժենար նաև Ասոցացման պայմանագրի ստորագրումը: Ակնհայտորեն Հայաստանի նախագահն ունեցել է գնացուցակը, և ըստ այդմ` պարզ հաշվարկ է կատարել: Այլ կերպ` տեղի ունեցածը դժվար է բացատրելը:

Լուսանկարը՝  Գերման Ավագյանի (Հ. Մարտիրոսյանի ֆեյսբուքյան էջից)






0 user(s) are reading this topic

0 members, 0 guests, 0 anonymous users