Jump to content


Photo
- - - - -

Inter խառնարան


  • This topic is locked This topic is locked
222 replies to this topic

#41 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 12 February 2007 - 01:08 PM

[color=blue]
QUOTE
ապրի հայ ազգը
[/color=blue]


Edited by Johannes, 12 February 2007 - 01:16 PM.


#42 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 13 February 2007 - 03:23 AM

Շատ հայ որբուկներ անգիտակից էին իրենց հայկական արմատին, մինչեւ այն օրը, երբ խաղակից թաղեցի երեխաները զիրենք կոչեցին. «գեաւուր» կամ «էրմանը» անուններով:

Այդ օրը, որ «էրմանը» կամ «գեաւուր» անունները տրուեցաւ այդ որբուկներուն, ինքնասթափեցման ցնցիչ ազդեցութիւն գործեց այդ երեխաներու ինքնագիտակցութեանց վրայ: Շնորհիւ այդ ցնցումին, զատորոշուեցան մնացեալէն: Լա՞ւ եղաւ, թէ վատ: Ըստ երեւոյթին լաւ եղաւ, որովհետեւ այդ օրուընէ սկսեալ այդ երեխաներու հոգեմտաւոր աշխարհը ներծծուեցաւ հայ ըլլալու իրականութեամբ:

Վէրջերս մի ոմն, ինձ արեւմտահայ կոչեց... շշմեցայ: Այնքան «ապուշ» եւ «քնատ» եմ եղեր, որ չեմ նկատած այդպէս ըլլալս ցայսօր: Ին՜չ յայտնում. արեւմտահայ եմ եղեր:

Նմանեցնել չ'ըլլայ, սակայն հայ որբուկի պարագան յիշեցուց զիս. «արեւմտահայ» կոչուիլս:

Հայաստանի հանրապետութեան անդամակցութեան պայմանները. Եւրոպական խորհուրդին, միջազգային կառոյցներուն աղէկ ծանօթ են, քիչ թէ շատ քաղաքական անցուդարձի հետեւող ակնդիրներուն եւ ունկնդիրներուն:

Միջազգային դրամական հիմնադրամ, Միջազգային Դրամատուն, Եւրոխորհրդարան, Եւրոմիութիւն, Ե.Ա.Հ.Կ եւայլն եւայլն:

Հայրենիքէս տասն առ հարիւր մնացած, այժմեան Հայաստանի Հանրապետութիւնէն պահանջուած եւրոպական եւ մարդկային իրաւունքի չափանիշներու եւ պահանջներու գործադրումը, այդքան ալ դժուար ըլլալու չէ, ըստ երեւոյթին:



#43 SAS

SAS

    -= Nobility =-

  • Members
  • PipPipPip
  • 656 posts
  • Gender:Male
  • Location:Moscow

Posted 13 February 2007 - 04:23 AM

QUOTE(Johannes @ Feb 13 2007, 09:23 AM) View Post

Միջազգային դրամական հիմնադրամ, Միջազգային Դրամատուն, Եւրոխորհրդարան, Եւրոմիութիւն, Ե.Ա.Հ.Կ եւայլն եւայլն:

Սիրելի Հովհաննես, մի՞թե ռուսերենի քայքայիչ ազդեցության տակ ես ընկել tongue.gif Մինչ այս բառերի ներխուժումը հայերեն լեզու, վաղուց ի վեր կար Եվր+Ա+ասիա = Եվրասիա մայրցամաքը smile.gif

Եվր+Ա+ միություն, եվր+ Ա+ խորհուրդ եվր+Ա+խորհրդարան և ... եվր+Ա+հայ biggrin.gif




#44 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 13 February 2007 - 10:16 AM

Նախ մարդ ըլլանք, յետոյ Հայ: Գրիչ շարժող իւրաքանչիւր ոք՝ ազնւութեան, արդարամտութեան, բարեսրտութեան որակ մը ունենալու է:

թուրքը կըսէ. «ե՛կ նայինք արխիւային տուեալներուն»:

Եթէ վստահ ըլլայի անոր արդարամտութեան՝ թերեւս..., բայց ան խաղ կը խաղայ:

Պէտք է վստահիս խօսակիցիդ արդարամտութեանը, անկեղծութեանը, որպէսզի կարենաս հասնիլ. մի հասարակած ճշմարտութեան, եզրայանգումի:

Նազովրեցին էր, որ ըսաւ. «հացդ շուներուն կեր մի դարձներ»:

Հայաստանի նոր սահմանադրութեան համաձայն, երկքաղքացիութեան օրէնք կարելի է ընդունիլ:

Պարտական ենք Եւրոպական խորհուրդին:

Ազգային ժողովի պատգամաւորուհի մը, բողոքելով մերժած է քաղաքացիութեան շնորհումը՝ այնպիսիներուն, որոնք Հայաստանի Հանրապետութեան դառնայիշատակ օրերը չեն ապրած, եւ Հայրենիքը լքելով գացած են արտերկիր:

Հասկանալի է նաեւ, երկքաղաքացիութեան օրէնքի ստեղծման կողմնակից կարգ մը կուսակցութեանց, ընտրազանգուած շահելու նկատառումները:

Իսկ զինւորական ծառայութիւնէ խուսափելու միտում ունեցող երկքաղաքացիի մը ուրուապատկերը, կը սարսափեցնէ տակաւին պատերազմական վիճակի մէջ գտնուող հանրապետութեան քաղաքական գործիչները:

-Իսկ եթէ կան այնպիսիք, որոնք չեն լքել Հայաստանի Հանրապետութիւնը, սակայն ոչ դառնը, ոչ էլ լեղին տեսել են, այլ՝ միշտ կուշտ ու ապահով, տաքուկ տեղը կպել են: Ինչպէ՞ս վարուել նմանօրինակ անձանց հետ, զրկե՞լ քաղաքացիութիւնից:

-Իսկ եթէ մի հայ ծնուել է արտասահմանում, Հայաստանի Հանրապետութիւնից հեռացած ծնողներից, պէ՞տք է պատժուի իր ծնողների մեղքի համար, զրկուէլով քաղաքացիութիւն ձեռք բերելու իրաւունքից:


Edited by Johannes, 13 February 2007 - 12:28 PM.


#45 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 14 February 2007 - 04:24 AM

-Իսկ անոնք որոնք, Հայաստանի մութ ու դառն օրերուն՝ սեփականաշնորհման (այս բառի վէրջին նորոյթը՝ «մասնաւորեցում» է) կասկածելի անդրվարագուրային, խնամիական, ախպերական կարգադրումներով ժողովուրդի 70 տարուայ ընթացքին ստեղծածը խլեցին եւ մասնակցեցան մօտաւոր հաշիւով 500 000 հայի արտագաղթի պատճառներու աւելացմանը, այժմ առօք փառօք եւ պատուաւոր շքանշանակիր քաղաքացիներն են Հայաստանի Հանրապետութեան:

-Եթէ հաւատանք հայ մամուլի մէջ տեղ գտած տեղեկութեանց, միայն Իրանէն 3000 «սիրուն» պարսիկ երիտասարդներ (հաւանաբար եւ ի միջի այլոց՝ Դաւրէժցի թուրքեր) ամուսնացած են (գրանցուած Հայաստանի պետութեան մօտ) հայաստանցի աղջիկներու հետ: Այս տեղեկութիւնը տրուած է վերոյիշեալ գրասենեակի մի պաշտօնեան, ամուսնութեան գրանցման համար եկած սփիւռքահայ զոյգն ի տես, ի ուրախութիւն օրուայ ընթացքին առաջին հայ զոյգի գրանցման առթիւ, 3 պարսիկ-հայ ամուսնութիւն արձանագրելէ ետք: Չեմ գիտեր եթէ ասոնք ալ Հայաստանի քաղաքացիութիւնը պիտի ստանան, շնորհիւ իրենց կնիկներուն եւ կիսահայ զաւակներուն:

Աւելի չ'խորանանք այսպիսի նիւթի մէջ:

Ես պիտի չի ուզէի անդրադառնալ, որպէս ապսպրանք Դուբայ եւ Ըստամբուլ թռչող հայաստանցի կնիկ-աղջիկներու մասին, սակայն գրեցի արդէն, որովհետեւ կարգ մը բոլշեւիկեան փափախաւորներ հայրենասէր ըլլաու դասեր կ'ուտան ինձ եւ Հայաստանի պետութեան պաշտպանի շապիկը կը հագնին, սակայն ցորեն ցանուած արտը անկոչ թռչուններէն պաշտպանող անզօր խրտուիլակէ մը աւելին չեն կրնար ըլլալ:



#46 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 14 February 2007 - 04:49 AM

Հայաստանը մենք ենք, մենք Հայաստանն ենք: Աշխարհի առջեւ մեզ՝ որպէս ազգ, որպէս տեսակ ներկայացնողը the Republic of Armeniaն է: Մեր սէրը կը դրդէ մեզ, որ լաւագոյնը ցանկանք (կամ տենչանք) մեր Հայրենիքի համար:

-Երբ խօսք բացուեցաւ գերպետութիւններու կամ կայսերապաշտ պետութիւններու մասին, կամայ ակամայ մտածեցի անցնող 50 տարիներու ընթացքին միջին արեւելքի մէջ տեղի ունեցող պատերազմներու, խլրտումներու մասին: Օրին, մէկը գրեց թէ սա՝ Ամերիկ-թուրքական ծրագիր է, հայադէմ միջինարեւելեան բարգաւաճ հայկական գաղութներու նօսրացման եւ տկարացման համար:

Ամերիկ-թուրք-հրեայ ծրագի՞ր է, թէ ոչ, չեմ գիտեր, սակայն գիտեմ սա ճշմարտութիւնը. գորշ գայլերու եւրոամերիկեան «վերսիոն» շէկ գայլերը հանգիստ չեն թողուր այս երկիրները, պիտի խլեն, պիտի լափեն, պիտի ծծեն, քարիւղի եւ ոչ միայն քարիւղի պաշարները:

Վնասողներու շարքին ենք նաեւ մենք: Պատմութիւնը կը շարունակուի ու կը շարունակուի:

Մարդուն մէկը կ'ըսէր՝ «ինչու Աստուած պապան մեզ այս վայրագ աշխարհագրութեան մէջ ստեղծեց», կամ՝ «ինչու մեր հայ նախահայրերը ուրիշ տեղ մը չընտրեցին, որպէս հայրենիք»:

Ճակատագիր...հետաքրքիր է իմանալ, եթէ երբէք Պորտուգալիան, Նորվեգիան, մեր տարածքի ժողովուրդներու չափ, պատերազմ ու վիշտ տեսած լինեն: Ունկնդրեցէք անոնց երգը:



#47 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 14 February 2007 - 08:46 AM

Ինչո՞ւ պարսիկ տղաք հայ աղջկանց հետ կ'ամուսնան:

Ուսանելու կ'ուգան, կը սիրահարուին եւ կ'ամուսնան (Համալսարանի հանրակացարանները...ու կը նմանին):

Վերոյիշեալ պարագան եւ հայ աղջիկներու աղքատութիւնը պատճառներն են(կը կարծեմ)՝ պարսիկ տղայ-հայ աղջիկ ամուսնութեան գլխաւոր պատճառը:

Արդ, ըստ հեռատեսիլի պարսկական ազատ կայաններուն դիտումիս, եւ ըստ այլ ականատեսներու վկայութեան, չի կարելի այս տեղ չ'արձանագրել եւ չ'խոստովանիլ պարսիկ կանանց գժուելիք գեղեցկութեան մասին:

Յազկերտները լաւ գիտէին, վասակները խաբելու ձեւը: Թերեւս կ'ուգայ այդ օրը, երբ ազատամիտ Իրանը, վերստին կը մատակարարէ Հայաստանը՝ գեղանի թուխ գեղուհիներով, բայց՝ առանց վասակացման:

Ընթերցո՛ղ, տողերուս հեղինակը Իրանի թշնամի չէ, այլ Հայաստանի թշնամիներուն թշնամին:

Իսկ Հայաստանի թշնամիները կարելի է կրճատել կամ բազմացնել:

Այստեղ կը կայանայ քաղաքական գործիչներու գործունէութեան դաշտը, ճարտարութեան ասպարէզը: Այսօր շատախօս եղեր եմ:

Դառնալով մեր խնդրին աւելացնենք. եթէ մի անձ, յանկարծ յայտնաբերել է, թէ ինք Հայ է, սակայն Հայաստանի Հանրապետութեան տարածքում չի բնակել, ոչ ինք, ոչ ալ մինչեւ 7-րդ պապն իր, բայց ուզում է Հայաստանի քաղաքացիութիւն ձեռք բերել, բայց մի անգամ ծառայել է իր ծննդավայրում եւ չի ուզում երկրորդ անգամ ծառայել, որովհետեւ ընտանիքի հայր է եւ պատասխանատու է զաւակների հանդէպ եւայլն եւայլն ...: Ի՞նչ թող անի այդ հայը:

Երբ Հայոց Արքան, Մամգոն կամ Մամիկոն կամ Մամակ ճենացուն Հայաստանի քաղաքացիութիւն շնորհեց, Սլկունեաց աւատը նուիրելով նրան, չէր երեւակայում, թէ ի՞նչ Վարդաններ, Մուշեղներ պիտի ծնանին Մամգոնէն:

Այս օրինակը հասկանալու է պատկերաւոր, եւ ոչ բացարձակ:

Ուրիշ խօսքով՝ զրկելով սփիւռքահայ զանգուածները Հայաստանի քաղաքացիութիւնէն, Հայաստանը զրկւում է՝ ապագայի հաւանական Գոհար Գասպարեաններէ, Յովհաննէս Բադալեաններէ, Գուրզադեաններէ...եւայլն:

Ուզեցէ՛ք եւ պիտի տրուի ձեզի:

Հայաստանի դիրքը արտաքին ատեաններում, պատի նման պաշտպանող հարազատ հայի զաւակ սփիւռքահայերը արժանի չե՞ն, Հայաստանի Հանրապետութեան քաղաքացիներու դառնալու:

Արժէք մը կայ, որ ո՛չ կշիռքով, ո՛չ ջերմաչափով կ'արժէւորուի. դա հաւատքն է, որ չարաչար շահագործւում է: Թոյլ մի՛ տաք, որ մարդկանց հաւատքը նուազի:



#48 SAS

SAS

    -= Nobility =-

  • Members
  • PipPipPip
  • 656 posts
  • Gender:Male
  • Location:Moscow

Posted 14 February 2007 - 12:23 PM

QUOTE(Johannes @ Feb 13 2007, 12:04 PM) View Post

Ընդո՞ր իս Սաս ջան,

Իմալ կ'եղնի, որ չ'պագիմ քո Հայի ճակատ:

Տղա Հովնե, դու մըր լիզուն ուրդի՞ց գինաս, վիրնե՞ իս սորվի : Կարո՞ղ ը ջոջմամդի կամ ջոջպապդի մշեցի-ալաշկերտցի-սասունցի ին:

Ի՞նչ ես կարծում(Արփա, ո՞ւր ես), մալ = պես (՞՞՞)

Մոսկվայում ըՄԱԼ(էմալ) ցուրտ ը = Մոսկվայում այնՊԵՍ ցուրտ է:

Այդ դեպքում՝ ինչպես = ինչ + պես = ինչ + մալ = իմալ


Սիրելի Հովհաննես,

ի՞նչ ես կարծում, եթե երկքաղաքացիության մասին օրենք ընդունեն հետևյալ ձևակերպմամբ՝ ամեն մի սփյուռքահայ իրավունք ունի դառնալու Հայաստանի քաղաքացի՝ առանց հրաժարվելու ուրիշ երկրի քաղաքացիությունից,ապա սփյուռքահայերի քանի՞ տոկոսը կօգտվի այդ իրավունքից: Իմ կարծիքով՝ մի չնչին տոկոս, եթե նույնիսկ ՀՀ քաղաքացիությունը ոչ մի պարտականություն-դարդ ու ցավ(բանակում ծառայել և այլն) չբարդի նրանց ուսերին:

Edited by SAS, 15 February 2007 - 02:22 AM.


#49 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 15 February 2007 - 08:36 AM

QUOTE
Տղա Հովնե, դու մըր լիզուն ուրդի՞ց գինաս, վիրնե՞ իս սորվի


Հայ գրականութիւնից: Մեր փոշեցեխ քաղքի մէջ, մինչեւ այսօր «ինդո՞ր ես» (Indor es) գործածողներ կան:

Քիչ մը անդին, ծովի կողմը՝ «չիո՞ց իս»:

Բեյրութէն եկած նորաձեւութիւն է՝ «լա՞ւ ես»: Հա պապաս լաւ եմ, հասկցանք:

15 տարի տեւող քաղաքացիական պատերազմի թողած հետքն է: Իւրաքանչիւր փուլքի տակ, մի ողջ գտնելու յոյսով՝ լա՞ւ ես...լա՞ւ ես...լա՞ւ ես...լա՞ւ ես...լա՞ւ ես...լա՞ւ ես:

Ինձ այսպէս դիմողներուն նախ՝ «բարեւ» կ'ասեմ, ետքը՝ «լաւ եմ»:



Մի սփիւռքահայ առաջին անգամ գնում է Հայաստան իր ազգականի մօտ, որպէս հիւր: Ազգականը հարցնում է՝ «ո՞նց ես Դաւիթ»: Դաւիթի պատասխանը լինում է՝ «ոնց եմ, ոնց եմ» հաստատական ոճով:



QUOTE
Իմ կարծիքով՝ մի չնչին տոկոս


Համակարծիք եմ: Բացի այդ, ներկայ Հայաստանը 7 կամ 8 միլիոն հայ. իմա՞լ տեղաւորի:

Դրա համար ասում ենք՝ Արցախի ազատագրեալ տարածքը մի՛ տաք (թէ կարենաք):

Արագածի լանջը ընդարձակ է եւ նօսրաբնակ: Նմանապէս` Սիւնիք եւ Արցախ աշխարհները:

Ինչու՞ Երեւան: Ապականած օդէն փախչելով՝ երթանք եւ բնակինք, օրէ օր խճողւող եւ ապականող քաղա՞ք մը:

Անձնապէս կը նախընտրեմ լեռնային աւան մը: Կիրակի օրերը կարելի է երթալ մայրաքաղաք:

Հայաստանը միայն Երեւանը չէ ժողովուրդ:

Հայաստանն այժմ ծով չ'ունի: Զուիցերիոյ օրինակը ուսանելի է: Եթէ սխալ չեմ՝ այդ երկիրը աշխարհի խոշորագոյն օդային փոխադրութեան հաստատութիւնը ունի: Չէ՛ Աւստրիան էր...Օստեռայխ:

Զուիցերիա...իտալական արտասանութիւն

Շվեյցարիա...ռուսական արտասանութիւն

Շվայցէ...Դոյչէ

Սիւիս...Ֆղանսէզ’ը

Առանց Երեւանի խողովակէն անցնելու, ուղղակի Գիւմրի, Դիլիջան եւ Սիսիան վայրէջք կատարել, որպէսզի բոլոր առուները մի լճի մէջ չ'ճահճանան:

Սիսիան Գորիս իմ Կապան, ինձ տանջում է ձեր ճամփան:



#50 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 15 February 2007 - 11:16 AM

-Փետրուար 13ին, փոխադրութեան նախարար Անդրանիկ Մանուկեանը յայտնած է թէ՝ Իրան-Հայաստան երկաթուղագիծի կառուցման հարց կը քննարկուի:

Շինարարներու պահանջած 1 միլիարդ դոլարը, Հյաստանի պետական ամավարկէն (բիւջէ) պիտի չի տրուի: Երկաթուղագիծի պայմանագրային կառավարման մրցոյթ պիտի կատարուի Յուլիսին: Երկաթուղիի կառավարումով հետաքրքրուած են՝ ֆրանսական, ուքրանական եւ ղազախական ընկերութիւններ:

Ըստ նախարարին, երկաթուղագիծը պիտի չի սեփականացուի: Կառավարող կողմը պէտք է վճարէ 10 միլիոն դոլար, առաւել շրջանառութեան 2%ը:

-Հրանդ Դինկի ընտանիքը դատարան կը դիմէ: Այրին՝ Ռաքել, երեք զաւակները եւ եղբայրը բողոքած են անոնց հանդէպ, որոնք թերացան պաշտպանելու հանգուցեալ Հրանդը:....



#51 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 16 February 2007 - 10:51 AM

-Հոգեկան աղքատութիւն է, ցաւն ու վիշտը սեփական համարելով՝ մերժել այդ ցաւի եւ զրկանքի բաժնեկցումը : Հեռուէն ապրած, սակայն մորթին վրայ չի զգացած հայուն մեղադրելով՝ Հայաստանից նրա բացակայութիւնը: Նախանձի խանդի, մի քիչ հիւանդագին դրսեւորում է, ազգային ժողովի պատգամաւորի ասածը...բայց նախանձ ինչի՞ հանդէպ. ցաւի եւ տառապանքի հանդէ՞պ:

Նման է այն կնոջ պարագան, որ ծնունդ է տալիս մի տղայի: Տղան մեծանում եւ ուզում է մի այլ «մամա»: Մայրը, իր տղայի համար փնտրում է աշխարհի լաւագոյն աղջիկը, մի չ'տեսնուած աղջկայ արժանի է իր տղան: Չէ՞ որ ցաւերով աշխարհ եկած է իր տղան...ահա ինչ որ մի աղջիկ գալու է եւ իր մէկհատիկ տղան ձեռքից խլելու է...

Բայց տղան ըմբոստանում է...եղաւ մեքսիկական շարք:

Ի՞նչ թող ասեն հոգիները այն զոհերուն, որոնք հարազատի ներկայութեամբ մարդավարի թաղուելու առիթ չունեցան: Ի՞նչ թող ասեն՝ այժմ ապրող հայերին: Թող ասե՞ն՝ «մեզ համար մի սգաք որովհետեւ մեզ հետ միասին չ'կոտորուեցիք»:

Թող ասե՞ն՝ «դուք մեր հարազատ ժառանգը չէք, զի փրկուեցիք եւ ապրեցաք»:

Այս եւ նման տրամաբանութեամբ երկիր չի կառուցւում: Ճիճուամիտ չ'լինենք: Քաղաքացիութիւն ստանալուց ետք, օրինազանցները կը պատժուեն: Առանց օրէնքի երկրի զարգացում չի լինում:

Օրէնքը թող գործադրուի ամէնուն վրայ: Առանձնաշնորհեալք խախտում են մարդկանց վստահութիւնը, այն վստահութիւնը, որի մասին զրուցում էինք վերը, այն վստահութիւնը, որ ամէնասուղ արժոյթն է կեանքում, իմին կարծիքով: Մի՛ խախտէք մարդկանց միամտութիւնը, ապահովութեան զգացումը:

Ու՞ր գնացին այն պապա/բաբա մարդիկը, հայրերը, որոնք ասում էին.«մենք չ'տեսանք լաւ օրեր, դուք տեսէ՛ք», «ապրէ՛ք երեխէք, բայց մեզ պէս չ'ապրէ՛ք»:



Օջախդ շէն, այգիդ ընդմիշտ դալար է

Ո՛վ այգեպան, դու՛ իմաստուն իմ հայրիկ

Մայր Արազի նման սէրդ վարար է

Իմ աչքի լոյս, իմ սրտի սիւն իմ հայրիկ



Բարի հայրիկ, խրատներդ լսել եմ

Սրտիս բոլոր մուրազներին հասել եմ,



Գուսան Աշոտ՝ հայրը փառքն է օջախի,

Յոյսը լոյսը, բարի կամքն է օջախի

Նուիրական վառ կրակն է օջախի

Լոյս ես տալիս, սրտիս անհուն, ի՛մ հայրիկ...



#52 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 24 February 2007 - 10:42 AM

-«Երկքաղաքացիութեան մասին օրէնքը կը մտահոգէ թուրքիան: թրքական մամուլը գլխաւորաբար ունէր այն մտահոգութիւնը, թէ սփիւռքը, որ հայկական հարցի պարագային հանդէս կ'ուգայ աւելի արմատական մօտեցումներով, այժմ Հայաստանի վրայ իր ազդեցութիւնը ալ աւելի պիտի մեծցնէ եւ արմատականութիւնը կրնայ յայտնուիլ թուրքիոյ սահմանին վրայ:» գրած է Պոլսոյ «Ժամանակ» հայկական օրաթերթը

-«Հայերէնի մասնագէտներ պիտի հրաւիրենք ազրբէզանի ղարաբաղ շրջանէն, իսկ լեզուի դասընթացքները աւարտելէ ետք թուրք պատմաբանները պիտի մեկնին արտասահմանի հայկական արխիւները ուսումնասիրելու համար:» ըսած է յուսուֆ հալաջողլու...

-Հայաստան պիտի այցելէ Լեհաստանի արտաքին գործոց նախարարը 25-27 Փետրուարին: Լեհ պատուիրակութիւնը պիտի այցելէ Մատենադարան եւ Ծիծեռնակաբերդ:



#53 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 26 February 2007 - 11:38 AM

Առաքեալի մը մասին

http://www.aztagdail.../html/page5.htm



Ջաւախքի հայ ժողովրդեան մասին

http://www.aztagdail.../html/page4.htm



#54 Arpa

Arpa

    Veteran

  • Members
  • PipPipPipPipPip
  • 10,011 posts
  • Gender:Male
  • Interests:Culture

Posted 26 February 2007 - 12:16 PM

QUOTE(Johannes @ Feb 26 2007, 05:38 PM) View Post

Առաքեալի մը մասին

http://www.aztagdail.../html/page5.htm

I don’t know why a few days ago he came to mind. Something must have triggered it. It may have been the Hrant tragedy.
He was in the US a short time ago.
See what Harut S. had said about him.
http://www.armeniape...or_Aghabaloghlu

And a total surprise. I had no idea.
http://emmanuel-chan...og-post_23.html

PS. Hovanes. You would do us all a favor also posting the actual text of article since these URLs become extinct in time.



#55 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 27 February 2007 - 01:33 AM

Last time Harut helped me. Unfortunatly i do not have the technic of transliteration.

#56 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 03 March 2007 - 11:42 AM

Մէջբերում հայ մանուլէն, որ իր կարգին մէջբերած է թրքականէն:

«թրքական կառավարութեան մօտ վիճաբանութեան նիւթ դարձած է, թէ Աղթամարի եկեղեցւոյ վրայ խաչ պէ՞տք է զետեղել, թէ ոչ: Մշակոյթի նախարար ատիլլա քոչ, ըսած է որ իրենք կանխակալ կարծիք չ'ունին. եթէ բնօրինակին մէջ խաչ գոյութիւն ունէր, ուրեմն կարելի է գմբեթին վրայ խաչ մը զետեղել: Իսկ ճարտարագէտ յակուբ հազան, որ մշակոյթի նախարարութեան կողմէ վերանորոգութեան պատասխանատւութիւնը ստանձնած է, նշելէ ետք, Ս.Խաչ անունով այս եկեղեցին Վասպուրականի Գագիկ թագաւորին կողմէ 915-922 թուականներուն կառուցուած է, ըսած է, որ այս եկեղեցիի բնօրինակին մէջ խաչի աչքառու նշան մը չէ տեսած (ահա թէ ով նորոգած է Ս. Խաչը-Հովիկ), ուստի յատակագիծին մէջ խաչ զետեղել յարմար չէ դատած: հազան այս մասին ըսած է հետեւեալը.« Մեր պրպտումներու ընթացքին հանդիպեցանք միակ նկարի մը, որուն վրայանորոշ կերպով կ'երեւէր խաչ մը: Այս կացութեան դիմաց վերանորոգութեան տեսանկիւնէն, գմբեթոն վրայ այդ խաչին նմանակը զետեղել անպատեհ նկատեցինք»: Իսկ ճարտարապետ Զաքարիա Միլդանողլու, որ հայ համայնքին անունով պաշտօն ստանձնած է հետեւելու վերանորոգութեանց աշխատանքին, հակազդած է այս որորշումին դէմ եւ ըսած, որ նորոգութեան միջազգային օրէնքին համաձայն՝ պայման է՝, որ նկատի առնուի կառոյցի բնօրինակը, եւ նորոգումը կատարուի յար եւ նման այդ առաջին օրինակին: Ջահիդ Զէդանլը անուն անձ մը, որ նոյնպէս պաշտօն ստանձնած է նորոգութեան աշխատանքին մէջ, ըսած է, որ խաչ զետեղելէ կը խուսափին՝ վախենալով կայծակի վտանգէն, որ կրնայ հրդեհ առաջացնել եւ վնաս պատճառել եկեղեցիին:»



Նախապէս գրած էի, թէ ով պիտի աղաւթէ առ Աստուած այդ տեղ: Վերի տողերէն, գոնէ այս ժամ, կը հասկանանք որ Ս. Խաչը հայոց պիտի չի տրուի, որպէս աղօթավայր:



#57 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 03 March 2007 - 11:56 AM

Մէջբերում,

«Միացեալ նահանգներ ռադարի մը հակահրթիռային տաս կազմածի տեղադրման համար կը բանակցին լեհական եւ չեխական կառավարութեանց հետ: Ռուսիա քննադած է այս ծրագիրը եւ յայտնած, որ Միացեալ Նահանգներ նոր տեսակի հրթիռներ կը զարգացնեն:

Միացեալ Նահանգներու հրթիռային պաշտպան գործակալութեան նախագահ զօր. Հենրի Օբերինգ Բրիւքսելի մէջ յայտնած է, որ պաշտպանութեան վահանի շրջագիծին մէջ Միացեալ Նահանգներ կրնան նաեէ ռադար մը տեղադրել Կովկասի մէջ:

Ռուսիոյ օդուժի հրամանատար զօր. Վլադիմիր Միխայիլով յայտնած է. «թող տեղադրեն զայն: Իրենց հարցն է: Մենք ամէն իր ունինք այս զարգացման համաչափօրէն պատասխանելու: Մոսկվա զգուշացուցած է Լեհաստանն ու Չեխիան, որ Մ. Նահանգներու պաշտպան համակարգը հիւրընկալելու պարագային կրնան ռուսական հրթիռներու թիրախ դառնալ:»

Աշխարհի գամը փրթեր է (հովո):



#58 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 06 March 2007 - 09:42 AM

QUOTE
Լռութիւնն էլ իր կեանքն ունի


Այս կայքէջի թուղթը ստորագրած է՝ Մարի-Ռոզ Աբուսէֆեան: Նրա կարգ մը գաղափարները կը բաժնեկցիմ: Մնացեալի հանդէպ վերապահ եմ: Ամէնայն դէպս կ'արժէ ընթերցել:

Ցաւալի իրողութիւն է, որ բարոյազուրկ երկրի մը իշխանական կառոյցներէն արդարութիւն կը խնդրեն, կամ կը պահանջեն հայ քաղաքացի զանգուածները: Այսպիսի երկրէ մը, արդարութեան ձայնի ընդունումը, որքանո՞վ բարոյական յաղթանակ կարելի է համարել (թերեւս Կլինտոնի ժամանակ՝ այո):

Անձնապէս հաւատում եմ, որ սրանց նպատակը աշխարհի քանդումն է, որպէսզի ղեկավարումը հեշտ լինի: Հաւատում եմ, որ նրանք կիսախենթեր են, եթէ ոչ մարդանման սատանաներ: Վստահ եղէք, նրանք իւրանց վարքով վնասում են հայ ժողովուրդին, ի սփիւռս եւ ի Հայք: Նրանք վնասում են եւ ամերիկացի ժողովուրդին՝ տնտէսապէս, բարոյապէս եւ մարմնապէս:

Իրանն ու Միջին Արեւելքը քանդուած տեսնել: Ահա այս տեսլականի իրականացումով տոգորուած. ոճրագործ այս խմբակը եւ տխմար ընտրազանգուածը փնտռել տալիս են, երբեմնի խորհրդային արգելակիչ կայսրութիւնը: Հուգո Չավէզները, Ահմադի նեջադները սպասուած մեսիայի, մհերի կարգավիճակ ստանում են՝ շնորհիւ ինք իրմով հիացած սեաւ տան բնակիչին:

http://www.aztagdail.../html/page6.htm



#59 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 28 March 2007 - 08:46 AM

-Ըստ «Ազատութիւն» ռադիոկայանի երէկ առաւօտեան Իրաքի Քերքուկ քաղաքին մէջ երկու հայ կիներսպանուաած են, յայտնած է իրաքցի ոստիկանապետ մը: AFP լրատու գործակալութիւնը կը հաղորդէ, որ հայ կիները անյայտ զինիալներու կողմէ սպանուած են իրենց տան մէջ:

Ոստիկանապետի վկայութեամբ՝ կիներէն մէկը 60 տարեկան էր, միւսը 80: Իրաքի մէջ ներկայիս կը բնակի մօտ 15 000 հայ:

-Ս. Էջմիածնի մամլոյ դիւանը կը տեղեկացնէ, թէ նկատի առնելով, որ թուրքիոյ իշխանութեանց կողմէ «նորոգուած» Ս Խաչ եկեղեցին պիտի վերածուի թանգարանի եւ պիտի չի գործէ իբրեւ եկեղեցի՝ Կ. Պոլսոյ Հայոց պատրիարքութեան հոգեւոր իշխանութեան տակ, եւ բացման արարողութիւնը պիտի կատարուի զուտ աշխարհիկ կարգով եւ ոչ թէ Հայց. Առաք. Եկեղեցւոյ կանոնական ծէսին համաձայն, Ս. Էջմիածինը պիտի չի մասնակցի Ս. Խաչ եկեղեցւոյ, որպէս թանգարան բացմանը:

«թուրքիոյ իշխանութեանց կողմէ հայ ժողովուրդի քրիստոնէական բարեպաշտ զգացումներուն դէմ ուղղուած այս գործողութիւնը չի կրնար ընկալուիլ իբրեւ դրական քայլ հաայ եւ թուրք ժողովուրդներու փոխադարձ մերձեցման ճամբուն վրայ՝ առաւել եւս ներկայ դարու՝ ժողովուրդներու գործակցութեան եւ կրօններու ու մշակոյթներու երկխօսութեան համընդհանուր ձգտումի շրջագիծին մէջ», կը նշէ Ս Էջմիածինի մամլոյ դիւանը:

-Երէկ Մեծի տանն Կիլիկիոյ կաթողիկոսութեան տեղեկատւութեան բաժանմունքը հաղորդեց, թէ նկատի ունենալով, որ «թուրքիան» տակաւին կ'ուրանայ հայկական Ցեղասպանութեան պատմական իրողութիւնը, Մեծի Տանն Կիլիկիոյ կաթողիկոսութիւնը կը մերժէ ոեւէ ներկայացուցիչ ուղարկել 29 Մարտ 2007ին տեղի ունենալիք Աղթամարի Ս. Խաչ եկեղեցւոյ, իբր թանգարան բացման պաշտօնական թրքական հանդիսութեան:



#60 Johannes

Johannes

    Յովհաննէս

  • Nobility
  • 2,911 posts
  • Gender:Male
  • Location:Alép, Syrie

Posted 29 March 2007 - 12:35 PM

QUOTE
Ըստ «Ազատութիւն» ռադիոկայանի երէկ առաւօտեան Իրաքի Քերքուկ քաղաքին մէջ երկու հայ կիներսպանուաած են, յայտնած է իրաքցի ոստիկանապետ մը: AFP լրատու գործակալութիւնը կը հաղորդէ, որ հայ կիները անյայտ զինիալներու կողմէ սպանուած են իրենց տան մէջ:
Ոստիկանապետի վկայութեամբ՝ կիներէն մէկը 60 տարեկան էր, միւսը 80: Իրաքի մէջ ներկայիս կը բնակի մօտ 15 000 հայ

Կը ներէք սխալ լուրի զոհ դարձայ...այդ 2 կիները հայ չեն:


Edited by Johannes, 29 March 2007 - 12:37 PM.





0 user(s) are reading this topic

0 members, 0 guests, 0 anonymous users