No replies to this topic

[vartahoor]

Դարակեսը

Դարկեսն էլ անցավ, այս նոր դարի շեմին
Որոգայթն եմ տեսնում դարանակալ Վեհիդ,
Որ հյուսել ես թաքուն մեր քարքարոտ ճամբին
ԵՎ ո՞վ պիտի անսա ներկա դարը դաժան:

Դո´ւ արարաի՜չ հզոր, ե´ս մեղսավո՜ր գրիչ,
Նարեկացու նման ես էլ գրե՞մ ողբեր,
Հոբի ճամբան անցնե՞մ, ‎գո՜ւթ աղերսե՞մ քեզնից,
Թե՞ Արտավազդ դառնամ ժայռի գրկում փակվեմ:

Մեր արևն էր հառնում, արևելքի ծիրից
Երազներից սերված դու Արեգին կերար
Ինչպես վիշապն հնում իր զոհին էր լափում,
Որոգայթդ լարած մեր արևը կերար:

Անգոսնելի օրը մայրամուտ է թեքվում,
Հորիզոնն է վաղուց մեր արյունով ցողվում,
Արևմուտքի խարդախ սկյուտեղի վրա
Մեռած մանկան օրորոցն է ներկա:

Վահան Գևորգյան